1# Biar harei 4/4, ong Trần Đại Quang, akaok negar hu taduan raok Đại sứ Thái Lan Manopchai Vongphakdi mai salam likau drei tamat tukvak ngak bruk di Việt Nam. Tapa nan, ong Trần Đại Quang tadhau ayuh ong Đại sứ ngak siam bruk di drei di Việt Nam. Ong Trần Đại Quang taong yaom glaong dom rik daong di ong Đại sứ dalam bruk ngak brei pakhang, patagok talei pambuak bruk Việt Nam-Thái Lan.

2 # Tui Sở ngak nong song patagok palei pala tỉnh Lào Cai, thun2017, yaom kaya nong pandar  công nghệ glong mek hu jiak 300 tỷ đồng, meblah 5,7% yaom kaya nong di tỉnh. Dom bhum  pandar  công nghệ glong di  Lào Cai mboh rilo di dom huyện Sa Pa, Bắc Hà, Bảo Thắng, Mường Khương, Bát Xát, Bảo Yên, di dom mblang taneh njam patam, boh karaoh, phun  jru, phun mbang boh  ôn đới, padai pajaih, te… Tui kuhria yaok hecta taneh ngak nong pandar công nghệ glong brei labaih 230 triệu đồng. Ni lac jalan peih tabiak

3# Dom harei ini, ngin gió chướng yuk khang saong triều cường tagok glaong ngak ka takai tasik Gò Công, tỉnh Tiền Giang daok glut jaleih, rilo sang bhap bini mbuan seik tui ia. Khang di abih lac bhum takai tasik Tân Thành, huyện Gò Công Đông hu rilo labik ia njom tame jang meng 5-10 mét ngak ka jaik 10 baoh sang di bhap bini njauk ia tasik sraiy tame sang. Ia tasik tagok glaong gam haong riyak praong mbuan ngak brei khut jaleih ar pacang di bhum tasik ini. Jalan ngak siam di abih lac panduan ba sang danaok nao labik karei.

4 # Di ban Pleiku, rah tabiak Nyaom biai “Padang dom chuỗi giá trị prong ka 2 gah  kinh tế Việt Nam- Ôxtrâylia” kayua Ubbhap bini tỉnh Gia Lai song sang bac Đại học Canberra – Đại học quốc gia di Ôxtrâylia pambuak gauk peih ngak. Nyaom biai piah yaih khan dom roh duah hu pagam tal bruk ngak nong công nghệ glong, pala njam saat, song dom danak dak hu kein lagaih meda buh tabiak ngak di  tỉnh Gia Lai. Tapa nan, ieu da-a dom urang ngak mbang, dom doanh nghiệp Việt Nam, Ôxtrâylia tal Gia Lai piah duah thau jalan pambuak bruk ngak mbang.

5# Ndom ka bruk khuah chung cư di Thái Lan, Mintri Ngoại giao Việt Nam daok tacei pato Đại sứ quán tui iek kajap, pambuak bruk catang haong dom gah chức năng pak nan piah thau saong hu dom jalan daong. Ngan saong urang Việt daok di chung cư, kayua oh ka mai daok veik căn hộ hu, nan ye daok hu urang Việt pak ini daong brei labik daok di anak meta. Sang bac đại học Chu-la-lon-kon (Chulalongkorn), labik hu ralo sinh viên bac daok di chung cư ini jeng hu brei labik daok di anak meta piah cang pasiam veik.

Patui di ni dom khau tin dunya

6 # Tổng thống Nga Vlađimia Putin tabiak panuac lac Nga song Thổ Nhĩ Kỳ njauk gauk ka bruk jao hệ thống phòng thủ tên lửa S-400 ka Thổ Nhĩ Kỳ tui thỏa thuận di 2 negar  di bilan 9 thun bloh. Urak ni Nga dok dong  Thổ Nhĩ Kỳ padang sang máy điện hạt nhân camereip abih di Mơ-sin (Mersin), song yaom jien buh tame ngak abih tih labaih 20 tỷ đôla Mỹ. Taphia di nan, Nga jeng dok padang  2 jalan  nding ba  khí đốt ala tasik song padang pabak sa jalan nding karei di angaok mbaok haluk,  tui danak dak jalan nding khí Tớc-strim (TurkStream) pambuak tapak Nga song Thổ Nhĩ Kỳ.

7 # Tổng thống Mỹ Đô-nan Trăm meda taom gaok Thủ tướng Japon Sindô Abê dalam 2 harei, harei 17, 18/4 piah ginum biai ka bruk taom gaok pakat glaong di abih di Tổng thống Mỹ saong urang dang akaok Triều Tiên, ong Kim Châng Un saong dom kadha karei. Dalam nan asal kadha ginum biai praong lac  bruk dunya khik sức ép tối đa ngan saong Triều Tiên. Bruk taom gaok jeng duah iek dom jalanpiah peih praong talei pambuak bruk pablei salih samu gauk saong bruk pambuak gaukđầu tư di Japon saong Mỹ. Sa asal kadha praong karei dalam bruk taom gaok di 2 urang dang akaok lac bruk  Mỹ kak je thép, nhôm blei meng negar lingiu.

8  # Trung Quốc sanya ngak dom bruk cagar veik Mỹ. Ni lac panuac di Đại sứ quán Trung Quốc daok di Mỹ bahrau ba tabiak anak dom urang ngak báo, hadei di oh ka tal sa harei Mỹ tabiak angan labaih  1 ribau 300 pandap panda blei meng  Trung Quốc njauk kak je bổ sung. Panuac di Đại sứ quán Trung Quốc ndom cambaih, dom bruk ngak  gam tal  bảo hộ thương mại dreih yau bruk ngak di  Mỹ lac ngak suan dom  nguyên tắc song giá trị cơ bản di Gah pablei salih dunya (WTO). Bruk ngak di  Mỹ oh ba mai kein laba hagait brei ka negar Mỹ jang yau kein laba di  kinh tế dunya. Trung Quốc meda hu jalan ngak piah đáp trả samu yau nan./.