1# Patui mbang nyaom ka 5, harei 1-6,  Quốc hội ginum biai ka dự án Luật Quy hoạch; pang harak pathau khan saong taong yaom Dự án Hukum raong glang saong ginum biai ka dom asal kadha daok hu panuac karei di gauk ka dự án Luật đo đạc saong bản đồ. Dalam dom asal kadha hu pasiam veik, anak tal, quy hoạch patagok điện lực tỉnh, ban di trung ương oh daok ngak karei bo daok dalam quy hoạch tỉnh, quy hoạch đô thị saong palei pala meda hu jalan patagok mạng lưới cấp điện.

      2  # Thủ tướng Rajaei jao  ka mintri  Tài nguyên song  Môi trường langyah panuac caong di gilang pariak karja; samar tong yaom bruk peih ngak Thông tư ka 33/2017/TT-BTNMT harei  29/9/2017 di Mintri  Tài nguyên song  Môi trường piah hu jalan ngak siam lagaih, lang talaih tavak tavaiy dalam bruk brei harak chứng nhận drap ar daok di angaok taneh ngak nong ka bhap bini  sản xuất ngak nong công nghệ glong; pathau khan Thủ tướng Rajaei  bruk peih ngak dahlau di harei  1/9.

3# Page mesup 31/5, jaik 400 urang lac urang jakar, urang đoàn di dom jabat, kapul nyaom, tapon nyaom bol pan phao kraong tỉnh Sơn La hu mbaok tame bruk mít tinh pachreih tui harei dunya oh njuk pakao hala saong adit negar oh njuk pakao hala, ngan saong kadha: "njuk pakao hala, pacang bruk patagok khang kajap di dom negar". Gah y tế tỉnh Sơn La hu panuac ieu dom pakat ủy đảng, karja, dom mban ngành, kapul nyaom, tổ chức xã hội saong taong abih bhap bini ba gauk tame pacang caga bruk kanjah jhak di pakao hala, patagok bruk ngak catang di hukum.

          4 # Oh ka tal sa bilan tra lac tal harei pakacah THPT pakat negar. Gm song taneh ia, tỉnh Đắk Lắk dok kham merat caga  labik song menuac duh ka mbang pakacah hu siam mekre di abih. Mbang pakacah  THPT pakat negar thun 2018, tỉnh Đắk Lắk hu jiak  22.200 thí sinh tut angan tame pakacah. Dalam tỉnh hu 36 labik pakacah, ngan song 930 balik hu  ginup di tong abih huyện, ban sit, ban prong dalam tỉnh. Bruk kuhria caga ka mbang pakacah THPT pakat negar song tuyển sinh Đại học – Cao đẳng thun 2018 dok hu kuhria caga siam.

5# Page mesup 31/5, yaok rituh cảnh sát di Công an ban raya Hồ Chí Minh  hu bao vây nhà hàng Ruby, sa labik mbang me-in angaok jalan Tôn Thất Tùng, phường Phạm Ngũ Lão, Quận 1 mboh hu ralo menuac pandar ma túy. Dom hrei tapa, dom gah chức năng patagok bruk pasang iek dom khách sạn, tlabiki mbang me-in piah pasiam veik bruk an ninh trật tự saong langyah catang dom bruk ngak suan tui tacei pato di UB bhap bini ban raya Hồ Chí Minh.

                   Patui di ni dom khau tin dunya:

       6 # Jalan tapen negar di  dải Gada song  Ixraen daok kandang joa veik tui sa brukt padeih cuh halan hatain di dom gah. Di labik ni bahrau rah tapa sa mbang mesruh khang di abih di urang  Palextin song Ixraen kuhria  meng di mbang mesruh metak thun  2014. Di dom ban sit di  Ixraen jiak tapen jalan negag song dải Gada,  mesup bloh, dom sang bac hu peih pambah mbang veik i, dalam tuk dom jalan praong jeng daok chreih chrai tagok haong menuac urang nao blei pandap.

7# Mintri pablei salih Trung Quốc tabiak panuac lac, Trung Quốc meda trả đũa meyah Mỹ pacang veik bruk đầu tư di taneh ia ini, jeng ye nao cagar veik quy định di gah pablei salih dunya (WTO). Panuac nan hu urang brei panuac di mintri Pablei salih Trung Quốc Cao Phong ba tabiak dalam tuk Mỹ bahrau tabiak panuac lac kak je 25%  dom pandap Trung Quốc saong yaom abih tih tagok tal 50 tỷ đô la Mỹ

          8 # Brei panuac angaok Nhật báo phố Uôn (Wall street Journal), urang jakar pablei salih  Mỹ brei thau, gah kinh tế dang akaok dunya  samar ba tabiak yaom kak je bahrau  ngan song pandap pasei song á nhôm di dom negar Châu Âu pablei tapa  Mỹ. Bruk ni meda hu ba tabiak dahlau di tuk puac abih harei  1/6 dalam tuk dom mbang ginum biai pablei salih di Mỹ song  Châu Âu daok klaih klaoh song Mỹ daok cagar ka bruk trã đũa meng dom taneh ia EU.