1# Page mesup harei 9/4, di ban sit Hải Dương, Thủ tướng Nguyễn Xuân Phúc hu mbaok ndom biai haong urang ngak nong dalam kadha “Lang talaih tavak tavaiy, peih jalan patagok, patui jalan 30 thun salih bahrau”. Labaih 600 urang hu mbaok, dalam nan hu urang dang akaok dom mintri, mban, ngành di Trung ương, dom jabat, mban, ngành tỉnh Hải Dương; urang dang akaok 63 kappul urang nong tỉnh, thành; dom urang ilamu, lambaok dom doanh nghiệp… Bruk ndom biai nao mai ini biak hu yaom glaong, hu kein laba piah ka Rajaei thau cambaih hatai caong di mikbva urang ngak nong, duah thau dom kan kandah, tavak tavaiy, meng nan patagok bruk sáng tạo di urang ngak nong dalam tuk mbeik drei tame dunya

2 # Urak ni, langik pandiak thu, mbuan si khuah glai, rilo labik mbuan si khuah glai di pakat 5, pakat biak kan kandah. Piah samar pacang caga khauh glai, patrun takik di abih bruk huah glai song khat lihik,  akaok Tổng cục Lâm nghiệp hu panuac ieu  Giám đốc Sở ngak nong song patagok palei pala dom tỉnh, ban tacei Ủy ban bhap bini tỉnh padang jalan padam khuah glai tuk rah tabiak khuah pron, samar ieu pataom dom gah pak  labik saong  brei bruk cambaih laih  ka dom urang jakar nao tapak tal labik khuah glai piah tacei jalan pacang pandam khuah glai.

3# Tui Sở ngak nong saong patagok palei pala Đắk Nông, bruk jah tak glai di tỉnh dalam 3 bilan akaok thun hu biak rilo, taneh glai jeng njauk jah tak rilo. Rilo meng lac jah glai mek taneh pala drak. Meng akaok thun tal ini, dalam tỉnh Đắk Nông hu 122 mbang jah tak glai, ngak khat lihik jaik 53 ha glai, rilo jang 43% mbang saong 63% taneh glai dut saong tukvak ini thun bloh

4 # Gam bui sambai uan raok Tết Bunpimay 2018 (thun 2561 tui  Phật lịch), di ban sit  Huế, sang bac Đại học Huế pambuak bruk song sang bac Cao đẳng Sư phạm Thừa Thiên - Huế bahrau peih ngak rilo bruk hu makna piah uan raok thun bahrau ka labaih  500 anek saih Lào dok bac di  Thừa Thiên - Huế.  Urak ni dom sang bac Đại học, Cao đẳng dalam tỉnh hu pato labaih 1.100 anek saih  Lào, dalam nan hu jiak 500 anek saih Lào hu bac tamat bloh song hu ngak bruk di dom  jabat prong  di negar Lào. 

5# Kuhria tal quý I thun 2018, dalam tỉnh Bình Thuận hu labaih 1.315 sang bhap bini bangsa takik tut angan taduan mek jien dahlau, dalam nan hu 1.173 sang pala tangei lai, 142 sang ngak padai. Abih tih taneh pala tangei saong ngak padai lac jaik 2.640 ha. Thun 2017, Pasak Dịch vụ bhum ceik tỉnh Bình Thuận hu buh brei dahlau jaik 1.261 tấn vật tư – pandap panda dom janih yau ye  khak drak, tangei pajaih, padai pajaih saong jru khik caga phun pala, yaom abih tih labaih 14,2 tỷ đồng. Bruk buh jien dahlau brei ka bhap bini bangsa takik hu daong pabak pandap piah pala drak, trun takik bruk nao mesraiy trak laba, kateik yaom di urang blei. Ong Nguyễn Văn Chi – Giám đốc Trung tâm Dịch vụ bhum ceik tỉnh Bình Thuận brei thau: 

Dalam thun 2018 ini, pasak kuhria buh brei dahlau jaik 2.700 ha tangei lai, labaih 200 ha padai ia ka bhap bini dom xã bhum glaong. Lingiu di nan, pasak daok kuria ngak bruk pala  veik phun cao su di bhum bhap bini bangsa daok di 2 xã Đông Giang,La Dạ saong pambak praong bruk patrun kathaot tui đề án 135.)  

           Patui di ni dom khau tin dunya:

      6 # Harei  08/04, Nhật Bản hu mbaoh tangin tame harak sanya dong song brei Campuchia mesriay yaom jien abih tih 90 triệu đôla Mỹ  di ban ine Pnômhpênh. Tui nan, Ngoại trưởng Nhật Bản Taro Kô-nô hu mbaoh tangin song  Ngoại trưởng Campuchia Prác Sô-khôn (Prak Sokhonn) sanya dong brei oh bayar veik  4,6 triệu đôla song brei mesraiy  86 triệu đôla ka dom danak dak  kinh tế song truyền tải điện di Campuchia.

7#Hu oh ka tal 15% dom radaih daok peih angaok jalan di Singapore, min dom radaih di taneh ia pulao kaoh ini daok tathuak tabiak labaih 53% lượng khí thải. Piah pasiam chất lượng môi trường không khí, karja Singapore bahrau ini hu pachreih menuac sia taneh ia ini padeih pandar radaih patuh saong bayar yaom jien biak praong tagok tal 2 ribau 600 đôla Mỹ, samu 60 triệu đồng ka yaok urang klak harak chứng nhận tut angan radaih saong oh tut angan radaih bahrau

            8  # Tui pathau khan angaok blah web di mintri pablei salih Trung Quốc,  negar ini bahrau tabiak adat oh brei pablei tapa Triều Tiên dom janih pandap meda pandar tame bruk ngak vũ khí hủy diệt hàng loạt. Bruk tabiak angan dom janih pandap  xuất khẩu brei mboh Trung Quốc ngak tui sarak di  di  Hội đồng Bảo an Liên hợp quốc tabiak di bilan  9 thun bloh pagam tal bruk  Triều Tiên thử tên lửa./.