1# Tui mBan tacei pato pakat negar pacang caga bala meng lingik tasik, urak ini dalam taneh ia jeng daok hu 13.246 baoh sang daok daok di dom labik  mbuan njauk ia sua, glut jaleih haluk. mBan tacei pato pakat negar pacang caga bala meng lingik tasik bahrau hu panuac tacei dom tỉnh ban samar pasang iek, panduan ba bhap bini di dom labik mbuan hu ia sua, glut jaleih haluk saong kham merat tal thun 2025, taong abih dom baoh sang di dom labik nan hu ba nao daok di labik siam mekre, salamat.

 2 # Sở Du lịch ban Đà Nẵng bahrau  tong phạt dom urang, đơn vị                                     di Muinyim  Đà Nẵng ndom  suan ka  sajarah, ilamu Việt Nam. Tapa duah thau, urang kamei thuyết minh dalam clip angan WANG JIHONG ndik tapui harei 24/02/1970, quốc tịch Trung Quốc. Muk  WANG JIHONG hu panuac  thuyết minh suan ka  sajarah song ilamu  Việt Nam brei nyaom tuai  4  urang. Sở Du lịch ban Đà Nẵng hu panuac pok tagok Tổng cục Du lịch Việt Nam ngak bruk song hu harak payua  Tổng cục Du lịch Trung Quốc pasang iek, xử lý muk WANG JIHONG tui adat hukum.

3# Kapul pataom duah talang liệt sĩ Đoàn Kinh tế Quốc phòng 337 - Quân khu 4 (ieu katut lac Đoàn 337) brei thau lac bahrau duah mboh 6 hài cốt liệt sĩ di khe Sa Nghét, dalam palei Coóc, xã Hướng Linh, huyện Hướng Hóa, tỉnh Quảng Trị. Dalam 6 hài cốt nan, hu 3 hài cốt hu dom tấm bia meng kim loại hu sarak angan: Trịnh Quốc Khang T/2/21; Nguyễn Duy Lương (hoặc Lượng…) E/60; Lê Doãn Đăng E2. Dom talang liệt sĩ nan hu ba tame labik taneh kubo di Khu văn hóa tâm linh huyện Hướng Hóa, tỉnh Quảng Trị piah dar.

4 # Công an ban  Đà Lạt, tỉnh Lâm Đồng bahrau tabiak bruk khởi tố vụ án, khởi tố bị can song chap kreik  4 bilan  amuk  Nguyễn Thị Trà Giang (39 tuổi), dok di  xã Nghĩa Đồng, huyện Tân Kỳ, tỉnh Nghệ An piah duah thau ka bruk ngak ja tu sĩ piah meblah mek drap ar..  Puac 2017, Nguyễn Thị Trà Giang hu krein sa urang  kumei angan  Lê, jeng lac sa  tu sĩ ja, nyim 450 triệu đồng di sa urang kamei  phật tử, nyai pajot lac  padang ngak paha…kayua medhil lac drei njauk lah pajot, tal harei 9-1-2018, urang kamei phật tử ni tal  Công an ban  Đà Lạt piah pathau  bruk pajot ni. 

5# Vòng sơ khảo harei pataom papar sap pakat negar mbang ka XIII bhum gah meraong rah tabiak dalam 2 harei, harei 3 - 4/4 kayua Rayo sap ndom VN  saong rayo papar sap, papar binguk Đồng Tháp pambuak gauk peih ngak. Hu 78 kadha di 21 rayo papar sap, papar binguk bhum gah meraong hu mbaok tame di 5 janih lac: 21 phóng sự, 20 danak dak papar sap tổng hợp, 17 câu chuyện truyền thanh, 12 danak dak papar sap bangsa 8 danak dak papar sap tapak. Dom kadha papar sap gheih di abih bhum gah meraong hu tame Vòng Chung khảo peih tabiak di ban sit Vinh, tỉnh Nghệ An meng harei 03 - 05/5 anak tal’

Patui di ni dom khau tin dunya:

6 # Ngoại trưởng Trung Quốc Vương Nghị bahrau ni hu var taom gaok  Ngoại trưởng Thụy Sĩ  I-na-xi-ô Ca-sis (Ignazio Cassis) di  Bắc Kinh, Trung Quốc. Ngoại trưởng Vương Nghị hu panuac ieu dom gah pambak tame dom siam lagaih urak ini, jhul patagok dom bruk ginum biai. Trung Quốc caong lac bruk taom gaok di 2 urang dang akaok  Triều Tiên Kim Châng Un song  Tổng thống Mỹ Đô-nan Trăm ( Donald Trump) hu daong patagok bruk

7# Thủ tướng Malaysia Na-rip Ra-zắc (Najib Razak) daok kuhria brei thau bruk giải tán Quốc hội di harei 6/4  tal, peih jalan ka bruk tổng tuyển cử di taneh ia ini. Ủy ban bầu cử hadei di nan brei thau ka harei plaik phiếu. Thủ tướng Na-rip daok dang anak sức ép lac brei khik hu jayah ka Đảng Tổ chức Thống nhất Dân tộc Mã-lai (UMNO) cầm quyền. Liên minh đối lập di Malaysia dahlau di nan hu tacei urang dahlau daih ngak Thủ tướng, lac ong  Ma-ha-thi Mô-ha-mát (Mahathir Mohamad) ngak ứng cử viên di liên minh ini piah tranh cử chức Thủ tướng dalam bruk  tổng tuyển cử  anak tal.

            8 # In-đô-nê-sia tabiak bruk  khẩn cấp taom dar sa pambah lamnge di palao  Bô-neo (Borneo) hadei di tuk bruk sre menyek pambak prong, ba tal pui khuah  ngak 4 urang metai. Bruk sre menyek nan meng harei puac adit song pambak prong tabiak labaih 12 ki-lô-mét vuông. Urang pal akaok jabat khik ramik môi trường ban brei thau, hu panuac kakei bhap bini oh ngak dom bruk meda ba tal khuah ./.