1 # Harei 2/5, ralo mikva urang bangsa Chơ Ro daok di xã Phước Bình , huyện Long Thành, tỉnh Đồng Nai  chreih chrai peih ngak adat OpYangVry, daok ieu lac harei pataom cúng nhang rừng... Ini hu maong lac harei Tết di mikva piah dhar phor po yang brei pala drak njauk. Dalam harei pataom, hu ralo bruk ilamu-thể thao pachreih hu ralo bhap bini dalam palei. Abih di nyu nan lac lasei Lam – sa pandap mbang di urang Chơ Ro – jeng hu pok tagok papan kakuh muk kei gam saong ralo menuk, brah, alak cần di tuk tame harei OpYangVry.

       2  # Urak ni, bruk rong hadang pandar công nghệ glong ba mai kein liba  prong ka urang rong hadang  di  Long An. Urak Long An peih ngak  4 mô hình ngak iek rong hadang công nghệ glong di 2 huyện Cần Giuộc song Cần Đước. Tui gah chức năng, yaok  mô hình ngak njauk  công nghệ glong njauk buh tabiak labaih  500 triệu đồng/sa ha. Min , mô hình ngak iek di  Long An dok di tanut 120 triệu đồng/sa ha, oh pabak hu tui bruk di công nghệ glong.
 

          3# Meng akaok thun tal ini, tỉnh  Đồng Tháp raong hu labaih 2,2 tỷ drei ikan pra, ginup pabak ikan pra pajaih ka dom labik raong dalam tỉnh saong dom tỉnh jaik taphia nan yau ye An Giang, Cần Thơ. Tỉnh daok raong 340 ha saong anak tal hu labaih 700 triệu drei ikan pra pajaih piah pabak ka darak pasar. Urak ini daok tame bilan raong saong lingik tasik siam lagaih ka dom urang raong ikan pajaih pabak ka dom labik raong ikan pra piah pablei

          4 # Tui  Sở ngak nong  song patagok palei pala  tỉnh Kiên Giang, ruak vàng lùn - lùn balik hala daok palai pajoa padai  Hè Thu pala drak avar di  tỉnh, saong abih tih mblang hamu njom ruak  labaih 2.300 ha. Sở ngak nong song patagok palei pala tỉnh Kiên Giang hu tacei  Chi cục pala drak song khik caga phun pala Kiên Giang pambuak bruk song dom gah chức năng, dom huyện, abih di nyu nan lac dom labik hu taneh padai njom ruak, peih ngak samu gauk dom jalan langyah pacang caga siam lagaih, pacang cakak oh caik ka jit ruak pambak tabiak ngak khat lihik di angaok mblang taneh prong. 

5# Ban raya Hồ Chí Minh hu ngak pasiam labik lam hareik Đông Thạnh, huyện Hóc Môn jeng sa mblang bein phun hijao hu ralo phun mbang baoh hu pandar công nghệ cao. Nan lac 6 sang halam pala dưa lưới saong dưa lê pajaih Japon praong tal 12.000 m2. Dom sang halam pala tamun hu pruh ia sit sit tui công nghệ di Israel. Bruk pruh ia saong buh khak jeng hu ngak tự động. Yaok vụ dưa lưới pala dalam 60 - 75 harei. Tamun pala tui harak pambuak bruk haong dom doanh nghiệp, siêu thị nan ye labik pablei saong yaom kaom hu tani tanat.

Nhạc cắt

          Patui di ni dom khau tin dunya

6 # Labaih 3 ribau 800 cổ vật, dalam nan hu bảng chữ tượng hình sap Xu-me klaak  hu meng  2100 thun dahlau  công nguyên hu pablei  suan hukum ka urang pablei rai  cổ vật Mỹ Hóp-pi Lóp-pi (Hobby Lobby), hu urang jakar  Mỹ jao bayar veik ka urang jakar  I-rắc harei  2/5. Jabat Thực thi Hải quan song Nhập cư Mỹ hu jao veik dom cổ vật ni ka đại sứ I-rắc di  Mỹ lac Pha-rít Ya-sên (Fareed Yasseen) di  labik dok di đại sứ di ban ine  Oa-xinh-tơn (Washington).

7# Tui pathau khan bahrau ba tabiak di gah Y tế dunya, dalam yaok 10 urang di dunya ye hu tal 9 urang daok daok dalam không khí ô nhiễm yaok harei. Dalam nan Ấn Độ lac taneh ia hu ralo ban raya njom nerak abih di dunya. Tui pathau khan di gah Y tế dunya, 2 ban roya lac Niu Đê-li (New Delhi) saong Va-ra-na-xi (Varanasi) di Ấn Độ daok dalam angan 14 ban raya di Ấn Độ njom nerak glaong abih dunya iek tui asar dhur mur PM2.5 dalam thun 2016.

              8  # Gah  Y tế dunya  ( WHO)  bahrau brei thau, bhum hải ngoại di Pháp palao Rê-ni-ông (Reunion) dok dang anak jit ruak pandiak tabiak drah tamuh khang, mbuan ngak ka tuai  du lịch ndung bak ruak tuk mai veik taneh ia drei, ngak ka jit ruak pambak  tapa dom negar karei. Tui Gah Y tế dunya, angaok palao kaoh bhian tamuh dom mbang ruak pandiak tabiak drah, min dom bilan akaok thun ni jit ruak tagok khang./. 

                                                                                              Hanipha/VOVTPHCM