#/ Tui panuac khan meng Bảo hiểm xã hội tỉnh Lào Cai: jien buh tabiak ka bruk iek ruak bảo hiểm y tế di tỉnh meng akaok thun tal ni rilo jang kadung jien labaih 70 tỷ đồng. Hu rilo makna ba tal bruk nan, yau ye: chất lượng iek ruak di dom cơ sở iek ruak bảo hiểm y tế di Lào Cai dak harei dak glong, pachreih hu rilo urang  ruak mai iek ruak, dalam tuk kadung jien oh tagok, bruk brei urang karei nyim thẻ dok rah tabiak … Bảo hiểm xã hội tỉnh Lào Cai pambuak bruk song dom labik iek ruak tui iek bruk brei đơn jru ka urang ruak ngoại trú, tui iek hồ sơ ruak kik.

#/ Meng 1 xã duy nhất mek hu chuẩn palei pala barau, tỉnh Điện Biên daok lac sa dalam dom tỉnh dang puac di abih dalam 63 tỉnh, ban dalam taneh ia ka bruk peih ngak danak dak bruk ngak negar padang ngak palei pala barau. Xã mek hu chuẩn palei pala barau di Điện Biên lac Thanh Chăn, di huyện Điện Biên. Ini lac sa dalam 11 xã điểm padang ngak palei pala barau dalam taneh ia, mek hu chuẩn di puac thun 2015. Ong Lò Văn Tiến, phaok akaok Ủy ban bhap bini tỉnh Điện Biên brei thau, tỉnh ba tabiak tal thun 2020 hu 35 xã mek hu chuẩn palei pala barau. Meyah tui bruk yau ini, Điện Biên kan ngak hu bruk ba tabiak.

#/ Harei patom  boh kayau Lục Ngạn mbang ka sa thun 2016 hu rah tabiak meng harei 25 tal 27/11 di huyện Lục Ngạn, tỉnh Bắc Giang. Hu 54 gian hàng, harei pataom hu parang tabiak dom janih boh kayau đặc sản yau kruac bung, medar, darang  di huyện. Ong Cao Văn Hoàn, Phó Chủ tịch Ủy ban bhap bini huyện Lục Ngạn brei thau:

Urak ni tong abih bruk hu kuhria caga ka harei pataom boh kayau huyện Lục Ngạn, Bắc Giang hu ngak salah bloh. Cong khin di khol hulin lac pambuak pagam 4 gah lac DN, urang pala, urang ilamu jang yau urang khik ramik, piah yaik khan dom janih baoh kayau tal urang blei.

#/ Piah oh daok bhum pacang cakak, daong bhap bini bhum atah bayah nao mai mbuan lagaih jang, Tổng cục jalan mbak VN, mintri jalan mbak pajeng ba tabiak jien padang ka tỉnh Tuyên Quang 50 mbiak tatua dân sinh saong yaom jien buh tame jaik 174 tỷ đồng.

# Yau kol dahlak hu khan bloh, labaih 2 tuk mesup harei 22/11, di danao thủy điện Sơn La, dalam bản Diềng Thàng, xã Nậm Cha, huyện Sìn Hồ rah tabiak bruk tableik ghe tong ikan di urang labik ni, ngak ka 2 urang metai song lihik. Tal biar harei 22/11, sa urang duah hu tuk gam tame halam tong ikan di bhap bini. Urang dok veik urak ni dok hu dom gah chức năng peih bruk duah sraong.

#/ Di Kapul pambuak bruk raong ada huyện Tháp Mười, tỉnh Đồng Tháp, bruk raong ada keik di hamu sang piah mebaoh hu bhap bini pataom tame ngak, patagok. Kuhria rah tapa, 1000 drei ada raong yau ini laba hu labaih 1,8 triệu đồng sa harei. Ong Phạm Cao Sơn daok di palei 4, xã Mỹ Đông brei thau, peih bruk raong ada yau ini,  ong hu pandar 5.000 m2 taneh saong buh tabiak 500 triệu đồng piah rok danao praong 1.000 m2 khik ia ka ada trun menei atau menyum.

#/ Mik va pala tràm Úc di tỉnh Sóc Trăng dok bui sambai tuk janih phun glai ni dok brei kein liba KT glong song tani tanat. Dut song phun tràm glai meng kan ye tràm Úc brei liba KT glong jang 2 mbang, tuk vak tamuh takik jang, meng 2 thun meteh  tal 3 thun. Urak ni urang mai blei tràm Úc pala meng 2 thun meteh tal 3 thun, yaom meng 100 triệu tal jiak 200 triệu đồng sa hecta. Kayua janih phun ni oh abih rilo pren song mbuan iek glang, phun jien buh tabiak takik yau nan ye laba hu rilo.

 Patui di ini dom khau tin dunya:

#/ Urang vak di rayo sap ndom VN daok di TL brei thau: ong Pông Pết, akaok hội đồng lập pháp taneh ia brei thau, hadei di sa bilan, Hội đồng Lập pháp taneh ia hu peih veik mbang nyaom di harei 1 saong 2/12/2016 jaik tal piah ginum meyai dom bruk biak praong saong taong abih urang dalam hội đồng Lập pháp taneh ia hu panuac tacei brei caga meng harei 28/11. 

#/ Iran khan lac hu ba 11 tấn ia trak, lac pandap pandar ngak vũ khí hạt nhân, tapa Ô-man (Oman). Khau tin Iran hu ba panuac di urang dang akaok danak dak hạt nhân Iran A-li Ac-ba Sa-le-hi (Ali Akbar Salehi) ndom lac, ia trak, pandap pandar piah ngak liar dom lò phản ứng ngak tabiak plutôni (plutonium), hu ba tapa sa negar A Rập. . Ô-man dok lac negar dang kreh di Iran song phương Tây.  

#/ Harei 22/11, hãng kapal haoh praong abih châu Âu Lúp-than-sa brei klaak labaih 60 mbang par kayua bruk đình công di dom urang peih kapal haoh. Bruk đình công rah tabiak meng 5 tuk harei 22/11 (jaik 11 tuk jala pandiak tui mong VN) di dom mblang kapal haok  Đu-sen-đóp saong Ham-buốc di Đức. Bruk đình công ini barau peih akaok ka bruk đình công chính thức meng harei 23/11, tui nan nyu ngak kan kandah tal dom mbang par di Lúp-than-sa di grap taneh ia Đức./.