1# 6 bilan akaok thun ini, bruk patagok KT-XH di tỉnh Lâm Đồng daok mek hu ralo siam mekre di taong abih gah, dom bruk jeng ngak hu saong ngak ralo jang bruk ba tabiak. Dalam nan, GRDP tagok jaik 9% dut saong tukvak ini thun dahlau, abih tih yaom đầu tư dalam xã hội hu jaik 9.000 tỷ đồng, mek tame kadung jien karja hu labaih 3.700 tỷ đồng saong abih tih yaom jien pablei pandap tabiak negar lingiu hu labaih 315 triệu USD, rilo jang 13,5% dut saong tukvak ini thun bloh. Dom bruk ilamu, xã hội jeng hu peih ngak siam, puk paga sron mbon, quốc phòng an ninh hu khik kajap.

2 # Urak ni tỉnh Gia Lai hu jiak 850 urang njien, dalam nan , hu labaih 60 % dalam umo thanh, thiếu niên. Meng akaok thun tal ni,  công an tỉnh Gia Lai hu khởi tố 56 mbang song  69 urang khik piah, pajeng ba, pablei salih suan hukum jru phien, tagok  14 bruk dut song tuk vak ni thun dahlau .  Jabat chức năng tỉnh hu ba 31  urang  nao  cai nghiện di pasak cai nghiện di tỉnh.

3# mBan Chỉ huy pacang caga bala meng lingik tasik saong daong duah urang gaok bala tỉnh Bình Phước brei thau: Thun 2018, bruk pacang caga bala meng lingik tasik saong daong duah urang gaok bala hu tỉnh pataom tame ngak tui jalan "4 di labik" nan lac: tacei pato di labik, menuac di labik, pandap di labik saong bruk hậu cần di labik. Meng thun 2017 tal ini, tỉnh Bình Phước hu dom bala  meng lingik tasik yau ye: ngin, ribk, cakala ngak brei 3 urang metai, 3 urang njauk rambus, 8 baoh sang jaleih abih, 190 baoh sang par tabung, jaleih khut 225 ha amriak kalu, 174 ha cao su, hơn 440 ha pa-ok blait…, khat lihik jaik 39 tỷ đồng.

4 # Sở Ilamu song Thể thao ban sit Đà Nẵng peih bruk jakh ba paneh kadha doh ka ban raya mbang ka 3.Bruk jak ba dui atah  meng bilan  5 tal bilan 12 thun ini. Urang hu mbaok tame pakacah lac dom urang  Việt Nam. Dom tác giả oh brei hu ralo jang 3 kadha.  Asar kadha  pok meyaom dom jak jeng bo Đảng bộ song bhap bini ban Đà Nẵng mek hu dalam tuk vak tapa. Hu 11 giải thưởng hu pok brei dalam bruk jak ba mbang ni, dalam nan  giải nhất hu jao 50.000 triệu đồng; 02 giải nhì yaok giải 30.000 triệu đồng.

5 # Meng harei 16/6 tal harei 6/7, di sang bac Đại học Mỹ thuật Việt Nam, Hà Nội, meda hu parang iek rup thaot Báo chí dunya. Parang iek hu 130 blah rup thaot meng bruk pakacah rup thaot báo chí dunya mbang ka 61 ngan saong kadha karei di gauk yau ye: môi trường, tin tức, tự nhiên, thể thao... 

Patui di ni dom khau tin dunya:

6 #Mintri ngak nong Mỹ (USDA) brei thau, tui kuhria mboh dahlau sản lượng brah di Thái Lan dalam thun 2018-2019 meda tagok 4%, lac tagok labaih  21 triệu tấn kayua langik siam lagaih song yaom brah dunya tagok. Tui  USDA, bruk pablei brah tabiak negar lingiu di  Thái Lan thun 2018 rilo meng lac pabak ka bruk pablei salih di rajaei, dalam nan hu 120.000 tấn brah patih janih 5% mekuac ka rajaei  Trung Quốc song 330.000 tấn brah patih  25% mekuac ka rajaei Philippine.

7# Di dunya thun 2017 hu 2.252 tỷ phú saong hu 584 ribau menuac hu drap ar yaom labaih 10 triệu đôla Mỹ. Min tapa nan jeng lac bruk kan kathaot saong kaya meda dak ralo jang. Sa pathau khan di Quốc hội Anh ba tabiak di bilan dahlau brei mboh lac, tal thun 2030, 1% urang kaya meda abih di dunya meda ngak po 2/3 drap ar di dunya.

8 # Lin tasik Libi harei  10/6 dong hu 52 urang nhập suan hukum  di angaok 2 baoh gaiy gilai  cao su di langiu tasik gah pai  negar ni.Dom urang  di cư hadei di nan hu ba tal  căn cứ hải quân Libi di ban ine Tripoli, hu dong ba pahla song iek glang  y tế. Hadei di nan, dom urang ni hu jao ka jabat khik iek nhập cư song di cư.