1 ** Patui dom asal kadha di mbang nyaom ka 5, Quốc hội mbang 14, dalam 3 harei, meng harei kabroi 4-6, Quốc hội peih bruk tangi sua saong javap jalei tangi sua. Ini lac sa dalam dom bruk praong di mbang nyaom. Brei panuac tacei pato bruk tangi sua, Chủ tịch Quốc hội Nguyễn Thị Kim Ngân lac, dom Bộ trưởng tuk javap chalei dom tangi sua njauk tame tapak bruk bo urang Quốc hội tangi sua. Tui nan, yaok mbang tangi sua hu da-a 3 urang tangi sua saong tukvak ka yaok urang lac 1 panuac tangi sua, saong 1 panuac tangi sua lac 1 phút; urang javap chalei hu rilo di abih lac 3 minit ka yaok panuac tangi sua di urang Quốc hội.   

2 **   Dalam tuk rah tabiak adit ilamu - Du lịch di  huyện Bắc Hà, tỉnh Lào Cai thun 2018, yaok ribau tấn mận Tam hoa – sa dalam dom janih hu angan je abih di huyện dok yam tame bilan boh tasah, yau panuac ieu daa tuai mai mbang iek. Tui tong yaom di gah ngak nong huyện, mận Tam hoa thun ni gam  hu ralo baoh gam hu yaom. Meng taneh pala abih tih lac  550 hecta, sản lượng mận di huyện tui kuhria hu labaih  3.500 tấn, ginup panak ka darak pasa.

3** Kayua áp thấp nhiệt đới, angaok pulao Trường Sa, tỉnh Khánh Hòa hu rah tapa mbang riyak praong, ngin khang min urang lin saong bhap bini angaok pulao jeng oh njauk hagait. Urang jakar, urang lin saong bhap bini angaok dom pulao hu pasiam pakhang dom công trình, kaoh tak dhar kayau, kak veik ka nyu kajap dom blah pin năng lượng ia harei, ba dom thiết bị tabiak truh dom labik meda hu riyak praong paoh tal. Di dom pulao Song Tử Tây, Đá Tây, Sinh Tồn… jeng hu cuh pháo hiệu, tacei pato urang taong ikan ba kapal tame pataok piah khik hu siam mekre selamat.

 4 ** Jiak 2.000 tuai dok gar veik di  huyện palao Lý Sơn, tỉnh Quảng Ngãi kayua áp thấp nhiệt đới. Ubbhap bini huyện Lý Sơn hu tacei pato dom  gah pambuak tal  khik caga siam mekre  ka tuai damuai song bhap bini di angaok palao, oh caik rah tabiak bruk tagok yaom labik ndih daok, mbang menyum dalam dom harei langik jhak. Ubbhap bini  huyện Lý Sơn hu tabiak panuac kakei tong abih kapan pajeng tuai oh brei tabiak tasik, saong hu panuac ieu tong abih kapan gaiy tong chap ikan angaok tasik tame labik pataok siam mekre. 

5**  Urak ini, bhap bini huyện Gò Công Đông, tỉnh Tiền Giang biak duh hatai kayau kayua bruk padang ngak tatua Trần Văn Dõng, di palei Kênh Dưới, xã Bình Ân, huyện Gò Công Đông biak suai damuai, yau Yuan lac “rùa bò”, ngak brei nerak tachauk alam môi trường saong mbuan hu bala di jalan. Kadha njauk biai nan lac di labik padang ngak tatua nan oh hu paga pacang, kurang gom hadah, kurang gom cảnh báo an toàn … Karja palei hu kiến nghị min gah padang tatua suai ngak tui.

Patui di ni dom khau tin dunya

6 **    Hãng tin Yonhap di Hàn Quốc ba panuac di blah  Asahi di Nhật Bản harei  3/6 brei thau  Triều Tiên hu salih akaok mintri  Quốc phòng Pắc Dâng-xích (Pak Yong-sik) meng ong Nô Quang-chon (No Kwang-chol). Ong Nô Quang-chon, dahlei deih ngak Trưởng ban Kinh tế ka 2 di  đảng Lao động Triều Tiên, jeng bhian ngak Phó Tổng Tham mưu trưởng Quân đội bhap bini  Triều Tiên (KPA). Ong Nô Quang-chon hu tong yaom lac sa urang hu hatai la-an jang  Akaok mintri  Quốc phòng Pắc Dâng-xích.

7** Akaok mintri Quốc phòng Mỹ Giêm Ma-tít (James Mattis)  hu panuac lac Triều Tiên tok hu klaak bruk trừng phạt hadei di tuk taneh ia ini brei mboh hu bruk phi hạt nhân hóa. Ong ndom lac:  Kol dahlak jeng daok paglaong hatai sangka anak dom bruk ngak di Triều Tiên saong daok peih ngak dom sarak di Hội đồng Bảo an Liên hợp quốc ngan saong taneh ia ini".

 8 **  Cảnh sát In-đô-nê-xi-a harei  3/6 brei thau lac tong tayah sa bruk caong tong  bom tame dom sang  Văn phòng Karja di  Pê-can-ba-ru (Pekanbaru), tỉnh Ri-au (Riau). Tui cảnh sát pak ni, urang hu chap mek song  vô hiệu hóa 4 boh bom ngak eng dalam mblang bein di sa  sang bac  đại học di  Ri-au. Langiu di nan, cảnh sát dok mek hu  jru patuh song dom janih talei ngak brei patuh ….saong daok chap hu 3  urang.  Dom urang ni dahlau deih lac sinh viên sang bac Đại học Ri-au./.