1./ Thủ tướng Nguyễn Xuân Phúc dang akaok nyom biai Thường trực Rajaei ka bruk pasang iek, peih praong mblang kapal haoh Tân Sơn Nhất. Hu mbaok tame nyaom biai, daok hu dom Phó Thủ tướng, akaok mintri Quốc phòng, akaok mintri Giao thông vận tải, akaok mintri Xây dựng, akaok mintri Tài nguyên môi trường saong akaok mintr, Chủ nhiệm Văn phòng chính phủ. Urang dang akaok Rajaei taduan mek panuac brei thau, jao ka Mintri Giao thông vận tải dang tabiak, pah tư vấn negar lingiu ngak bruk tui jalan độc lập piah roh duah, taong yaom, pasang iek tui jalan peih praong mblang kapal haoh Tân Sơn Nhất tui jalan ngak lac cih patih di abih ka gah kein laba đầu tư, kein laba bruk pandar taneh.

2/ # Bruk dom kapan kanduh pasei di urang tong ikan tỉnh Bình Định yaom yaok pluh  tỷ đồng dok pataok di angaok thu, Mintri ngak nong song patagok palei pala ndom lac hu trách nhiệm di gah đăng kiểm kapan ikan.  Công ty  Hoàng Gia Phát tỉnh Bình Định bahrau hu panuac sinya lac brei salih tong abih jam riak kapan bahrau di hãng Mitsubishi ka 10 kapan kanduh pasei di urang tong ikan tỉnh Bình Định. Doanh nghiệp ni hu mbaoh tangin tame pambuak bruk song Công ty Nam Triệu ( di mintri Công an) pabak jamriak brei kapan ikan. Hu thau, dom jam riak ni  dahlau di tuk  lắp tame kapan jeng hu gah đăng kiểm kapan ikan xác nhận.

         3./Meng akaok thun tal ini, tapa bruk duah thau asal di pandap panda kaya nong, kaya glai, kaya ikan ba tame pablei dalam ban, gah chức năng Đà Nẵng duah mboh, langyah catang rilo bruk, daong ka bhap bini sahanang hatai jang dalam bruk blei pandar pandap siam. Urak ini Chi cục khik iek chất lượng kaya nong kaya glai kaya ikan  Đà Nẵng hu brei harak chứng nhận lac njam patam, baoh kraoh siam ka  4 labik: Siêu thị Co.opMart, cửa hàng Khoa Hưng Thịnh, Liên hiệp hợp tác xã Liên Thành saong Chi nhánh Công ty TNHH MM Mega Market Việt Nam di Đà Nẵng. 

          4/ # Hội Liên Hiệp urang kamei ban sit Dương Minh Châu, huyện Dương Minh Châu, tỉnh Tây Ninh peih bruk jao pok jien bac ka dom anek saih sang kan kandah, min bac da-a naih joi. Dalam mbang ni , dom đơn vị hu jao 15 pok jien bac, yaok pok yaom sa triệu đồngka anek saih kan kham bac di puk pale. Kuhira meng akaok thun 2017 tal ni, Hội Liên hiệp urang kamei ban sit Dương Minh Châu hu jao brei  25 pok jien bac ka anek di  urang hội kan kathaot song anek di urang kamei kan kandah, ngan saong yaom jien abih tih lac 19 triệu đồng.

          5./ Tui pasak pachreih nông- pachreih ngak ikan tỉnh Bình Phước tamat bilan amriak kalu thun 2017, rilo urang ngak nong pala amriak kalu njauk khat trak kayua yaom trun biak khang. Min jeng daok hu yaok rituh urang ngak nong mek jien tame hu rilo kayua daok dalam danak dak pambuak bruk pala amriak kalu hu pambuak bruk blei abih piah pablei tabiak negar lingiu. 

          6/ #  Harei 13/6, Sở Y tế tỉnh Đồng Nai padang 270 kapul klauk jru lưu động dalam danak dak klauk jru peih prong di dom bilai y tế xã, phường, ban sit dalam tỉnh. Bruk padang kapul klauk jru peih prong hu peih ngak tui sarak di mintri Y tế piah ba dom urang jakar tal dom puk palei, piah klauk jru ka uranaih dalam umo klauk jru min oh ka hu klauk jru pacang caga.

          7./Tui dom bein pala chôm chôm di Bến Tre, kayua njom ia mbak meng thun 2016, urak ini bruk phun chôm chôm njauk thu hala tuk daok tabiak bingu ngak ka urang pala huac takik hu baoh. Ông Nguyễn Văn Dũng, Phó akaok Chi cục pala drak saong khik caga phun pala Bến Tre brei thau, Chi cục daok pambuak bruk haong dom puk palei piah duah thau makna ba tal thu hala di phun pala urak ini.  

Patui di ni dom khau tin dunya

8/ #  Tổng thống Thổ Nhĩ Kỳ Rê-xép Tay-íp Ét-đô-gan hu panuac ieu Ca-ta song dom negar dok jiak tapen langyah bruk khủng hoảng ngoại giao dahlau di tuk abih bilan Ra-ma-đan. Tổng thống Éc-đô-gan kndom lac, bruk khủng hoảng ni brei hu langyah dalam siam mekre.

9./ Dom mbang ginum ka bruk negar Anh tabiak truh Liên minh châu Âu (Brexit) oh hu peih tabiak di harei 19/6 tal, kayua tukvak nan nyu laik tame harei rajaei bharau di Anh  ba tabiak danak dak sarak ka Quốc hội bahrau. Dahlau di nan, Anh saong EU njauk gauk brei peih dom mbang ginum biai ka Brexit di harei 19/6, nan lac 11 harei hadei bruk  tổng tuyển cử avar di Anh.

         10  # Sa sruh kapan haoh mesruh MIG 21 Lancer di Ru-ma-ni laik trun sa mblang hamu gah merong negar ni dalam sa mbang pasram di mesup harei 12/6. Hadei di tuk kapan haoh par tabiak truh mblang kapan haoh Mi-hai-in Cô-ga-ni-cha-nu hu labaih sa tuk , urang peih kapal haoh ini mboh jamriak kapal haoh daok jhak nao nan ye brei kapan haoh tabiak truh labik dok di menuac urang song laik trun sa mblang hamu jiak di nan./.