1#Piah ngak siamtui dom paka di Nghị định 113/2013/NĐ-CP di rajaei ka bruk ngak gah mỹ thuật, khik caga siam mekre bruk văn hóa, khik ramik saong patagok ilamu Việt Nam, Mintri VHTTDL hu panuac pandar dom tỉnh, ban di Trung ương tacei pato Sở VHTTDL, Sở VHTT, Sở Du lịch patagok bruk pathau khan, tacei pato dom jabat, đơn vị, khu du lịch, labik parang iek rup patau, biểu tượng saong công trình mỹ thuật lingiu lingik njauk tui quy định di adat hukum, lagaih haong ilamu Việt Nam.

2 # Ngan song kadha “Inem krung ilamu ngan song mbeik drei saong patagok– Huế 1 labik tal 5 inem krung” Festival Huế mbang ka  X hu rah tabiak meng harei  27 /04 tal harei  02 /05 /2018.  Festival Huế 2018 hu peih ngak praong pakat negar song dunya, pataom dom danak dak  nghệ thuật biak gheih, lambaok song ndung bak dom bhum ilamu karei gauk di dunya. Dalam nan pataom tame ngak brei mboh cambaih jang ka  ilamu nghệ thuật Việt Nam, abih di nyu nan lac inem krung inem krung ilamu Huế.

3# Sở VHTT Đà Nẵng hu taduan 2 blah rup patau mỹ thuật lac: Sóng biển di urang điêu khắc lac urang Na Uy – ong Oyvin Storbaekken, saong tác phẩm điêu khắc Dòng sữa mẹ di nghệ sĩ Phạm Hồng (Đà Nẵng) ngak. Bruk ngak hu daong brei meng Qũy điêu khắc Đà Nẵng ngan saong yaom jien ngak abih 1 tỷ đồng. Dua blah rup patau Sóng biển  saong  Dòng sữa mẹ hu caik di dom jalan du lịch praong di Đà Nẵng, piah pachreih tui damuai tah jiak mai maong iek, rik daong ngak brei mekre jang labik ilamu, đô thị, ba bruk điêu khắc nao jaik jang haong menuac sia Đà Nẵng.

4 # Ubbhap bini  tỉnh Quảng Nam bahrau ba tabiak danak dak  danak dak bruk ngak patagok du lịch Quảng Nam tal thun  2020, pamong tal thun 2025. Danak dak piah patagok bruk du lịch (DL) jeng gah  kinh tế praong; kham merat ba  Quảng Nam jeng sa dalam dom pasak DL prong di taneh ia. Dom kadha praong hu danak dak ba tabiak yau tal thun 2020 kham merat taduan  8 triệu mbang tuai  DL, jien mek tame meng bruk  DL labaih 15.500 tỉ đồng, giá trị DL hu meng  10% - 12% dalam tong abih pandap panda ngak tabiak dalam  tỉnh.

5# Giải thưởng tapuk“Chạm 2018”  bahrau brei thau 10 baoh tapuk gheih di abih hu tame dhi pilih ruah tapak rah tabiak meng harei 1-15/4 . Giải thưởng Tapuk Chạm kayua Trạm đọc – labik brei ka urang takre tapuk Việt Nam peih ngak. Giải ghu 3 janih lac: "baoh tapuk ngak brei chreih chrai" kayua urang puac tapuk pilih ruah, giải "Tác giả trẻ", "tapuk mekre - tapuk du ký" kayua Hội đồng pilih ruah. Abih tih yaom di giải tagok tal 150 triệu đồng. Bruk jao giải thưởng hu peih tabiak di harei tapuk Việt Nam 21/4. 

          Patui di ni dom khau tin dunya:

          6 # Hadei di tuk tabiak panuac brei thau, blah Facebook di Playboy brei kreik pambah mbang. Min, Playboy jeng dok khik bruk ngak di angaok  Instagram, sa labik klah rabha thaot binguk song  video karei bo  Facebook ngak pô. Dahlau Playboy, dom  công ty hu mbaok tame bruk  DeleteFacebook hadei di mbang srau kadau  di  mạng xã hội prong abih di dunya.  Dahlau di nan, tỷ phú công nghệ Elon Musk jeng klak 2 tài khoản Facebook di  Công ty SpaceX song  Tesla.

7 # Japon bahrau hu dak angan tame negar hu tội phạm biar abih dunya. Bruk ini hu dalam 13 thun gam gam, daong brei Japon jeng sa negar hu dom bruk tội phạm biar abih dunya saong cảnh sát biak lahaiy nan ye njauk điều tra gam dom bruk biak sit saot yau ye lahik capha talon, radaih juak tapa gom meriah, taxi pajeng labaih menuac. Hu yau nan lac mai meng rajaei patagok patagok parialo cảnh sát saong peih praong labik pandar dom camera an ninh. Dom bruk phạm tội di Japon trun gam gam kuhria meng tuk glaong di abih di thun 2002, ngan saong 2,85 triệu bruk

          8 # Thuật ngữ “metrosexual” pandar piah tacei dom urang likei dị tính min biak sangka rami  ramik rup pabhap di drei. Song di  Hàn Quốc, nyu dak harei dak jeng phổ biến. Di HQ, mbaok meta siam song klik patih catang jangeih bhian kak gam song dom adei saai kamei. Min, dom  nghệ sĩ likei K-pop jeng dok dong  ka gah  công nghiệp mỹ phẩm patagok meng dui pachreih hu urang likei. Song urak ni nyu daok jeng sa  trào lưu di Hàn Quốc./.