1# Hadei di 3 harei ngak bruk, nyaom biai Trung ương 7 hu ginum baiai ka bruk urang jakar, bruk salih bahrau jien bilan, bầu bổ sung 2 Ủy viên Ban Bí thư, ba tabiak truh Đảng ông Đinh La Thăng. Dalam dom mbang ginum biai, dom panuac jeng ndom lac, piah pacang bruk chạy chức, chạy quyền, njauk hu jalan ngak piah pasang iek urang dang akaok. Pambuak tal bruk lac Bí thư pakat ủy pakat tỉnh, pakat huyện oh lac menuac dalam palei, dom panuac jeng brei mboh pachreih tui saong taong yaom glaong jalan ngak ini, mboh lac, ini jalan ngak praong piah pasang iek quyền lực, pacang bruk chạy chức, chạy quyền.

2# Ủy ban Kiểm tra Tỉnh ủy Đồng Nai brei thau  hu kiểm điểm bloh dom kapul nyaom, menuac urang pagam tal bruk tham mưu ka muk  Phan Thị Mỹ Thanh, tuk vak ngak  Phó Chủ tịch Ubbhpa bini  tỉnh Đồng Nai, mbaoh tangin tame harak văn bản suan hukun . Bruk ngak suan nan hu  Ủy ban Kiểm tra T.Ư kết luận. Tapa kiểm điểm, oh hu urang jakar halei dalam Tỉnh ủy  ngak suan tal tanut  njauk  xử lý kỷ luật di Đảng.

3# Tal urak ini, tỉnh Đồng Tháp hu 39 xã ngak hu bloh abih 19 tiêu chí palei pala bahrau saong ban sit Sa Đéc hu công nhận lac ngak salah bloh bruk padang ngak palei pala bahrau. Piah ngak hu yau nan, tỉnh Đồng Tháp thau patagok bruk pablak tame rilo danak dak, dự án, đề án. Bruk pablak tame nan hu daong palagaih ka tỉnh jhul patagok kinh tế palei pala, paglaong jien mek tame ka bhap bini

4 # Ban tacei pato pacang caga bala meng langik tasik song dong duah urang gaok bala  tỉnh Bạc Liêu brei thau dalam 10 harei tapa  dalam  tỉnh hu  2 mbang cakala klaak ngak brei 2 urang metai song sa urang njauk rambuac trak. Bahrau di abih lac  di melam 8-5, dalam tuk hajan biak prong songhu cakala khang, saai  Lê Hoàng Khanh (umo 33 thun, dok di  xã Vĩnh Mỹ B, huyện Hòa Bình, Bạc Liêu) dok peih radeih patuh  angaok jalan palei njauk cakala tong njauk ngak ka saai metai chip. Dahlau di nan, harei  1-5, dok ngak bruk di danao rong hadang , mboh langik jiak hajan, ye saai Dương Văn Chơn (umo 34 thun, dok di xã Phong Thạnh Tây A, huyện Phước Long) song anek nduac mai sang. Tuk mai tal jiak sang ye saai Chơn njauk cakala klaak metai chip , anek di saai njauk rambuac di labik pha.

5# UBND tỉnh Đồng Tháp brei thau, tỉnh hu pok panuac tagok T.Ư likau brei padang 12 cụm, tuyến dân cư saong yaom jien abih jaik 657 tỉ đồng piah panduan ba chip labaih 2.400 sang bhap bini daok dalam labik mbuan glut jaleih. Lingiu di nan, UBND tỉnh jeng hu panuac likau Rajaei pasang iek, daong dom công trình, hu kè Bình Thành tal vàm Phong Mỹ (H.Thanh Bình), dự án kè khik caga takai kraong labik jaik  kè An Hiệp (H.Châu Thành) hu padang ngak bloh, dự án pasiam chip bruk glut jaleih takai kraong Hổ Cứ, xã Hòa An (TP.Cao Lãnh) saong yaom jien abih tih lac 300 tỉ đồng.

Patui di ni dom khau tin dunya:

6 # Tổng thống Mỹ Đô-nan Trăm (Donald Trump) bahrau brei thau, ong meda brei thau labik peih nyaom biai pakat glong song urang pal akaok Triều Tiên lac  Kim Châng Un (Kim Jong Un) dalam 3 harei tra,  min tah klak panuac lac  peih ngak nyaom biai ni di labik  Phi quân sự (DMZ) di tapen jalan negar  Hàn Quốc- Triều Tiên. Urak ni  Mỹ song Triều Tiên jeng dok sahneng kuhria dom labik meda rah tabiak bruk ginum biai prong ni, dalam nan hu Xinhgapo.

7# Tổng thống Nga Vla-đi-mia Pu-tin (Vladimir Putin) saong Thủ tướng Ixraen Ben-gia-min Nê-tan-y-a-hu (Benjamin Netanyahu) bahrau hu mbang taom gaok di ban ine Mátxcơ-va (Moscow), Nga, ginum biai ka bruk Trung Đông, abih di nyu nan lac bruk hạt nhân Iran. Mbang ravang di Thủ tướng Ixraen Nê-tan-y-a-hu tal Nga mbang ini rah tabiak dalam tuk bruk di Ixraen saong Iran dak harei dak catang tagok, dalam tuk bruk hạt nhân Iran pandiak tagok haong bruk Mỹ tabiak panuac lac tabiak truh thỏa thuận hạt nhân ini.

          8 # Thủ tướng Trung Quốc Lý Khắc Cường dok hu panuac ieu  Trung Quốc, Nhật Bản song Hàn Quốc pabak dom rik dong bahrau piah khik ramik sron mbon, tain tanat song kaya meda di châu Á. Thủ tướng Trung Quốc Lý Khắc Cường brei thau, Trung Quốc, meda ngak chủ tịch luân phiên tui  pambuak bruk  3 gah Trung Quốc, Nhật Bản song Hàn Quốc, dok cong khin sgam ong  2 negar ni jhul pakhang bruk pambuak gauk kayua siam mekre song tani tanat di bhum châu Á-Thái Bình Dương song atah jang gac.