#/ Bruk SV bac tamat bloh oh hu bruk ngak, pato thêm, bac thêm dok rah tabiak ralo, bruk oh ka lagaih dalam salih bahrau jalan pakacah song  công nhận tốt nghiệp, bruk pato pakai bruk ngak ka anek saih, bruk anek saih taong paoh gauk dalam sang bac dok taogok khang. Ni lac dom tavak tavaiy dalam tukvak suai lavik di gah pato megru hu dom urang QH tangi sua akaok mintri pato megru Phùng Xuân Nhạ dalam mesup harei ni.  Cử tri Trương Văn Bi, Hiệu trưởng  Sang bac Trung học phổ thông Trần Nhân Tôn di  Quận 11 ban raya Hồ Chí Minh  ndom lac, makna jeng lac kayua bruk pato pakai biak ralo dom khoa, dom gah bo oh ka duah thau cambaih darak pasa urang ngak. Ong Trương Văn Bi lac

Pato pakai bo oh hu chuẩn hóa dom tanut jeng ye drei pato pakai oh pabak hu bruk  di XH, brei pasram veik atau pato veik. Bloh dom bruk ba tabiak nyu glaong jang ye mintri brei hu jalan, ieu lac chế tài yau habar.

#/ Cử tri Huỳnh Thị Phượng daok di Quận 1 ndom lac, bruk pato thêm, bac thêm meyah daok khik ye mbuan biến tướng. Biak di nyu danak dak pato biak trak damak, oh salih barau ralo ngak ka anek saih kan tiếp thu bài.

“Hiệu trưởng njauk tabiak panuac brei thau, meyah thei kateik anek saih bac thêm ye xử lý trak, khan brei ka gah pato megru thau abih, meyah hu anek saih atau amaik ame, gru pato brei thau lac kateik bac thêm”

Patui di ni dom khau tin karei karei

#/ Peih ngak sarak 67 thun 2014 di rajaei, , huyện Thủy Nguyên, ban  Hải Phòng hu ngak bahrau 16 kapan ikan. Melam 15/11 di mblang ikan Mắt Rồng, xã Lập Lễ, huyện Thủy Nguyên hu peih bruk jao 4 kapan ikan kanduh kayau camereip ka urang tong ikan di xã Lập Lễ.

#/ Di ban sit Vinh, tỉnh Nghệ An, bộ chỉ huy bộ đội biên phòng tỉnh Nghệ An pambuak  bruk haong 3 tỉnh di Lào lac: Hủa Phăn, Xiêng- Khoảng saong Bô-ly-khăm-xay peih nyaom meyai giao ban bruk khik caga taphia negar, khik kajap an ninh trật tự saong mbaoh tangin tame harak pambuak bruk pacang cakak di cư sung hukum. Tal urak ini, angaok jalan taphia negar Nghệ An – Lào padang hu 18 cặp kết nghĩa bản cư dân; 7 đồn biên phòng kết nghĩa ngan saong 7 đơn vị công an saong biên phòng Lào.

#/ Atah di ni 3 thun, Viện Khoa học Kỹ thuật Nông lâm nghiệp Tây

Nguyên hu peih bruk pala veik café meng pajaih café vối ghép di dom huyện Ia Grai, Chư Păh, Chư Sê song ban Pleiku, tỉnh Gia Lai, di angaok taneh praong abih tih 20ha. Tapa nan mboh lac, hadei di sa thun meteh pala di angaok taneh meriak bazan, café vối ghép daok hu paik baoh. Urak ni, tong abih taneh pala iek, hu paik bloh, năng suất tui kuhria yaok ha mek hu 9 tấn cà phê that.

#/ Meng kreih bilan 10 tal ini, bruk ngak suan hukum khik caga saong patagok glai di Lâm Đồng hu biak ralo. Gah chức năng duah mboh saong taong phat jaik 130 bruk ngak suan, dalam nan ralo meng lac jah tak glai saong lih mek taneh glai sung hukum rah tabiak di dom labik glai hu jao ka dom doanh nghiệp khik iek saong peih ngak dự án đầu tư.

#/ Kapul ngak bruk di UB bangsa kayua ong Lê Sơn Hải, Phó Chủ nhiệm Ủy ban pan akaok kapul hu ngak bruk song urang pan akaok tỉnh Sóc Trăng ka bruk bangsa di tỉnh thun 2016. Tapa nan, tỉnh Sóc Trăng hu pok panuac tagok UB bangsa tham mưu, pok panuac tagok rajaei brei adat dui atah sarak ka bruk langyah taneh dok, taneh pala drak song dong bruk ngak ka bangsa takik gaok kan kathaot, patabiak hukum bangsa song padang ngak dom tapuk giáo khoa pandar ka yaok bangsa takik dalam taneh ia.

Patui di ini dom khau tin dunya:

#/ Dom urang njauk ruak tagok drah dalam dunya rilo jang jaik dua mbang dalam 40 thun tapa, tagok labaih 1,1 tỷ urang. Bruk ini hu thau tapa ruah duah ka ruak tagok drah meng thun 1975 tal thun 2015 kayua Gah y tế dunya saong yaok rituh urang ilamu dalam dunya pambuak gauk peih ngak hu khan brei thau angaok Tạp chí y khoa Lancet mesup harei 16/11.

#/ Harei 17/11, Thủ tướng Nhật Bản Xin-dô-A-bê nao rivang Mỹ. Tui kuhria ong hu ginum biai song Tổng thống bahrau tagok Đô-nan-Trăm.Asal kadha di mbang ginum biai hu patom tame makna ngak brei srau kadau di khu vực dalam nan hu bruk peih prong bol bala di TQ, saong gah NHật Bản meda ndom cambaih  ka jalan ngak di negar ni pagam tal Hiệp định đối tác Xuyên Thái Bình Dương TPP) song talei pambuak bruk an ninh Nhật-Mỹ.

#/ Harei 15/11, rajaei Thụy Sỹ brei thau meda patagok dom jalan ngak piah pacang cakak bruk njom mbak di jit cúm menuk ada daok tamuh khang di dom drei cim glai di khu vực./.