1/ Tui mintri ngak nong song patagok palei pala, yaom jien pablei kaya glai, kaya nong,  kaya ikan tabiak negar lingiu bilan 8, tui kuhria hu labaih 3 tỷ đô la Mỹ,  tagokg yaom jien dalam 8 bilan tapa hu jiak 24  tỷ đô la, tagok 13,5% dut saong tuk vak ni  thun dahlau. Dut song tuk vak ni thun dahlau, yaom jien pablei dom janih kaya nong tagok 17,2%, mek hu 12,6 tỷ đô la; kaya ikan mek hu 5,13 tỷ đô la, tagok 18,1%; kaya glai mek hu 5 tỷ đô la, tagok 9,6%.  Dom janih pandap hu pren khang pablei tabiak negar lingiu dalam bilan 8 tagok rilo yau: brah, cao su.

2/ Barau ini ban Pleiku, kapul brac drah Nội soi Châu Á Thái Bình Dương pambuak saong sang iek ruak Đại học Y dược ban raya Hồ Chí Minh saong sang iek ruak Đa khoa tỉnh Gia Lai peih bruk pasram ilamu brac drah  gah dalam pruac taha.  Ini lac ilamu brac  nội soi bahrau di dunya, mbang akaok meti hu peih ngak di bhum kreih negar – Tây Nguyên. Meng bruk peih ngak di puk palei, hu peih tabiak jalan ka urang ruak, abih di nyu nan lac urang ruak kan kathaot hu iek ruak tui ilamu bharau saong abih takik jien ndo.

3/ Pasak pambuak bruk daong duah urang njauk bala jalan tasik bhum 4 bahrau ba 2 thuyền viên njauk bala di angaok kapan ikan BĐ 97588-TS mai ban Nha Trang, tỉnh Khánh Hòa dalam nan hu 1 urang metai, 1 urang  njauk rambuac trak hu ba nao cấp cứu. Dahlau nan, kapan ikan BĐ 97588-TS kayua ong Nguyễn Ngọc Tài, umo 30 thun, daok di huyện Hoài Nhơn, tỉnh Bình Định ngak thuyền trưởng, dok tong chap ikan di angaok tasik di palao Trường Sa brei thau di angaok kapan hu  2 thuyền viên njauk talei dui njauk rambus biak trak. Pasak pambuak bruk daong duah urang njauk bala jalan tasik Việt Nam hu ba kapan chuyên dụng  tabiak daong.

4/ Hadei di labaih 2 thun peih ngak Nghị định 67 di rajaei ka dom sarak patagok kaya ikan, tỉnh Ninh Thuận hu mbaoh tangin brei adat ngak 35 dự án ginup điều kiện tut angan mesraiy jien piah ngak barau, pasiam veik kapal ikan, tui yaom jien abih tih labaih 382 tỷ đồng.  Ninh Thuận hu 23 kapal ikan hu ngak barau saong 2 kapal ikan ngak pasiam veik ba tame taong cap, 10 kapal ikan daok ngak, tui kuhria tal puac thun 2017 meda ngak salah bloh.

5/Dom gah song dom puk palei dalam  tỉnh Khánh Hòa dok patom tame peih ngak dom jalan pacang caga jit laka cambuai tapok kakau rah tabiak di  xã Diên Lộc, huyện Diên Khánh. Sruh jit ruak di xã Diên Lộc hu 54 drei limo di 11 boh sang njauk ruak laka cambuai tapok kakau oh ka tapa 21 harei.  Gah thú y hu peih dom mbang klauk vắcxin laka cambuai tapaok kakau ka tapon kubau, limo di bhum hu jit song labik dok jiak tapen, padang labik dut iek athur rong, tui iek bruk pajeng ba rilaow athur rong nao tapa bhum hu jit.

6/ Tui pasak daong dam dara urang ngak ban raya Hồ Chí Minh, ndam likhah tập thể thun 2017 ka 100 gu dam dara công nhân kan kandah hu peih tabaik di harei 2/9 ngan saong ralo kadha barau. Dom gu hu diễu hành radaih bingu tapa dom jalan praong di ban raya, pok bingu di rup patau Wa Hồ angaok jalan nao kabak Nguyễn Huệ, thaot lưu niệm….

7/ Saai Sa-pi-nah, bangsa Chăm, dok di 157/22/11/43 jalan Dương Bá Trạc, Phường 1, Quận 8, ban raya Hồ Chí Minh ndih tapui tabiak dalam sa boh sang biak kan kandah, amaik ame ruak boh hata, saai kamei nao ngak piah rong abih gauk dalam sang. Saai Sa-pi-nah dalam luac tuk nao bac kham merat gam bac gam ngak duah jien raong amaik ame adei sa-ai. Meng kham merat abih drei , saai Sa-pi-nah bac tamat  2 sang bac đại học nan lac Đại học Y Dược song Đại học Luật ban raya Hồ Chí Minh. Urak ni  saai Sa-pi-nah lac chuyên viên Phòng Y tế Quận 8, Chủ nhiệm kalup kapul yam tapa kan kandah kham merat pachreih bac di quận, saai dok hu pok ngak  Uỷ viên Ban Chấp hành Hội Liên hiệp urang kamei Quận 8.

Patui di ini dom khau tin dunya:

8/ Di ban ine Praha barau rah tabiak dalam praong prang bruk pahadar 10 thun padang Hội Phật tử Việt Nam di Cộng hòa Séc, Đại lễ Vu Lan báo hiếu saong harei ilamu Phật giáo Việt Nam di Cộng hòa Séc. Tapa rilo kan kandah piah patagok bruk di negar langiu, tal urak ini Hội Phật tử Việt Nam di Cộng hòa Séc  hu jeng sa kapul praong khang, hu 13 chi hội, 6 baoh baha saong 7 niệm Phật đường di dom tỉnh, ban di Séc. Lingiu di nan, bruk ngak di kapul daok hu pren pambak tabiak dom taneh ia dalam khu vực yau Áo, Ba Lan, Hungary, Slovakia, Bulgaria….jhul pakhang bruk patagok dom bruk Phật sự di dom taneh ia ini.

9/ Meng harei  25-28/8, di ban ine  Phnom Penh rah tabiak Nyaom darak pasa parang iek dunya ka jamriak công nghiệp Campuchia mbang ka 7, hu mbaok di labaih 150 doanh nghiệp mai meng dom negar yau  Đức, Trung Quốc, Thái Lan, Indonesia, Ấn Độ…14 doanh nghiệp Việt Nam jeng hu mbaok di nyaom darak pasa, song dom pandap ngak jamriak, gia công cơ khí, điện công nghiệp, dom công nghiệp phụ trợ.

10/ Karja Tổng thống Đô-nan Trăm daok pasang iek bruk cakak trun thị thực dalam danak dak taom gaok ndom meyai nao mai ilamu saong bruk ngak di Mỹ, dalam nan hu dự án “gam bac gam ngak” saong urang ngak bruk tui thời vụ. Min bruk cakak trun oh pandar ka dom sinh viên đại học./.