#/ Salam uan giáng sinh thun ni, , Ủy viên mintri  Chính trị, akaok  Ủy ban Trung ương Mặt trận negar  Việt Nam Nguyễn Thiện Nhân hu payua harak tadhau ayut dom giáo phẩm, chức sắc, tu sỹ, mik va Ki Tô hữu Việt Nam. Dalam harak hu labik vak lac: Dalam thun tapa, bhap bini Công giáo song  Tin Lành patagok bruk ngak meng kan  “ Siam ka dunya, mekre ka agama”, jum pataom gauk, ba gauk rik pren song bhap bini dalam negar kham merat ngak mbang, pala drak, patagok hatai sahaneng, yam tapa kan kandah piah patagok KT, khik kajap an ninh palei negar, trật tự song an toàn xã hội, hu mbaok tame dom  bruk pakacah gauk anit ranam taneh ia .

#/ 350 urang pachreih nông di dom blai pachreih nông dom xã di huyện Krông Năng, tỉnh Đắk Lắk barau hu dom urang ilamu tacei pato jalan duah mboh, langyah dom ruak palai kaik phun ameraih kalu, abih di nyu nan lac ruak metai samar metai suai saong jalan duah thau bruk kavong hala kanjik hala saong dom bruk pambuak tal ruak palai pajoa phun ameraih kalu. 

#/ Ub bhap bini tỉnh Tiền Giang brei thau meda buh tame labaih 3.700 tỷ đồng peih ngak đề án rami ramik veik jalan ngak nong meng ni tal thun 2020 song pamong tal thun 2030. nDom ka bruk daok pamaong ngak di dự án ni, ong Cao Văn Hóa, quyền Giám đốc Sở ngak nong song patagok palei pala tỉnh Tiền Giang lac:

Jalan ngak lac urang nong hu kein laba glaong di abih dalam đề án ni, Khol hulin sahaneng lac brei padang sa jalan ngak, meng peih ngak hu song tagok khang kajap hu.

#/ Dalam thun 2016, tỉnh Gia Lai hu peih ngak samu gauk dom bruk ngak bangsa, sarak bangsa. Kuhria tal urak ini, Gia Lai hu peih brei bloh jaik 140 tỷ đồng meng kadung jien danak dak 135. Thun 2016, tỉnh peih ngak hu 3 dự án định cư praong ka 190 baoh sang ngan saong yaom jien labaih 15 tỷ đồng, 90 dự án định cư pablak ka labaih 2.180 baoh sang ngan saong yaom jien jaik 44 tỷ đồng. Langiu di nan, tỉnh daok peih brei labaih 600 ấn phẩm báo, tạp chí ka bhum bangsa takik. 

#/ UB bhap bini tỉnh Ninh Thuận bahrau tabiak bruk dong brah di học kỳ sa thun bac 2016-2017 dong ka anek saih biak kan kandah. Ni lac mbang anek saih dalam sarak ni hu dong 3 bilan brah puac học kỳ sa. Tui nan, tỉnh ni dong brah ka labaih 2.970 anek saih di dom xã, palei biak kan kandah, abih tih labaih 158.800kg. Bruk taduan mek song dong brei hu peih ngak dahlau di harei 15/12.

#/ UB bhap bini huyện Hóc Môn barau brei thau lac hu ngak salah bloh bruk ba ia hacih ka taong abih baoh sang bhap bini dalam huyện. Ini lac huyện langiu ban raya HCM daok ô nhiễm halau ia khang tuk hu tal jaik 98% ia bingun khoan oh pandar hu. Piah hu ba ia hacih ka taong abih 86.432 baoh sang bhap bini, huyện Hóc Môn huieu pataom ralo pren khang saong pandar ralo jalan ngak, dalam nan hu pren khang praong meng bruk XH hóa.

#/ Pahadar 70 thun harei Taneh ia dang tagok kháng chiến( 19/12/1942 -19/12/2016), Muinyim sajarah dak rai quân sự VN peih bruk parang iek ““Bản hùng ca mùa Đông thun 1946”. Parang iek yaih khan jiak 300 thaot binguk, harak gar, pandap pand, brei mboh ka bruk taneh ia dang tagok kháng chiến thun 1946 di bol bala, bhap bini dre, abih di nyu nan lac bol bala saong bhap bini ban ine HN, labik peih mbaok bruk kháng chiến. Parang iek dui atah dalam sa bialn di muinyim dak rai Quân sự VN. ,

Patui di ini dom khau tin dunya:

#/ Dalam dom bruk pambuak gauk abih gah di VN saong liên hiệp châu âu, dua gah barau peih bruk ndom biai  yaok thun ka quyền anek menuac, di ban ine Brúc-xen - negar Bỉ. Liên hiệp châu Âu hu pok meyaom dom kham merat saong jak jeng di VN, abih di nyu nan lac bruk dak padang karja pháp quyền saong ngak salah dom hukum ka quyền anek menuac.

#/ Harei 13/12, patao sit mbang Kê-lan-tan Mu-ha-mát V, umo 47 thun, hu tagok rai jeng Patao ka 15 di Ma-lai-xi-a, dalam tuk vak 5 thun. Patao sit Mu-ha-mát V hu Hội đồng Tiểu vương palih ruah ngak Patao di Nyom biai dom patao sit mbang  ka 243 di bilan  10 meng bloh.

#/ Tổng thống barau hu pilih ruah di Mỹ, ong  Đô-nan Trăm brei thau bruk palih ruah Chủ tịch, Giám đốc điều hành Tập đoàn Dầu khí đa quốc gia di Mỹ, Ê-xơn Mô-bin, ong Rếch Tin-lơ-xơn, ngak Ngoại trưởng Mỹ. Lac sa urang hu talei rohim siam saong Nga nan ye bruk palih ruah ong Rếch Tin-lơ-xơn hu taong yaom lac jalan piah jhul pakhang talei pambuak bruk Nga – Mỹ daok trun biar abih meng hadei di saman yau Yuan lac Chiến tranh lạnh./.