1 # Page harei 24/7, di labik taneh kabo 10 urang kamei liệt sĩ TNXP canah 3 Đồng Lộc, huyện Can Lộc, tỉnh Hà Tĩnh hu peih ngak pathi dalam prong prang, hu mbaok ralo urang dahlau diah ngak thanh niên xung phong; urang đoàn dam dara saong bhap bani puk palei. Ini lac bruk ngak piah pahadar 50 thun harei metai di 10 urang kamei  anh hùng liệt sĩ do canah klau Đồng Lộc; 71 thun harei thương binh liệt sĩ. Atah di ini 50 thun, harei 24/7/1968 di mblang taneh ini, piah khik ka jalan mbak nao mai hu, pajeng ba pandap panda meng gah barak tame dalam meraong, 10 urang kamei TNXP canah klau Đồng Lộc njauk sa baoh bom di khamang laik njauk saong taong abih dom urang nan ndih trun tuk umo daok biak ranaih.

2 # Chi cục pacang caga bala meng langik tasik bhum kreih negar  song Tây Nguyên ndom lac, thun 2018, gah kreih negar song Tây Nguyên daok dang anak bruk pandiak bhang khang. Tui kuhria mboh meng ni tal puac thun  2018 hu meng  8 tal  10 mbang ribuk, áp thấp nhiệt đới di bhum biển Đông. Dalam bilan 8, bilan 9, dom krong ribong di bhum  Trung Bộ kurang meng 20 tal 60%, taeng krong Cái Nha Trang tỉnh Khánh Hòa kurang labaih 80% song ia di Đồng Trăng meda trun beir di abih kuhria meng kan mai

    3  # Pandar phun jru piah ngak jru iek ruak ka urang ruak nan lac jalan ngak hu y học pandar meng lavik mai. Tui pathau khan di Mnetri Y tế, thun 2018, negar drei hu labaih 5000 janih phun hu pandar piah ngak jru, dalam nan hu 200 janih meda duah paik saong pala hu piah pabak bruk pandar dalam negar saong pamaong tal bruk pablei tabiak negar langiu. Brei mboh ka yaom glaong di dom phun jre dalam bruk iek ruak, Giáo sư, Tiến sĩ Đào Văn Phan, urang dahlau diah ngak Chủ nhiệm bộ môn Dược lý, Sang bac Đại học Y Hà Nội brei thau:  Dom thun ini, phun jru piah iek ruak ung thư mong yau hu pasiam veik saong cakrok patagok. Kayua lac, khaol drei thau, angaok dunya piah iek ruak ung thư ye pandar hóa trị dom jru prang, xạ trị saong blac raih…Min hóa trị saong xạ trị nan biak độc, dom asal jru ini độc gam haong dom tế bào siam. Yau nan ye, angaok dunya jeng gilac veik roh duah phun jru.

            4 # Piah paglaong kein laba bruk rong ikan lồng bè, gam song bruk jak ba, dong brei di kapul urang nong  xã, rilo sang urang nong di tapen krong Vàm Cỏ Đông palei Bến Kéo, xã Long Thành Nam, huyện Hòa Thành, tỉnh Tây Ninh, khang hatai buh jien tabiak rong ikan thát lát cườm, ba mai kein liba  kinh tế glong. Tui ong Dũng, ikan thát lát cườm diuk hu dalam ia likhun, mbuan rong, abih di nyu nan lac lagaih haong labik hu ia nduac di krong nan ye biak samar prong. Hadei di 10 bilan rong, yaok drei trak meng  700 – 800g,  hadei di tuk abih tih phun jien buh tame ngak, yaok vụ sang ong duah hu jiak  200 triệu đồng.

         5  # Tui dom sang bein pala thanh long hatai bhong di Đồng Nai, urak ini Trung Quốc  lac darak pasar blei ralo thanh long hatai bhong meng Việt Nam. Min jaik di ini darak pasar ini daok ngak catang bruk blei tame, tok blei thanh long janih 1. Baoh thanh long hatai bhong mek hu janih 1 njauk prong samu 3 trái/kg, kanduh tasak min dom tanye angaok baoh jeng daok hijao. Daok dom baoh thanh long prong jang atau sit jang nan njauk klaak tabiak, biak kan pablei saong yaom biar, ngak ka sang bein gaok ralo kan kandah. 

                    Patui di ni dom khau tin dunya

          6 # Tổng thống Philippin Rô-đri-gô Đu-tơ-tê (Rodrigo Duterte) bahrau hu panuac lac  rajaei di ong meda jhul pakhang  bruk mesruh pacang  ma túy, ndom lac, bruk mesruh pacang dom băng đảng pablei salih ma túy song menuac urang  pandar dok sa jalan atah di GAH anak. Tui panuac khan di rajaei  Philippin, 4.354 nghi phạm metai song hu 147.802 nghi phạm njauk chap kreik dalam yaok ribau mbang  truy quét dalam 2 thun tapa.

          7 # Sa adit tapa, Thụy Điển pandiak labaih 30 độ C, glaong jang 10 độ C dut haong bilan 7 yaok thun. Nhiệt độ glaong ba tal tua riya pandiak bhang trak saong khuah glai. Raja-ei Thụy Điển hu panuac caong khin Pháp, Đức saong dom negar karei daong brei manuac urang piah padam khuah glai. 

            8 #Dalam tuk nan di Mỹ, rilo bhum di gah pai song gah merong negar ni langik daok pandiak khang  . Harei 8/7, nhiệt độ di Thung lũng Chết, mbang Ca-li-phoóc-ni-a tagok tal  52 độ C. Dom bhum palei di Mỹ hu padang lều bạt piah ka urang oh hu jam riak liar mai dok tạm kayua hu dom urang metai kayua mebuk  pandiak./.