1# Mesup harei 14/5, dom urang QH kayua Bí thư Thành ủy TP.HCM Nguyễn Thiện Nhân dang akaok hu taom gaok cử tri huyện Bình Chánh. Pak ini, mikva hu panuac caong daong 80% yaom taneh ngak nong piah kuhria yaom bayar, oh njauk lac 80% yaom taneh tui yaom taneh di TP.

2 # Thương vụ Việt Nam di  Ấn Độ brei thau, pandap di  Việt Nam pablei tapa  Ấn Độ dalam 3 bilan akaok thun 2018 lac labaih 1tỉ 568 triệu USD tagok  111% dut song tukvak ni thun dahlau . Dom janih pandap di Việt Nam pablei tapa  Ấn Độ hu yaom jien tagok khang lac  jamriak, pandap phụ tùng, radeih pajeng song phụ tùng; pandap ngak meng pasei; dhang; pandap ngak menghavei ia, kreim, cói song thảm...

3# Yaom pabui di Quảng Ngãi daok tagok gam, gah raong glang hu panuac kakei, urang raong jhui patagok tapon raong rilo, kayua yau nan mbuan ba tal laik yaom. Urak ini pabui hu yaom meng 42.000-44.000 đồng/kg, glaong di abih kuhria dalam dom thun mai ini. Bruk patagok tapon ralo jeng mbuan ba tal jit ruak. Kayua yau nan ye, piah tani tanat tapon pabui, njauk raong tui jalan pambuak gauk pablei. Bruk patagok tapon ralo mbuan ngak brei laik yaom, pablei oh hu.

4 # “Hu dom bài daok trak gah pabak kiến thức, dung lượng oh ka lagaih, gru pato huac salih bahrau…lac dom tavak tavaiy njauk pasiam veik” .... GS. Nguyễn Minh Thuyết, Tổng chủ biên danak dak pato pakai phổ thông bahrau hu panuac tong yaom yau nan, hadei di tuk ngak iek danak dak ni  .

5# Bảo hiểm y tế, bảo hiểm xã hội meda hu dom salih bahrau gah jien đóng bảo hiểm meng harei 1/7/2018. Tui nan, meng harei 01/7/2018, meyah jien bilan di dom urang nan glaong jang 27.800.000 đồng (20 mbang jien bilan cơ sở bahrau) ye jien bilan đóng BHXH kuhriua lac 27.800.000 đồng. Saong jien bilan kuhria  đóng BHXH bắt buộc ngan saong urang ngak bruk oh chuyên trách di xã, phường, ban sit lac 1.390.000 đồng/sa bilan (samu jien bilan cơ sở bahrau). 

Patui di ni dom khau tin dunya

6 # Nyaom biai pakat glong Đầu tư song salaih bahrau  Mỹ -Trung Quốc mbang ka 3 hu peih tabiak harei  14/5 di Hau-xtơn (Houston, Mỹ) hu mbaok labaih 500 urang jakar pakat glong  song rilo  doanh nhân mai meng 2 taneh ia. Nyaom biai mbang ni pabak ka dom  công ty di  Mỹ jalan siam lagaih piah pambuak song dom nhà đầu tư, dom đối tác chiến lược, dom  công ty pabak  dịch vụ siam di Trung Quốc.

7 # Cảnh sát In-đô-nê-si-a (Indonesia) brei thau, mesup 14/5 rah tabiak sa bruk patuh di ban Su-ra-ba-ya (Surabaya), tỉnh Đông Gia-va (Java) di taneh ia ini, ngak brei dom cảnh sát njauk rambus. Tapa duah thau mboh lac, bruk nan mai meng dom urang dalam sa baoh sang pambuak pagam haong kol  (IS)saong lac dom urang daok dalam 500 urang In-đô-nê-si-a mai veik meng mblang mesruh Xy-ri.

8 # Akaok Ủy ban ka bruk  trật tự song siam mekre labik  công cộng Hạ viện Philippines, ong Romeo Acop, hu njauk hatai dự luật hukun oh brei doh karaoke dalam khu dân cư hadei di  10tuk melam  . Dự luật Hukun ni samar hu ba tabiak hạ viện, hadei di nan lac  thượng viện.