#  Di jabat rajaei di Hà Nội, Phó Thủ tướng Vũ Đức Đam hu dang akaok mbang ngak bruk song mban tacei jalan salih bahrau danak dak, tapuk  giáo khoa pato  phổ thông di mintri  pato megru. Phó Thủ tướng Vũ Đức Đam tong yaom glong bruk kham merat di mintri pato megru dalam bruk peih ngak salih bahrau danak dak, tapuk giáo khoa tuk vak tapa, mek puac rik dong di dom  chuyên gia, urang ilamu, gru pato saong bhap bini tui jalan iek praong, abih hatai sangka. Kayua yau nan ye ,, Phó Thủ tướng kakei brei khik kajap chất lượng, ngak samar min brei tantu.

# Harei (31/5), di Hà Nội hu peih parang iek pakat dunya gah ia tasau saong pandap ia tasau di Việt Nam - VIETNAM DAIRY 2017 kayua Hiệp hội ia tasau Việt Nam peih tabiak, pachreih hu labaih 100 doanh nghiệp ia tasau dalam saong langiu taneh ia. Ini lac mbang akaok mereip parang iek pakat dunya gah ia tasau saong pandap ia tasau hu peih ngak di Việt Nam. Meng labik praong 4000m2, parang iek pakat dunya gah ia tasau saong pandap ia tasau hu 200 gian pandap di dom angan dang akaok dalam taneh ia saong dunya ye Vinamilk, Mộc Châu,  Ba Vì, Hà Nội Milk, Mead Johnson, Abbot.

          # Tỉnh Quảng Trị pachreih ba urang tong chap ikan sahnang hatai tabiak tasik tong chap dalam bhum tasik Việt Nam. Ngan song dom kapan ikan hu adat tong chap dalam bhum Vịnh Bắc Bộ  thun 2016- 2017 oh tapa tong chap kaya ikan di bhum tasik gah pai jalan phân định Vịnh Bắc Bộ lingiu di bruk vah ikan. Dom gah chức năng njauk tacei pato urang tong chap thau ka  chủ quyền di bhum tasik Việt Nam piah mik va sahanang hatai tong chap kaya ikan.

# Dom harei tapa, yaok ratuh sang bhapbini raong hadang hùm di ban sit Sông Cầu, tỉnh Phú Yên khat lihik yaok pluh tỷ đồng kayua hadang metai rilo. Tapa dut iek mẫu ia di libik raong hadang metai di pasak pajaih saong kỹ thuật thủy sản Phú Yên, mboh tảo hu biak rilo dalam ia,  mật độ tế bào tảo biak glaong, tế bào tảo biak praong. Kayua yau nan ye, dalam tuk lingik pandiak gaok hajan ribuk khang ngak ka libik raong hu bruk biến động khang, lượng oxy ala đáy trun bair ngak ka hadang metai rilo.

          #  Tui mban tacei jalan pacang caga bala meng langik tasik song dong duah urang njauk bala tỉnh Đắk Lắk, thun ni langik tasik oh siam lagaih, hajan avar, hajan khang dui atah rah tabiak di rilo labik ngak ka rilo puk palei dalam tỉnh khat lihik khang ka phun pala, athur rong, cơ sở hạ tầng…Urak ni tỉnh Đắk Lắk hu tacei  dom puk palei tacei pato dong ba mik va dom bang takik di dom labik njauk ia sua, abih di nyu nan lac dom bhum taneh padai Đông Xuân jiak yuak piah tathuak ia dauk piah yuak mek veik meneing mblang padai, njam patam, patrun khat lihik ka mik va..  

# Huyện Ninh Hải, tỉnh Ninh Thuận  hu 652 ha sara di urang ngak sara. Kayua lingik oh siam nan ye dalam quý I thun 2017, sản lượng sara tok mek hu labaih 21.000 tấn, sumu 41% bruk ba tabiak saong trun 35.500 tấn duk saong dom bilan ini thun dahlau. Yaom lac gaok kan kandah dalam bruk ngak sara, min urak ini yaom sara dalam tinh daok tagok duk saong akaok vụ, meng 600.000 đồng - 800.000 đồng/sa tấn, ini lac bruk pachreih ba mikva patui bruk ngak sara. Anak dom kan kandah di bruk ngak sara, urang ngak sara Ninh Thuan caong khin karja hu dom sarak, phun jien piah daong ka urang ngak sara tuk sara ngak oh hu kayua bala meng lingik tasik.

          # Harei 31/5, Ủy ban bhap bini tỉnh Bình Thuận hu harak tacei pato patagok khik ramik bruk taong chap kaya ikan, khik ramik kapal ikan, khik caga siam mekre salamat ka menuac saong kapal angaok tasik. Tui nan, Ủy ban bhap bini tỉnh Bình Thuận jao ka Sở ngak nong saong patagok palei pala dang tabiak pambuak bruk saong dom sở, ngành saong puk palei samar padang jalan ngak saong peih bruk patagok khik ramik, pasang iek catang bruk ngak kapal bahrau tui quy hoạch; oh brei adat ngak bahrau tui hatai. 

Patui di ni dom khaw tin dunya

# Dalam bruk kham merat trun takik nerak không khí, mintri Năng lượng Hàn Quốc brei thau anak meta brei kreik bambang dalam sa bilan ngan saong 8 sang máy điện livik rai abih nduac meng dang. Tui panuac khan di mintri Năng lượng Hàn Quốc, 8 dalam 10 sang mac máy điện bo Tổng thống ba angan tabiak meda kareik bambang dalam bilan 6, dalam tuk 2 sang mac daok veik meda daok ngak bruk piah pabak tani tanat nguồn điện.

          # Rajaei Thái Lan daok ba tabiak bruk lac, tal bilan 9 thun ini meda ba tabiak pablei abih 4,32 triệu tấn brah daok khik piah dalam kho di negar. Dalam nan hu 2,5 triệu tấn brah oh siam, tok lagaih piah chế biến dalam công nghiệp. Tui kuhria mboh dahlau, bruk pablei dom brah nan oh ngak kan hagait tal yaom brah bilan yuak bahrau.

          # Akaok mintri Quốc phòng Nhật Bản Tô-mô-mi I-na-đa (Tomomi Inada) barau pandar bol bala Mỹ daok di pulao Ô-ki-na-oa (Okinawa) yah klak bruk pasram nhảy dù kuhria hu peih ngak di dua harei 31/5 saong 1/6.