1./ Tỉnh Yên Bái urak ini hu yaok pluh ribau urang buh pren yava ka taneh ia, baoh sang sarak karja, dalam nan hu labaih 800 thương - bệnh binh, 19 Amaik Việt Nam Anh hùng daok diuk. Tỉnh hu peih ngak rilo sarak daong ka thương binh, bệnh binh, saong urang buh pren yava ka taneh ia...gaok kan kandah dalam tỉnh Tỉnh hu pasang iek duah thau piah daong ngak sang daok ka 56 sang urang buh pren yava ka taneh ia daok dalam tỉnh. 

         2/ Công ty cổ phần tabau saradang Tuy Hòa hu  Ủy ban bhap bini tỉnh Phú Yên brei adat patagok công suất sang mac saradang meng 2.300 tấn tabau/sa harei tagok 3.200 tấn tabau sa/harei song tui kuhria hu ba tame ngak  meng  thun tabau 2017-2018. Tui ong Nguyễn Chí Hiến, Phó chủ tịch Ủy ban bhap bini tỉnh Phú Yên, bruk tagok công suất sang mac saradang Tuy Hòa piah paglaong jien mek tame hu ka urang pala tabau, tagok kein lagaih ka công ty; dong tagok gah tabau saradang Việt Nam, dong patagok kinh tế- xã hội tỉnh Phú Yên, abih di nyu nan lac bhum ceik labik phun tabau lac sa dalam dom phun pala praong ngan song taneh pala labaih  16.000 ha. 

          3./ Tỉnh đoàn saong Hội Liên hiệp dam dara Việt Nam tỉnh Bình Phước pambuak bruk haong mBan tacei jalan hè huyện Hớn Quản tabiak bruk dam dara halan hatian hè thun 2017 saong pachreih tui bruk pacang caga ma túy. Labaih 300 urang lac anek saih, sinh viên, urang đoàn, dam dara mai hu mbaok. Ngan saong kadha “Dam dara  Bình Phước ba gauk tame padang ngak palei pala bahrau saong đô thị văn minh”, bruk nan hu peih ngak di grauk labik dalam tỉnh, abih di nyu nan lac di dom palei kan kandah, bhum bhap bini bangsa takik. 

          4/ Harei 3/7, labaih 400 urang kamei metain, uranaih hu mbaok tame danak dak  “harei patom  amaik song anek naih” kayua sang iek ruak Quốc tế Hoàn Mỹ Đồng Nai peih ngak. Ni lac danak dak prong bo sang iek ruak Quốc tế Hoàn Mỹ Đồng Nai peih ngak mbang camereip saong yaom jien ngak abih labaih 150 triệu đồng piah tacei pato song dong ka dom amaik thau dom ilamu ka bruk ndik tapui song rong anek khang kadang.

          5/ Hadei di sa tukvak daong ka tapon pabui nan ye dom harei jaik ini, yaom pabui ralo di tỉnh Tiền Giang tagok meng 200-300 ribau đồng sa /tạ dut saong 10 harei dahlau. Tui panuac kakei di gah chuyên môn, urak ini, urang raong pabui daok kham merat pablei pabui quá lứa, đpabui binai, tok khik veik tapon pabui jaik tal harei pablei. Bruk njauk biai nan lac, brei padeih bruk padang veik tapon, meyah khin padang veik tapon, njauk ngak tui jalan an toàn sinh học, hu pambuak bruk haong doanh nghiệp piah pablei.

             6/ Công an tỉnh Kiên Giang song dom gah chức năng huyện Phú Quốc (Kiên Giang) dok samar duah thau ngak brei cambaih laih bruk khuah pasa melam di huyen palao Phú Quốc rah tabiak di mesup harei 3/7. Ủy ban bhap bini  huyện Phú Quốc tacei dom gah chức năng yaok iek dom khat lihik kayua khuah nan, dong ka dom urang pablei salih njauk khat lihik yam tapa kan kandah, sama tani tanat bruk pablei salih. Mbang khuah oh hu urang hlaei metai min palai pajoa pandap panda, drap ar di labaih 20 gian hàng, tui kuhria khat lihik pandap panda tagok tal yaok  tỷ đồng.

         7/ Mesup 3/7, Sở Giao thông Vận tải ban raya  Hồ Chí Minh peih bruk brei radaih peih nao mai di tatua cầu vượt meng thép tame mblang kapal haoh Tân Sơn Nhất saong tatua cầu vượt thép di canah dom jalan Nguyễn Thái Sơn - Nguyễn Kiệm - Hoàng Minh Giám.  Ong Nguyễn Văn Tám, Phó Giám đốc Sở Giao thông Vận tải ban raya Hồ Chí Minh brei thau, tatua  cầu vượt tame mbalng kapal haoh Tân Sơn Nhất ngak dahlau jang tukvak ba tabiak 2 bilan, dalam tuk tatua cầu vượt di canah jalan Nguyễn Thái Sơn - Nguyễn Kiệm - Phạm Văn Đồng pabak hu bruk ba tabiak, kham merat ngak samar jang tukvak ba tabiak.

          Patui di ni dom khau tin dunya:

  8/ 6 bilan akaok thun ni, jien mek hu meng bruk pablei vé tame rivang iek kadhi  Ăng-co (Angkor) di tỉnh Xiêm Riệp, Campuchia tagok samar. Panuac khan di Ban mban khik ramik kadhi  Ăng-co brei thau, meng akaok thun tal ni hu labaih 1,2 triệu tuai dunya blei harak tame rivang iek kadhi ni, tagok jiak 13% dut song tuk vak ni thun dahlau, jien mek tame hu labaih 52 triệu đôla Mỹ (USD), tagok 67% dut song tuk vak ni thun dahlau. Ni lac yaom tagok glong di abih kuhria meng dahlau mai.

9/ Ribuk ia sua di bhum gah meraong Trung Quốc ngak brei takik di nyu 15 urang metai dalam dom harei tapa, ngak ka yaok pluh ribau menuac njauk panduan nao labik karei. Di Quảng Tây, 7 urang metai saong 3 urang lihik kayua hajan praong ngak ka labaih 23 ribau menuac panduan nao daok di labik karei. Di tỉnh Hồ Nam jaik nan, labaih 300 ribau mebnuac njauk panduan nao labik karei saong 8 urang metai. Rajaei puk palei puac adit bloh hu patagok tanut phản ứng khẩn cấp, ieu pataom urang lin saong bhap bini, peih bruk daong chip.

10/ Mintri ngak nong Pháp puac adit tapa brei thau sruh jit  H5N8 bahrau di sa trang trại menuk da di bhum Bơ-gin-ông (Brillon), gah brak negar Pháp jiak tapen negar Bỉ. Sruh jit bahrau ni  daok atah  trang trại di bhum Tua-nai (Tournai)  15 kilômét – labik hu 11 drei menuk da njom ruak dalam bilan   6 meng bloh. Mintri ngak nong Pháp brei pacang bhum jit ruak piah tui iek saong cakak virút menuk da pambak prong. Tui nan, oh brei pajeng ba menuk da, peih dom bruk pruh jru pametai anek ruak./.