1# Thủ tướng Rajaei bahrau mbaoh tangin tame harak angan palei biak kan kandah, xã bhum III, bhum II, bhum I dalam bhum urang bangsa takik saong bhum ceik tukvak 2016 - 2020. Tui nan, Thủ tướng rajaei mbaoh tangin tame harak angan 20.176 palei biak kan kandah, 5.266 xã bhum bangsa takik di 51 tỉnh, thành di Trung ương. Dalam tuk ngak, meyah hu salih karei, ramik veik angan palei, angan xã, angan huyện dalam harak angan, Thủ tướng Rajaei ủy quyền ka akaok Mintri, Chủ nhiệm Ủy ban bangsa pasang iek, brei ramik veik tui panuac caong di  tỉnh, ban di Trung ương.  

          2# Ủy ban bhap bini tỉnh Long An bahrau peih Diễn đàn uranaih pakat tỉnh thun 2017 hu angan “Uranaih song bruk pacang caga taong phaoh xâm hại uranaih”. Di diễn đàn, dom uranaih hu mbaok song dom urang hu ginum biai , brei panuac ka 4 bruk prong: Khik caga uranaih dalam môi trường mạng; pacang caga tong phaoh uranaih, pacang caga xâm hại uranaih; thương tích uranaih. Diễn đàn hu dong ka dom adei ndom biai tapak song dom urang dang akaok dom  sở, ngành song dom puk palei dalam tỉnh.

3# Dom thun tapa, bruk peih ngak sarak ka urang hu mbaok ngak bruk kháng chiến saong anek di urang nan njom jru mek di tỉnh Sóc Trăng hu peih ngak ginup, njauk sarak urak ini. Sóc Trăng urak ini hu labaih 2.440 urang hu mbang tui bruk nan yaok bilan; dalam nan hu labaih 1.922 urang hu mbaok tame bruk kháng chiến, 522 uramng lac anek di urang ngak bruk kháng chiến.

          4/ # Urak ni, tui kuhria mboh di dom tỉnh pala am riak kalu dalam negar, taneh pala am riak kalu di negar hu labaih 126.000 ha rilo di bhum Tây Nguyên song Đông Nam bộ. Năng suất song sản lượng am riak kalu Việt Nam bhian dang akaok dunya hu pren meriak gauk. Dalam tuk vak tal, mintri ngak nong song patagok palei palahu brei  mã số bhum pala, pala tui jalan pabak chất lượng di dom negar nhập khẩu piah padang angan je ka am riak kalu Việt Nam.

5# Piah jhul patagok kinh tế - xã hộidi abih bhum, tỉnh Hậu Giang hu ba tabiak harak pathau khan ka đề án padang pasak logistics Hậu Giang. Pasak logistics Hậu Giang hu padang ngak di angaok mbalng taneh praong labaih 87 ha, saong yaom jien buh tame ngak labaih 1.500 tỷ đồng. Pasak logistics hu padang ngak saong ba tame pandar, meda langayh hu bruk caong urang ngak. Tui kuhria tal thun 2025 meda hu tal 1.000 người, tapa nan daong patrun urang oh hu bruk ngak jeng yau patagok urang ngak hu tapa pato pasram ka bhum saong ka tỉnh ini.    

6/ # Hadei di jiak sa bilan peih  dom bruk daong pablei ralo pabui di tỉnh Tiền Giang, min bruk rah tabiak dok suai, oh yau hatai khin. Urak ni, tapon pabui di tỉnh dok labaih 500.000 drei, dalam nan số lượng pabui dok labaih 100 kg yaok drei tagok tal yaok pluh ribau drei. Kayua pablei oh laik, nan ye yaom pabui oh ka siam, urak ni yaom  labaih 25.000 đồng yaok kilôgran, ngak ka urang rong khat  meng 3.000- 6.000 đồng yaok kilôgram tagok.  

7# Daok dalam dom bruk  ngak salam uan Festival tasik 2017, danak dak daoh tamia bangsa saong labik parang iek 7 labik biak mekre hu angan di tỉnh Khánh Hòa hu rah tabiak di mblang bein takai tasik. Hu mbaok tame hu dom nghệ sĩ, urang daoh, kapul tamia hu angan di Nha Trang, tapa dom kadha yau Tamia Nga, tamia Champa, taih capi patau, ragu tamia Menuk glai, ragu tamia tagok puh ... piah yaih khan tal tuai damuai daok dalam saong lingiu taneh ia dom ilamu gheih mekre di bangsa, dom kadha praong di dom labik mekre hu angan di Khánh Hòa.

Patui di ni dom khau tin dunya

8/ #Đồng bảng Anh  trun khang dalam giao dịch dalam harei 9/6, hadei di tuk thăm dò gah langiu phòng phiếu brei thau Đảng bảo thủ di Thủ tướng Anh Thê-rê-xa Mây oh meda mek hu đa số quá bán hadei di mbang tổng tuyển cử. Đồng bảng Anh meda lihik yaom 1,4% dut song đô la Mỹ, trun dok 1,2780 đô la Mỹ salih 2 bảng song lac yaom beir di abih  meng harei 18 bilan 4 meng bloh.

9/ #Chuyên gia khik ramik athur glai Cri-xti-an Gưi-on-gi (Krisztián Gyöngyi), umo 43 thun, urang Hung-ga-ri njauk urang pametai tuk daok tui takai dom drei tê giác jhuk di mblang bein pakat negar A-ca-ge-ra (Akagera) di Ru-an-đa. Chuyên gia Cri-xti-an lac urang ba 20 drei tê giác jhuk meng gah phương Đông mai veiki Ru-an-đa di bilan 5 meng bloh meng Nam Phi. Ông jeng hu daong pato gah  kiểm lâm jalan tui iek saong khik caga athur glai quí hiếm ini.

10 # Mintri Quốc phòng Hàn Quốc brei thau lac hu  likau sa pok jien  43,7 ribau tỷ won (samu 38,7 tỷ USD) ka thun 2018, dalam tuk vak bruk  đe dọa tagok meng Triều Tiên song bruk njauk salih bahrau quân đội Hàn Quốc. Pok jien quốc phòng ni tagok 8,4% dut song thun 2017./.