1./Mesup 14/6, akaok mintri ilamu, Thể thao saong Du lịch Nguyễn Ngọc Thiện patui bruk javap chalei tangi sua di dom urang Quốc hội ka bruk khik ramik ilamu dom bangsa takik. Ong Nguyễn Ngọc Thiện ndom lac, mintri tuk halei jeng sangka tal bruk ini. Tukvak tapa, mintri hu duah pataom, khik ramik dom nghệ thuật meng kan, khik ramik khan ao ngui cuk meg kan, khik ramik sap ndom, akhar vak, khik ramik ilamu puk palei, peih dom bruk taom gaok ilamu dom bangsa takik... 

2/ # Tui iek Akaok mintri ilamu, Thể thao song  Du lịch Nguyễn Ngọc Thiện javap jalei  tang sua di urang Quốc hội meng beir harei kabroi tal mesup  14/6, ong Tạ Văn Sỹ, Hội viên Hội nhà văn Việt Nam, urak ni dok di ban sit Kon Tum, tỉnh Kon Tum brei thau  

 “Njauk anit ka akaok mintri Nguyễn Ngọc Thiện lac kayua ong pan sa mintri bo urak ni nyu prong lo. Gam ilamu  gam thể thao, gam du lịch. Bo ilamu  nan lac bruk biak praong abih xã hội ni. Dom panuac javap jalei  di akaok mintri Nguyễn Ngọc Thiện jeng lac bruk kham merat di ong nan.

3./Urak ini, Việt Nam hu labaih 70 triệu urang blei bảo hiểm y tế, meblah labaih 80%. Yaok thun, kadung jien bảo hiểm y tế hu ginup jien bayar ka bhap bini meng 50 – 60 ribau tỷ đồng pih iek ruak. Min biak di nyu, tapa pasang iek di dom gah chức năng mboh  hu rilo bruk duah kein laba meng bảo hiểm y tế tapa dom jalan ngak karei di gauk yau: chênh lệch yaom jru di dom sang iek ruak, ngak harak ja nao iek ruak biak rilo mbang.

4/ # Thun ni, mbang camereip abih negar drei dang tabiak peih Harei dunya urang brei darah 14/6. Sa dalam dom kadha praong di bruk ini, lac pok meyaom 100 urang brei darah dalam negar rah tabiak melam 14/6. Dalam dom urang hu pok meyaom mbang ni, saai Trần Nguyên Dũng, umo 49 thun daok di ban raya Hồ Chí Minh hu mbang brei darah rilo abih, labaih 60 mbang.

5./Meng akaok thun tal ini, huyện Châu Thành, tỉnh Tiền Giang hu 30 labik glut jaleih sit praong, dalam nan hu  4 labik glut jaleih praong, yaok labik praong yau nan glut jaleih atah meng 35 mét tal 60 mét. Ong Lê Văn Sơn, Phó akaok jabat ngak nong saong patagok palei pala huyện Châu Thành brei thau: nakna ba tal glut jaleih meda kayau ia nduac khang saong dom makna karei karei. Huyện Châu Thành  kuhria buh tabiak 8 tỉ đồng piah ngak pasiam labik glut jaleih, khik caga selamat ka menuac urang saong siam mekre drap ar ka bhap bini.

6/ # Meng bilan 6 tal ni, urang ruak njom mbak, abih di nyu nan lac pandiak tabiak darah, aik chraoh song ruak tangin takai cambuai di  tỉnh Đăk Lăk tagok glong. Tui kuhria yaok adit,  Đắk Lắk hu labaih 20 urang ruak pandiak tabiak darah, tapa nan, urang ruak meng akaok thun 2017 mbiah tal ni tagok jiak   600 urang.  Gah y tế Đắk Lắk hu panuac kakei lac, bhap bini song karja palei njauk pambuak bruk song dom đơn vị y tế pathau khan pacang caga ruak tangin takai cambuai ka uranaih dalam bilan hè meng dom bruk yau: puh ramik sang danaok, pandap main di uranaih, mbang tasak, menyum tasak, brei uranaih rao tangin meng sabon .

7./Di xã Tân Hòa, huyện Tân Thành, tỉnh Bà Rịa-Vũng Tàu, Công ty Trách nhiệm hữu hạn thép Posco Việt Nam, Tổ chức Habitat for Humanity Việt Nam pambuak haong huyện Tân Thành bahrau jao labaih 100 baoh sang ka dom urang kan kathaot, oh ka hu labik daok siam mekre. Ini lac bruk di danak dak “Palei Việt Nam thép Posco”. Danak dak ini hu padang ngak meng bilan 11/2014.  Yaok baoh sang praong 53,6m2, yaom meng 95-150 triệu đồng. Abih tih yaom jien peih ngak danak dak lac jaik 11 tỉ đồng. yaom jien ini hu taong abih urang ngak dalam Tập đoàn Posco rik tame meng 1% jien bilan di drei gam saong bruk rik pren di 1.500 urang halan hatian mai meng Hàn Quốc.

Patui di ni dom khau tin dunya:

8/ #  Urang jakar di Ấn Độ brei thau, takik di abih 12 urang metai song rilo urang karei lihik kayua ia sua rah tabiak di dom bang Mi-zô-ram (Mizoram) saong Át-sam (Assam),  gah Đông Bắc negar ni. Ia sua ba seik labaih 350 boh sang di bang Mi-zô-ram, tapen jalan negar song Băng-la-đét (Bangladesh) song Mi-an-ma (Myanmar). 

9./Kuhria tal urak ini, hu takik di abih 125 urang metai saong yaok rituh boh sang khut tayah dalam sa mbang jaleih taneh di harei 13/6, di labik Đông Nam Băng-la-đét (Bangladesh). Dom urang metai meda hu rilo jang kayua daok hu rilo meuac daok lam dalam haluk, patau.

 10 #  Harei 13/6, takik di abih 1 uranaih metai song yaok ribau urang karei  tame sang iek ruak kayua njauk jru mek pandap mbang di dom  trại tị nạn ka urang nduac di mesruh metak di banMô-xun (Mosul), I-rắc. Dom urang  di  trại tị nạn Ha-san-sam (Hasansham U2) njauk taglaok taaok song lihik ia hadei di tuk mbang pandap talaik iek./