1 # Di jabat rajaei  bahrau rah tabiak  nyaom biai mbang ka sa Ban tacei jalan pakat negar rami ramik veik gah  kinh tế, salih bahrau mô hình patagok, tuk vak 2016-2020, ala bruk pal akaok di  Thủ tướng Nguyễn Xuân Phúc, Akaok mban tacei jalan. Di nyaom biai, Thủ tướng hu panuac ieu Ban tacei jalan  ba tabiak dom tavak tavaiy,  bruk ngak, jalan ngak bahrau song peih ngak dalam bruk rami ramik veik gah kinh tế, salih bahrau mô hình patagok. Tong yaom bruk peih ngak 120 bruk di  Sarak  27 di rajaei, meng nan ba tabiak panuac brei ramik veik atau pabak jalan ngak piah peih ngak hu siam lagaih jang.

2# Kapul daong di Trung ương Hội Chữ thập Đỏ Việt Nam barau nao ravang, alin pandap ka urang bhapbini gaok kan kandah kayua hajan xua huyện Chương Mỹ (Hà Nội). Dalam mbang nao ini, kapul ngak bruk di Hội chữ thập đỏ Việt Nam jeng hu ngak bruk saong urang dang akaok karja huyện Chương Mỹ saong klah rabha dom khat lihik di bhapbini daok ndua nong. Lingiu di nan, kapul hu alin tapak ka 100 sang gaok khat lihik trak abih di mbang hajan xua barau blaoh labaih 1 tấn brah, 1000 thùng ia saong 1000 tờ rơi tacei pato jalan pandar. Abih tih yaom jien ka bruk nan labaih 256 triệu đồng.

3 # Gah khik ramik darak pasa pambuak bruk song phòng Cảnh sát điều tra tội phạm ka môi trường, Công an tỉnh Lạng Sơn bahrau duah mboh, chap hu sa sruh  radeih tải pajeng bak pandap mbang blei meng Trung Quốc mai. Tapa yaok iek mboh lac, pandap panda ni hu dom janih pandap mbang chip yau  xúc xích, nước khoáng, takai menuh am, boh da mbak, trà sữa, ia giải khát, rilaow paoak, alak klaok… Urang peih radeih khan lac tong abih pandap panda hu blei di ban  Đồng Đăng, huyện Cao Lộc. Gah  chức năng brei pataom mek, am cuh tong abih  pandap ini tui adat hukun song taong phạt po pandap nan 15 triệu đồng.

4# Kayua kadung ni lông kan si ralai eng hu, urang blei pandar tuh tabiak rilo yau nan ye dak harei dak pataom veik jeng mbuk ngak ka alam môi trường gaok nerak trak. Piah rik daong trun takik bruk ini, kapul urang kumei phường Mỹ Đông, ban sit Phan Rang-Tháp Chàm, tỉnh Ninh Thuận hu tabiak mbaok kalup kapul ‘ teik bai nao drak – hadah ambaok di urang ngak mbang ngak huak” piah ieu menuac urang takik pandar kadung ni lông saong oh prah kadung ni lông tabiak lingiu, rik daong paglaong akaok saheng khik caga alam môi trường. Saai Trần Thị Ngọc Trí, Chủ nhiệm kalup kapul brei thau: Adei saai daok teik bai nao darah saong mboh camabih lac nyu mbuan lagaih jang, oh mblo tabiak lingiu kadung. Taong abih dom pandap mbang jeng daok dalam bai, takik ngak nerak alam môi trường)

5 # Tui Công ty Điện lực Đắk Nông, meng akaok thun tal ni , Cty hu pablei điện di drei ngak tabiak tapa tỉnh Mondulkiri (negar Campuchia) lac labaih 3,5 triệu kWh, duah hu jiak 8 tỷ đồng, tagok jang  1 tỷ đồng dut song tuk vak ni thun dahlau. Công ty Điện lực Đăk Nông hu pabak  điện ka  tỉnh Mondulkiri, negar Campuchia meng thun 2012, tapa jalan talei trung áp jiak 200km meng  huyện Đăk Song, tỉnh Đăk Nông nao tapa jalan tapen negar  Bu Prăng tal tỉnh Mondulkiri. Điện pablei tapa negar CPC jeng tagok meng  số lượng tal chất lượng tapa dom thun:

Khaw tin dunya

          6# Page harei 2/8, nyaom biai akaok mintri Ngoại giao thường niên ASEAN mbang yaka 51 (AMM 51) barau peih tabiak di Pasak nyaom biai dunya Singapore Expo, Singapore. Nyaom biai hu mbaok di 10 akaok mintri di 10 taneh ia ASEAN. Akaok mintri Ngoại giao Singapore -  Chủ tịch di AMM 51 dang akaok nyaom biai. Thủ tướng Singapore Lý Hiển Long mai hu mbaok saong brei panuac salam uan mbang peih nyaom biai. Kapul Việt Nam kayua

7 # Ngoại trưởng Nga Xéc-gây La-vrốp (Sergey Lavrov) bahrau hu mbaok dalam dom mbang nyaom di akaok mintri  Ngoại giao di Hiệp hội dom negar  Đông Nam Á (ASEAN) di  Xing-ga-po song dom mbang taom gaok  2 gah langiu nyaom biai  . Ngoại trưởng Nga tui kuhria hu var taom gaok Ngoại trưởng Campuchia, Lào, Trung Quốc, Hàn Quốc và Xinh-ga-po. Hu thau,  Ngoại trưởng Nga La-vrốp song ngoai trưởng  Mỹ Mai Pôm-peo oh hu var taom gaok  2 gah di langiu nyaom biai mbang ni, kayua 2 gah oh rami ramik hu tuk vak lagaih piah taom gauk.

8# Dom chuyên gia Anh barau hu panuac lac, pandiak bhang meda ngak ka yaom padai brah taneh ia ini tagok rilo dalam tukvak tal. Giám đốc điều hành tập đoàn pablei lẻ Anh, Đích-kin-sơn (Helen Dickinson) brei thau, pandiak bhang dalam bilan hè di Anh ngak brei bruk blei pandar dom pandap panda nyu tagok, ngak pandik akaok ka dom urang ngak tabiak pandap. Tui kuhria, lạm phát yaom padai brah, pandap mbang menyum nyu tagok 1,6% dalam bilan 7, tagok duk saong tanut 1,2% dalam bilan 6. Urak ini Anh njauk blei tame jaik 40% dom pandap mbang menyum, rilo meng lac di Liên minh châu Âu (EU)./.