1# Công ty Cổ phần jru tavoa Lâm Đồng (Ladophar) bahrau brei thau, hu peih bruk pataom mek veik lô 1 jru asar  bao phim Kim tiền thảo di  drei ngak piah cang dut iek veik chất lượng di jabat chức năng. Dahlau nan di, Pasak dut iek ban Đà Nẵng hu harak payua Cục Khik ramik jru tavoa  Mintri  Y tế ka bruk  lac  jru bao phim Kim tiền thảo kayua Công ty cổ phần jru tavoa Lâm Đồng ngak hu mek di  Nhà thuốc Dapharco Blu+ oh mek hu tanut  chất lượng ka chỉ tiêu chất chiết dược. Tui nan, Cục Khik ramik  jru tavoa hu harak pandar  Công ty Cổ phần jru tavoa  Lâm Đồng pambuak bruk song nhà cung cấp song pablei jru pathau khan bruk sản xuất, ba pablei lô jru asar bao phim kim tiền thảo ka CỤC  khik ramik jru tavoa, Viện dut iek  jru Trung ương, Viện dut iek jru  ban raya Hồ Chí Minh.

2# Dalam tuk nao pasang iek, Bộ đội biên phòng ban raya Hồ Chí Minh hu mboh sa kapal pajeng labaih 500 tấn khak Ure oh thau cambaih asal di nyu di libik phao ka 22,  kraong Soài Rạp, di xã Lý Nhơn, huyện Cần Giờ, ban raya HCM. Kapal pajeng pandap hu biển kiểm soát LA-07000, kayua ông Phạm Công Bằng, ndih tapui thun 1980, sang daok di xã Tân Thiền, huyện Chợ Đất, tỉnh Bến Tre ngak thuyền trưởng. Tukvak pasang iek, labaih 500 tấn khak ure jeng oh hu nhãn mác saong thuyền trưởng jeng oh ba tabiak hu harak hóa đơn brei thau asal di pandap ini.

3 # Phòng Cảnh sát hình sự (PC45) Công an tỉnh Bà Rịa – Vũng Tàu brei thau lac bahrau  khởi tố vụ án, khởi tố bị can ngan saong urang angan  Vũ Văn Công (ndik tapui thun 1988 di  Hà Nội), Trần Thị Kim Cúc (SN 1967) song  Lê Thị Kim Ngọc (SN 1990) dok di  huyện Long Điền, tỉnh BRVT piah duah thau bruk pablei salih menuac urang. Tapa pasang iek, duah thau, gah CSĐT mboh lac, dalam bilan 4/2017 Công song Ngọc hu pablei 2 urang kamei Việt Nam tapa Trung Quốc.

4#  Đồng Nai barau ngak blaoh bruk taong yaom tác động alam môi trường dự án ramik pasiam cảnh quan saong patagok đô thị tapeng kraong Đồng Nai (nan lac dự án lih mek kraong Đồng Nai) pok  tagok trung ương, daok cang panuac di Thủ tướng ka jalan langyah patui di nan. Ini lac asal kadha hu uy mban bhapbini tỉnh Đồng Nai ba tabiak di mbang họp báo bruk kinh tế - xã hội 6 bilan kaok thun 2018. Javap calei tangi sua di phóng viên ka dự án lih mek kraong Đồng Nai, ông Nguyễn Ngọc Thường, Phó Giám đốc Sở Tài nguyên – Môi trường tỉnh Đồng Nai brei thau:

Hadei di tuk padheih peih ngak dự án piah ngak tui tacei pato di Thủ tướng rajaei, Ủy ban tỉnh jao ka Sở Tài nguyên – Môi trường ngak po đầu tư bruk taong yaom tác động alam môi trường. Taong yaom hu ngak blaoh saong pathau tagok Trung ương. Mintri Tài nguyên – Môi trường jeng dang tabiak pan akaok, dom libik alamu jeng hu taong yaom, peih ngak yau habal lac daok cang panuac tacei di Thủ tướng.

5 # Tui Sở NN&PTNT tỉnh An Giang, dom harei tapa, ia meng gah angaok krong tuh mai avar, pambuak bruk haong ia sua gam song hajan dalam mbang ribuk ka 3 yau nan ye ngak kan kandah  tal bruk sản xuất.  Yaom lac gah ngak nông song dom puk palei gah angaok kraong hu caga dom jalan ngak piah pacang, min kayua ia tagok glong song biak samar ngak khut khat rilo mblang padai song njam patam di urang nong. Kurhia tal urak ni di tỉnh  An Giang hu labaih 7.500 ha padai song njam patam njauk khut, bruk. 
          Khaw tin dunya

6#Jabat khik caga dân sự di tiểu bang Đu-ran-gô (Durango), Mê-hi-cô barau brei thau lac patoah jamo oh hu urang metai di mbang laik kapal ahaok di hãng kapal ahaok Ê-rô-mê-xi-cô (Aeromexico) harei 31/7). Brei panuac angaok rayo papar binguk, Thống đốc Giâu Rô-xát Ai-xpu-rô (Jose Rosas Aispuro) brei thau sruh kapal ahaok laik tuk daok di jalan par nao tal ban ine Mê-xi-cô Xi-ti (Mexico City). Tui panuac khan tuk akaok mereip, 80 urang njauk rambuac di mbang bala ini. Hu thau, di tukvak gaok bala, sruh kapal ahaok pajeng 97 urang tuai gam saong 4 urang phi hành đoàn.

7 # Karja  Tổng thống Đô-nan Trăm (Donald Trump) dok kuhria ba tabiak yaom kak je  25%, oh lac 10% tui kuhria di tuk camereip ngan song pandap panda blei meng  Trung Quốc hu yaom  200 tỷ USD. Min, jalan ngak puac di abih  di rajaei Mỹ jeng oh ka hu ba tabiak song meda oh hu  peih ngak tuk bruk ini hu ba tabiak tangi sua bhap bini. Tui kuhria, dalam harei   1/8, Mỹ meda  ba tabiak bruk lac hu halei oh yaom kak je dreih yau nan tagok jang labaih  16 tỷ USD pandap panda Trung Quốc

8# Tui kuhria, page 2/8 ribuk Giông– đa-ri meda tuh tame mbaok haluk Trung Quốc, ini lac mbang ribuk nhiệt đới ka 12 tuh tame taneh ia ini kuhria meng akaok thun tal ini. Kayua ribuk, bhum Chiết Giang, Giang Tô meda hu hajan mbiah saong praong, dom libik hu hajan biak praong. Dahlau di nan, ribuk Giông – đa-ri ngak brei takik di abih 24 urang njauk rambuac tuk nao tapa pulao Ki-uy-su (Kyuyshu), cực Nam Nhật Bản./.