#/ Kuhria tal tuk vak ni, hu labaih 191.000 sinh viên bac tamat bloh dalam negar oh hu bruk ngak. Dalam nan rilo meng lac urang bangsa takik. UB bangsa hu ba tabiak dom jalan ngak piah salih bahrau bruk cử tuyển, yau pasang iek brei pok jien bac ka dom anek saih, SV trúng tuyển tapak tame dom sang bac ĐH, dong dom SV bac megru siam, trúng tuyển tapak, piah oh thiệt thòi dut song anek saih, SV cử tuyển, padang bruk meriak gauk tame cử tuyển song peih bruk palih ruah công khai tame dom bruk ngak  hadei di tuk bac megru.

3/ Hadei di 10 thun peih ngak danak dak pacang cakak dom rối loạn kayua kurang I-ốt, Việt Nam lac sa dalam dom taneh ia nao dahlau dalam bruk palahik dom rối loạn kayua kurang I-ốt. Min, urak ini, bruk kurang I-ốt daok mai veik VN. Tapa pasang iek uranaih umo meng 8 tal 10 thun dalam negar thun 2014, mboh lac buk bok takuai lac 9,8%. 

#/ Rayo sap ndom VN bahrau buh jien tabiak ngak dự án pasiam patagok jamriak papar sap FM di pasak phát sóng Cổng trời Quản Bạ  piah dong paglaong chất lượng, pabak riyak lingik dom danak dak papar sap bangsa di rayo papar sap paapr binguk Hà Giang. Meng nan, rik daong pathau khan dom sarak, jalan ngak di D8a3ng, hukum di karja ka dom bruk bangsa, brei thau ka rai duik KTXH di bhap bini dom bangsa takik dalam tỉnh. 

 #/ Tỉnh Điện Biên barau patabiak Quyết định ka bruk brei adat peih ngak đề án patui jalan khik ramik saong patagok ilamu dom bangsa tỉnh Điện Biên pambuak saong patagok kinh tế - XH tukvak 2016 - 2020, pamaong tal thun 2025. Dom bruk ngak praong di đề án lac patui bruk khik ramik ilamu vật thể, ilamu phi vật thể; đầu tư, patagok yaom glaong ilamu vật thể, phi vật thể, paglaong rai diuk ilamu dom bangsa dalam tỉnh; jhul pakhang bruk pato megru, paglaong ilamu menuac ngak pabak ka bruk khik ramik, patagok ulamu dom bangsa.

#/ Urang Thái lac sa dalam 3 bangsa di negar drei hu akhar haroh meng biak avar. Di VN urak ni hu tal 8 bộ akhar haroh Thái klak, song yaok ribau tapuk cih meng 8 janih hình ký tự ni, di tong abih gah. Taeng di muinyim tỉnh Sơn La urak ni hu 1.100 baoh tapuk haroh Thái klak. Dom boh tapuk ni hu vak meng mực tàu angaok janih baar Dó bo urang Thái ngak eng. Boh tapuk sit di abih hu lac 15x15cm; boh prong di abih lac 50x30cm.

#/ Dom thun tapa, bruk ba jamriak tame ngak nông bhum taneran kraong Cửu Long daok suai damuai, menuac ngak dalam gah ngak nông hu ralo min bhian lac lao động phổ thông, đầu tư công nghệ ka chế biến kaya nông biar, oh ka hu ralo pandap tinh chế, công nghệ glaong… Kuhria eng  gah ngak padai, bruk ba jamriak tame yuak padai bahrau hu 65%; meyah sản lượng hu 18 triệu tấn padai yaok thun,  khat lahik 12%, ye urang nông lahik meng 3.200 tal 3.600 tỉ đồng kayua khat lahik hadei di tuk yuak.

#/ Thun 2016, tỉnh Hậu Giang hu parabha brei jaik 14 tỉ đồng dong ka mik va bangsa takik. Meng pok jien nan, tỉnh hu donmg ka mik va Khmer di 29 palei biak kan kandah padang ngak jalan mbak palei pala, sang bac mẫu giáo song dong ka dom bruk rong pabui, kabau, limo, menuk, ada, ikan …piah patagok KT patruh iek patrun kathaot.

Patui di ini dom khau tin dunya:

8/ Tòa án tối cao di Ấn Độ barau ba tabiak phán quyết pacap dom rạp chiếu phim dahlau var chiếu brei daoh quốc ca saong taong abih urang mai maong iek brei dang tagok tuk daoh quốc ca. Angaok màn bạc brei ndaong tagok hala dok saong di dua gah cánh gà brei tuan hala dok Ấn Độ. Tòa ini ndom lac bruk ngak di phán quyết lac patagok akaok sahneng bangsa saong hatai anit ranam taneh ia di bhap bini.

#/ Jabat khik ramik môi trường song Tài nguyên Montana   bahrau ni hu duah mboh labaih 10.000 drei ngỗng tuyết metai dalam danao ia bak kim loại nặng song axit sulfuric dalam mỏ đồng lộ thiên Berkeley Pit di  Butte, Montana, Mỹ. Ngỗng tuyết dok dalam angan janih động vật mbuan si lihik abih meng akaok abhap 20. Thun 1995, labaih 300 drei ngỗng tuyết metai hadei di tuk menyum ia nerak tachuak di Berkeley Pit. Tapa pasang iek hadei di nan mboh lac hu  kim loại nặng dalam thận di nyu.

#/ meng akaok thun tal ini, CPC hu pablei tapa negar TQ labaih 107 ribau tấn brah, ralo jang 16,5% duk saong tukvak ini thun dahlau. Barau ini, rajaei TQ  njauk hatai lac, meng thun tal, tagok jang dua mbang  brah blei meng CPC lac 200 ribau tấn, duk saong 100 ribau tấn yaok thun yau urak ini./.