1# Phó Thủ tướng Vương Đình Huệ  pato mintri  ngak nong song patagok palei pala  buh brei oh mek jien  vắc xin,  jru sát trùng meng pandap khik piah pakat negar dong ka 6 tỉnh piah pacang caga jit ruak  athur kayua ribuk ka 3. Ủy ban bhap bini dom  tỉnh Yên Bái, Hòa Bình, Phú Thọ, Quảng Ninh, Ninh Bình song Hà Tĩnh njauk taduan mek saong dong samar  vắc xin, jru hoá chất nan tui adat hukum urak ini.

 2# Tui UB bhapbini huyện Mường Lát, Thanh Hóa,  mbang hajan xua barau blaoh ngak khat lihik trak drap ar saong anek menuac. Urak ini, hu 7 urang metai saong lihik; 139 baoh sang jaleih abih, 541 sang njauk nao plaih; ngak tayah 15 sang bac saong libik sang bac, 25 binek thủy lợi, 15km kraong ribong; yaok ratuh héc ta njam patam, yaok rabau drei athur, menuk ada gaok haluk lam; Hạ tầng giao giao thông  tayah tayac. Tui kuhria khat lihik kayua hajan xua abih tih lac labaih 1 rabau tỷ đồng. 

3 #Ngak tui Biên bản pambuak bruk khik ramik urang ngak tapa jalan negar di  Sở Lao động - Thương binh song  Xã hội tỉnh Cao Bằng song Cục Nguồn nhân lực song  an sinh xã hội ban sit  Sùng Tả, Khu tự trị dân tộc Choang Quảng Tây (Trung Quốc), huyện Phục Hòa (Cao Bằng)  bahrau ba 23 urang ngak dalam tỉnh  tapa ngak bruk di  cơ sở ngak kayau  di ban sit Sùng Tả, tui yaom jien bilan 2.700 nhân dân tệ/sa bilan (labaih 9 triệu đồng). Dalam thun ni , huyện kurhia ba 100 urang ngak dalam tỉnh tapa ngak bruk. Dom thun jiak di ni  bruk urang nao tapa jalan negar suan adat piah nao ngak pah mboh hu rilo saong mbuan gaok kan kandah gah adat hukum ngan song urang ngak. Tỉnh Cao Bằng daok brei patagok bruk khik ramik urang ngak, patrun bruk bhap bini nao tapa jalan negar  suan adat hukum piah ngak mbang pah.

4# UB bhapbini tỉnh Đắk Lắk  barau tacei pato libik peih ngak danakdak negar “ yaok xã sa pandap (ieu lac OCOP)" tukvak 2018-2020 ngan saong jien peih ngak abih tih 4,8 tỷ đồng.  Danakdak OCOP lac danakdak patagok pandap ngak nong, pandap lingiu bruk ngak nong, dịch vụ hu prein khang di yaok puk palei tui chuỗi giá trị. Dom pandap panda saong dịch vụ ini hu asal meng puk palei atau hu thuần hóa, abih di nyu nan lac đặc sản bhum, palei hu ngak tui jalan gah sinh thái, ilimo, nguồn gen, tri thức saong công nghệ di puk palei.          

 5 # Công ty TNHH Uber B.V (Hà Lan)  njauk hatai bayar abih jien tavak je ka Cục Thuế ban HCM, lac labaih 56 tỉ đồng (samu  2,4 triệu USD). Pok jien ni hu jien tavak je labaih 53 tỉ đồng song jien  phạt kayua suai  kak je. Dahlau di nan, bilan 9/2017, Cục Thuế TPHCM hu tabiak  bruk tong phạt  hành chính song truy thu pok jien labaih  66,68 tỉ đồng ngan saong  Công ty TNHH Uber B.V (Hà Lan). Uber hadei di nan buh sa pok jien 13 tỉ đồng, song jeng dok sre labaih 53 tỉ đồng.

Patui di ni dom khaw tin dunya

6# Dom urang alamu Trung Quốc barau ngak tabiak sa janih kadung ni-lông meda tự ralai eng dalam ia tasik, rik daong trun takik bruk nerak alam môi trường tasik kayua chất thải nhựa saong kadung ni-lông. Tui nan, kadung ni-lông ini hu ngak meng sa janih nhựa com-pô-xít (composite) barau. Janih kadung nhựa ini meda ralai eng dalam ia tasik meng dom harei ka tal yaok ratuh harei, giải phóng dom phân tử sit oh ngak jhak ka alam môi trường tasik. Urak ini, bruk nerak alam môi trường tasik daok jeng bruk hu sangka rilo hadei di tuk dak harei dak hu rilo mbang động vật tasik metai kayua mbang najuk hareik thải nhựa.

7 # Karja di  Hốc-cai-đô (Hokkaido), Nhật Bản harei  10/9 brei thau  tong abih urang metai kayua mbang megei boh taneh 6,7 độ rích-te rah tabiak harei  6/9 meng bloh  tagok  tal  42 urang, dalam tuk nan urang njauk rambuac lac labaih  660 urang. Tui karja di labik ni, tal harei 9/9, bruk nao mai di  Hốc-cai-đô hu pasiam meneing, dom jalan  cao tốc meng ban ni tal ban deih jeng hu peih tabiak. Min bhap bini jeng dok dang anak bruk lihik  điện tuk jalan pabak điện oh tani tanat. Gah Tài nguyên song  Năng lượng Nhật Bản hu panuac ieu bhpa bini  song dom  doanh nghiệp Nhật Bản patak patom bruk pandar điện, tapa jalan pandam gom  song suak dom thiết bị điện tuo oh pandar.  

8#  Italia barau tabiak cảnh báo ka pren yava hadei tuk hu tal 150 mbang urang viêm phổi hu duah mboh tok dalam sa adit, rilo abih di dom ban sit jaik ban roya Brét-xi-a (Brescia) gah Brak taneh ia ini. Mboh yau hu virus ba tal viêm phổi dalam ia pandar, urang jakar pak ini hu mek mẫu dut iek meng jalan pabak ia piah phân tích. Tui kuhria, bruk dut iek ini hu khan brei thau hadei di dom harei tal./.