# Urak ini dom doanh nghiệp dalam tỉnh Đồng Nai daok caong khin palih ruah yaok ribau urang ngak. Anak bruk nan, Pasak dịch vụ bruk ngak tỉnh Đồng Nai brei thau: dalam harei 12/8 anak tal, pasak meda hu peih  Sàn giao dịch bruk ngak lưu động pak huyện Nhơn Trạch, piah ngak jeng labik pambuak bruk, daong ka urang caong khin bruk ngak, thau hu bruk meng dom jabat caong khin palih ruah piah meng nan duah bruk ngak ka nyu njauk haong drei.    

           # "Trải nghiệm tinh hoa thuần chay" lac angan ieu di harei pataom pandap  mbang  chay hu peih tabiak dalam 3 harei sẽ meng harei  21 tal harei  23/9 atal, di  tỉnh Tây Ninh. Ni lac bruk ilamu mbang huak brei ka bhap bini dalam tỉnh jang yau tuai damuai  du lịch piah duah thau dom janih gheih mekre ka bruk mbang chay di  Tây Ninh song di Việt Nam. 

#UBND thành phố Phan Thiết, tỉnh Bình Thuận bahrau tabiak bruk peih ngak Lễ hội Nghinh Ông Phan Thiết thun 2018, rah tabiak dalam 3 harei meng harei 30/8 - 1/9 (lac harei 20 - 22/7 saka aia bulan) ngan haong phần lễ saong phần hội hu ralo bruk ngak pambuak pagam haong ilamo tín ngưỡng bhap bani puk palei. Lễ hội Nghinh Ông Phan Thiết tui adat peih ngak 2 thun sa mbang (thun chẵn dương lịch) ngan haong jalan ngak khik pacang saong cakrok patagok  ilamo bbhap bani puk palei, likau angin siam hajan laghaih, phun pala tamuh siam, rai diuk trei sil. 

          # Piah salih bahrau asar kadha jang yau jalan ngak, pabak siam jang ka urang maong iek, meng harei 1  bilan  8 tal, Rayo papar binguk Đ Việt Nam hu tabiak mbaok danak dak “Chào buổi sáng” bahrau. Ngan song kadha  “Yaok harei jeng lac sa harei bahrau, jalan ngak bahrau” Danak dak hu ba mai ka yaok triệu urang maong iek dom khau tin bahrau song siam lagaih, bak chreih chrai piah yam tame sa harei bahrau. 

   
          # Melam 2/8, di Sang daoh Đài Truyền hình TP Hồ Chí Minh meda hu peih ngak danak dak giao lưu nghệ thuật ngan haong kadha: "Pamaong tal bhum tapen negar pulao tasik Negar", piah daon brei kadung jien “Brei ka pulao tasik bhummi – brei ka gah akaok negar”. Danak dak meda ba mai dom kadha daoh tamia biak gheih ngan haong dom kadha daoh ndom tal pulao tasik, bhummi tapa sap daoh di dom nghệ sĩ ranaih grauk labik dalam negar. Langiu di nan, danak dak caong khin  ba tal urang mong iek dom kadha biak hu makna ka pulao tasik, bhummi, rik daong tame bruk pachreih dom urang jakar, bol lin saong bhap bani daok diuk rai di dom bhum tapen negar, pulao tasik; paglaong akaok saneng ka bruk pacang khik chủ quyền taneh aia.

          Patui di ni dom khau tin dunya

# Karja di  Tổng thống Mỹ Đô-nan Trăm (Donald Trump) brei thau, hu  brei taom gauk veik ka labaih 1 ribau 400 uranaih  nhập cư song gauk gar dalam sang tui njauk tuk vak luac abih, bo sa  tòa án Mỹ ba tabiak dahlau di nan. Urak ni dok labaih  700 uranaih oh taom hu gauk gar dalam sang kayua amaik ame dom adei oh dok di  Mỹ. Dahlau di nan, karja Mỹ hu neh tabiak labaih 2 ribau 500 uranaih truh amaik ame oh hu harak gar dalam rup

          # Urang jakar Nhật Bản brei thau, negar ini daok ba tabiak jalan ngak lac tal hè 2020 meda taduan raok 10 ribau urang điều dưỡng Việt Nam dalam bruk kham merat langyah kadha kurang urang ngak điều dưỡng.

         # Gấu nâu Nga meda samar jeng  đối tượng chiến lược di Jabat  An ninh Liên bang Nga (FSB). Bruk ni hu makna lac dom drei   gấu  atau hươu xạ njauk chap mek  song njauk buôn lậu jeng hu khik caga  tui Paka  226.1 Bộ luật Hình sự  di  Liên bang Nga. Dự thảo sarak hu  ba tagok cổng thông tin di  Nga. Gấu nâu Himalaya song Hươu xạ hu pok brei angan  lac  drap ar prong di  negar