1# Meng harei 1/1/2018, rilo sang bac di Hà Nội hu jao thẻ bảo hiểm y tế (BHYT) thun 2018 ka anek saih. Min hadei di nan dom harei, rilo amaik ame mboh hu bruk kurang labaih di thun blei BHYT. Tui nan, rilo anek saih blei BHYT ginup 5 thun min dalam thẻ bahrau vak lac tukvak ginup 5 thun gam tal thun 2020 atau 2022. Yau nan, meyah nao iek ruak, anek saih oh hu bayar taong abih yaom jien iek ruak tui adat

2 # Gah chức năng tỉnh Quảng Bình bahrau pajeng labaih 100 mét khối haluk  song ia njom hóa chất Nattri Hidroxits (NaOH) tabiak truh palei  19 tháng 5, xã Quảng Đông, huyện Quảng Trạch.  Haluk song ia njom  hóa chất ni hu patom di mblang hareik xã Quảng Tiến, huyện Quảng Trạch. Daok dom gilang khik piah pandap  hu rilo tấn chất Nattri Hidroxits hu  Chi cục khik ramik  môi trường tỉnh Quảng Bình, Công an huyện Quảng Trạch peih niêm phong, langyah tui adat hukum.

3# Thun 2018, Bình Phước ba tabiak 22 chỉ tiêu kinh tế - xã hội praong, dalam nan hu dom chỉ tiêu praong di abih lac tổng sản phẩm GRDP di tỉnh tagok meng 6,8 - 7%; yaom jien pablei pandap tabiak negar lingiu mek hu 2.240 triệu USD, yaom jien blei pandap tame lac 1.380 USD; jien mek tame kadung jien karja lac 6.000 tỷ đồng, chi ngân sách 9.038 tỷ đồng; padang bahrau 900 doanh nghiệp saong 22 hợp tác xã; dom sang kan kathaot dalam thun trun 0,5%; hu gac 9 xã mek hu chuẩn palei pala bahrau.

4 # Ninh Thuận urak ni hu labaih  161.000 menuac lac urang bangsa takik  meblah labaih 23% menuac dalam tỉnh, dalam nan urang  Chăm song   Raglai hu rilo di abih. Boh sang kan bangsa takik dang di tanut glong hu  11.139 boh sang kan, mebl;ah labaih 32,17%. Piah dong ka mik va bangsa takik patagok kinh tế, tỉnh Ninh Thuận hu peih ngak siam lagaih rilo bruk ngak mbang yau : pala tabau, tangei lai, mô hình "mblang hamu prong” ngak padai pajaih bhum mik va Chăm huyện Ninh Phước...

5# Thun 2018, tỉnh Tiền Giang kham merat ba bruk ngak ka 20.000 urang ngak. Piah ngak hu yau nan, tỉnh Tiền Giang sangka peih ngak dom danak dak lingiu bruk ngak nong piah ba bruk ngak, pambuak saong pato bruk ngak palei pala piah ngak hu siam di abih. Dom sở, ban ngành pambuak tal daok jhul khang bruk pathau khan angaok dom jalan thông tin đại chúng ka bruk giao dịch việc làm, khik ramik dom mbang giao dịch bruk ngak. Thun 2017 tỉnh Tiền Giang hu ba bruk ngak ka labaih 21.600 lao động.

Patui di ni dom khau tin dunya:

6  # Dom  công tố viên Thổ Nhĩ Kỳ tabiak adat chap kreik  70 urang  dalam nan hu  58 urang lin. Ni lac sa binah dalam bruk duah thau pamaong tame dom urang pachreih tui  Giáo sĩ Hồi giáo Fethullah Gulen, urang njauk Ankara tabiak panuac lac dang gah likuh bruk đảo chính oh jeng di thun  2016.

7# Tổng thống Mỹ Donald Trump hu ndom tal bruk Mỹ meda padeih daong viện trợ ka Palestine tuk ndom lac, gah Palestine "oh daok khin ginum biai hòa đàm" haong Israel. Ðại sứ Mỹ di Liên hợp quốc Nikki Haley brei thau, Tổng thống Trump oh khin pabak yaom jien daong halei ka jabat Liên hợp quốc iek gah daong viện trợ nhân đạo ka urang tị nạn Palestine, saong meda padeih brei jien ka jabat ini, mbiah tal tuk Palestine mai ginum biai veik haong Israel.

            8 # Brah Campuchia hu pablei tapa  63 negar di dunya, dalam nan rilo di abih lac tapa darak pasa  Trung Quốc  jiak 200 ribau tấn, patui di nan lac  Prang labaih  77 ribau tấn.  Yau nan, Campuchia hu pablei tabiak jiak abih hạn ngạch  200  ribau tấn tapa darak pasa  Trung Quốc dalam thun 2017. Thun ni tanut blei brah di Trung Quốc caik ka Campuchia lac  300 ribau tấn./.