1# Pasak Nghệ thuật đương đại Vincom (VCCA) peih parang iek “Bóng & Hình”, yaih khan dom kadha bahrau tui jalan tối giản di họa sĩ Lê Thiết Cương. Parang iek yaih khan 22blah rup cih sơn dầu angaok toan – lac dom blah rup cih bahrau abih di họa sĩ Lê Thiết Cương, cih dalam 2 thun 2016 saong 2017. Parang iek peih pabah mbang brei tame iek saoh meng ini tal harei 20/5/2018 di pasak Nghệ thuật đương đại Vincom  labik 72, jalang Nguyễn Trãi, Thanh Xuân, Hà Nội. 

         2  # Bruk taduan mek harak xếp hạng inem krung pakat negar  song peih hội baha Đọi Sơn bahrau hu peih tabiak di baha Đọi Sơn, huyện Duy Tiên, tỉnh Hà Nam. Hu mbaok  Thứ trưởng Mintri ilamu TTDL Đặng Thị Bích Liên.Ni lac tuk piah pok meyaom dom sajarah ilamu hadah krah di inem krung baha Đọi Sơn; pamedeih hatai anit ranam puk paga, palei negar , jang yau rik dong pato pakai ilamu sajarah dak rai di bangsa.

          3# Rija Ponagar rah tabiak meng harei 5 tal harei 8/5/2018 (lac meng harei 20 tal harei 23/3 saka ia bulan) di bimaong Ponagar, Khánh Hòa. Tuai damuai mai tal ini hu mboh bruk gheih mekre di labik du lịch – di bimaong Chăm Pa  saong dom ilamu di bhap bini Cam dalam rija Ponagar. Tui adat, dalam rija hu dom bruk lac: adat thay y Mẫu; palao hoa đăng angaok kraong Cái saong adat raok kiệu nao tapa puk palei, dom kadha me-in meng kan, ngak iek bruk menyim khan bai, ngak lan am di bhap bini urang Chăm.

           4 # Bahrau ni, di Văn miếu Trấn Biên bahrau peih danak dak  “Taom gaok dom kapul kapul  đờn ca tài tử, cải lương Đồng Nai song dom  tỉnh di gah merong song taom gaok dom kalup kapul dok dalam song langiu  tỉnh” thun 2018. Bruk ni kayua pasak ilamu  tỉnh pambuak song rayo papar binguk  Đồng Nai peih ngak. Dom kalup kalup mai meng  5 tỉnh lac : Bến Tre, Bình Dương, Đồng Nai, Long An song  Tây Ninh hu parang main dom danak dak biak gheih

          5# UBND tỉnh Cà Mau bahrau jao ka Sở VHTTDL pambuak bruk haong Hội Văn học Nghệ thuật peih tabiak bruk pakacah “blah rup cih jak ba saong rup thaot thời sự” ngan saong kadha: dom bruk ngak gheih dalam bruk “Bhap bini jum pataom dak padang raidiuk ilamu”. Rup thaot pakacah hu pasiam độ nét, tương phản,sambo màu. Dom urang hu tame pakacah nan lac dom tác giả chuyên saong oh chuyên nghiệp daok dalam saong lingiu tỉnh Cà Mau. Dom blah rup cih, rup thaot nan lac dalam tỉnh Cà Mau. Tukvak taduan kadha pakacah tal abih harei 10/10/2018.

.           Patui di ni dom khau tin dunya  :

                   6 # Mintri  Quốc phòng Nga bahrau brei thau, sa sruh kapan mesruh  Sukhoi-30 di  Nga laik di  Xy-ri ngak ka 2 phi công metai. Hãng thông tấn Nga RIA ba panuac khan di Mintri Quốc phòng brei thau, kapan haoh laik hadei di tuk bahrau par tagok, oh lac njauk kayua njauk cuh alik. Makna kapan haoh laik meda kayua chim par njauk.

      7# Rajaei Trung Quốc brei adat dom kapul du lịch di ban Vũ Hán,pasak tỉnh Hồ Bắc, tal Hàn Quốc kayua langyah hu bruk oh njauk gauk meng bruk Seoul brei ka Mỹ padang Hệ thống phòng thủ tên lửa tầm cao giai đoạn cuối (THAAD) di Hàn Quốc. Di bilan 3 thun bloh, Rajaei Trung Quốc oh brei taong abih dom kapul tuai du lịch tal Hàn Quốc piah trả đũa bruk karja Seoul brei ka Mỹ padang hệ thống THAAD angaok bhum taneh Hàn Quốc.

          8   # Khau tin di  bang Ra-giát-xthan (Rajasthan) di  Ấn Độ brei thau, hangin ribuk khang nao tapa bang ni ngak takik di abih 20 urang metai song labaih  60 urang njauk rambuac .Rilo jalan oh nao mai hu, rilo menuac metai kayua phun kayau jaleih  teik song danieng jaleih. Dom menuac njauk rambuac hu ba nao tal dom sang iek ruak, dalam tuk bruk dong duah song pasiam veik dom khut khat kayua ribuk daok hu kham merat ngak. 

                                                                                                Hanipha/VOVTPHCM