1./Ngan saong kadha “Dam dara Việt Nam ba akaok nao dahlau, jum pataom, hadah krah, patagok”, mesup 11/12, nyaom roya pakat negar kapul dam dara Cộng sản Hồ Chí Minh mbang ka XI, nhiệm kỳ 2017 - 2022 hu peih tabiak di ban ine Hà Nội. Hu mbaok 1.000 urang lambaok ka labaih 6,4 triệu urang đoàn naih gheih saong jaik 24 triệu dam dara Việt Nam daok dalam saong lingiu taneh ia. Nyaom roya hu taduan raok saong pang panuac tacei pato di Tổng Bí thư Nguyễn Phú Trọng.

2 # Dalam dom bruk di nyaom roya , langiu bruk ginum biai dok hu dom bruk hu peih ngak yau : bruk sirah Chủ tịch Hồ Chí Minh song pok gilau di Rup patau pahadar dom  Anh hùng liệt sỹ Bắc Sơn; parang iek: “kapul dam dara Cộng sản Hồ Chí Minh – khang hatai yam tal harei hadei”;  Danak dak doh tako “Khát vọng trẻ - Tổ quốc bốn mùa thanh xuân”…

3./Harei 11/12, di  TPHCM, Đảng bộ Khối Các cơ quan Trung ương peih nyaom biai bac megru, duah thau cambaih dom sarak nyaom biai mbang ka 6, Ban Chấp hành Trung ương khoá 12 brei ka labaih 600 urang jakar,, urang đảng dom cơ quan Trung ương daok ngak bruk di  TPHCM saong bhum gah meraong. Nyaom biai Trung ương 6 tabiak 4 sarak : ka bruk salih bahrau, ramik veik bộ máy di hệ thống chính trị ka nyu lagaih, ngak bruk hu siam..dalam tuk salih bahrau. Ông Trần Hồng Hà, Phó Bí thư Đảng uỷ Khối Các cơ quan Trung ương lac:

Kol dahlak caik rilo tukvak piah nyaom biai hu ginum biai ngak brei cambaih laih jang dom bruk, dom jalan bo dom cơ quan Trung ương njauk ngak.

4 # harei 11/12, di  huyện Hóc Môn, Thành ủy, HĐ bhap bini , Ubbhap bini, UBMT negar ban raya Hồ Chí Minh peih bruk truy tặng angan  “amaik Việt Nam Anh hùng” mbang ka  35. 18 amaik hu pok brei angan prong glong ni  .  

          5./ Tỉnh Đắk Lắk daok peih ngak Dự án pabak điện palei pala meng điện negar, piah pabak  điện ka 22.400 baoh sang daok dalam 250 puk palei di 105 xã dalam tỉnh. Abih yaom jien buh tame ngak lac 887 tỷ đồng,dalam nan kadung jien Trung ương jaik 754 tỷ đồng, daok veik lac jien di karja tỉnh.

6 # Piah khik tani tanat yaom kaom darak pasa pandap panda pabak Tết Nguyên đán anek sak sau 2018, tỉnh Ninh Thuận hu peih ngak brei mesraiy 18 tỷ đồng song yaom liba ưu đãi 0% dong ka  4 doanh nghiệp kuhira caga sản xuất, khik mepiah pandap panda pabak ka harei Tết.  Tỉnh hu pataom tame  8 nyaom pandap pandar yaok harei hu mbaok tame tani tanat darak pasa harei Tết yau: brah, nduik, rilo athur rong (pabui , limo); rilo menuk ada, boh da, menu, pandap mbang chế biến; menyek mban, saradang song njam patama, boh karaoh that. 

7./Meng thun 2016 – 2020, tỉnh Đồng Nai meda ngak bloh 20.000 baoh sang daok xã hội brei ka urang duah hu jien takik piah pabak bruk caong hu sang daok di urang ngak dalam tỉnh. Tapa pasang iek meng ini tal thun 2020, dom urang ngak caong hu sang daok xã hội lac 190.000 menuac.  Tal urak ini, tỉnh hu yaih khan 39 dự án sang daok xã hội  praong abih tih 166 ha, hu labaih 25.000 baoh sang, meda pabak hu ka labaih 100.000 menuac. 

Patui di ni dom khau tin dunya:

 8 # Takik di abih 6 urang metai, hadei di tuk sa sang menei ia  công cộng di  Hàm Đan, tỉnh Hà Bắc Trung Quốc njauk khuah patuh.Tui  cảnh sát labik ni, mbang patuh rah tabiak di  beir harei  10/12, ngak 2 urang metai chip., 4 urang karei metai hadei di tuk ba tal sang iek ruak. Urak ni oh thau makna di mbang gaok bala.  Cảnh sát dok chap kreik  10 urang ngak bruk khik ramik pasak sang menei ia ni piah peih bruk duah thau mbang bala ni. 

9 # Cảnh sát Đức brei thau, 2 kadung phao ndao hu duah mboh jaik labik darak pasar Giáng sinh saong di  đền thờ gah pai Béc-lin (Berlin) oh pambuak pagam hagait tali khủng bố. Tui urang brei panuac di  cảnh sát, gah an ninh bhian duah mboh dom kadung phao ndao Béc-lin. Sa urang halei nan , tuk puh ramik, mboh sa kadung phao ndao, bloh klaak veik.

10 # Cô-xta Ri-ca bahrau mek hu  kết quả kỷ lục  dalam bruk pandar năng lượng tái tạo. Tui nan, yaom lac thun ni oh abih, min negar ni hu pandar năng lượng abih meng hangin, ia, ia harei song dom janih  tái tạo karei dalam puac  300 harei. Ngan song sa negar hu 5 triệu  urang, ni lac sa jak jeng biak prong ./.