#/ Thun ni, bruk palih ruah urang nao ngak lin di tỉnh Laò Cai hu rilo salih bahrau, tui jalan paglaong chất lượng, pren yava song ilamu di dom urang lin bahrau. Tuk vak tapa, hu jiak 3.400 urang hu lệnh ieu nao dut iek pren yava (dalam nan hu urang vak đơn likau nao ngak lin labaih 17%) . Tapa nan, hu jiak 1.700 urang ginup  pren yava song ilamu piah nao ngak lin, 47% urang hu bac tamat meng THPT tagok, 83% urang bangsa takik .

#/ Harei 16/2, 2.800 dam dara di Đồng Nai tagok jalan nao ngak lin. Eng xã Xuân Thiện, huyện Thống Nhất hu 5 dam dara bangsa Chơ Ro. Dom dam dara urang bangsa takik taduan hu bruk sangka, pachreih ba di karja palei, kapul nyaom, dom urang hu angan je dalam bhap bini.

#/ Mbang jao quân ni, ban raya HCM hu 3.900 likei dam nhập ngũ mai taduan bruk ngak di dom đơn vị di mintri Quốc phòng, Quân Khu 7 song gah  Công an.  Dom urang nan rilo meng lac halan hatain tut angan tame nhập ngũ, dalam nan hu 5 urang kamei, labaih 43% urang bac tamat ĐH, cao đẳng, trung cấp;  labaih 4% lac urang đảng.

#/ Kapul Liên hiệp dam dara VN huyện Ea Kar, tỉnh Đắc Lắc barau pambuak bruk saong sang iek ruak Đa khoa huyện peih ngak danak dak “Hành trình nhân ái kayua pren yava bhap bini” di xã Cư Bông, huyện Ea Kar. Tui nan, kapul hu iek ruak, brei jru saoh ka labaih 150 urang taha, baoh sang kan kathaot, baoh sang sarak karja, tacei pato dom baoh sang jalan iek glang pren yava pak di sang, kham merat khik caga  labik daok, labik ngak mbang ngak huak piah pacang cakak jit ruak.

#/ Xã Tuy Lộc, ban sit Yên Bái, meng lavik mai hu thau tal lac vựa njam pablei ka ban sit Yên Bái song dom bhum palei dok jiak nan. Dom harei ni, urang nong di labik ni dok kaoh, paik vụ dahlau, pala song iek glang vụ bahrau piah samar pabak ka darak pasa. Xã Tuy Lộc urak ni hu labaih 150 ha taneh pala dom janih njam pabak ka darak pasa ban sit Yên Bái song dom bhum palei dok jiak tapen yau Trấn Yên, Yên Bình, Văn Yên... ngan song dom janih njam, boh karaoh lac bắp cải, bầu, bí, súp lơ, draong ndaiy song dom janih njam pahe .

#/ Mesup harei 16/2, kapal ikan số hiệu QNg-95078TS di amuk Trần Thị Kim Phụng daok di palei Phú Qúy, xã Bình Châu, huyện Bình Sơn, tỉnh Quảng Ngãi daok pataok di labik pabah lamnge Sa Kỳ ye khuah biak khang. Taduan hu panuac khan, Bộ đội biên phòng tỉnh Quảng Ngãi saong Cảnh sát pacang khuah padam khuah tỉnh Quảng Ngãi hu mbaok padam pui khuah saong duah jalan ngak brei kapal khuah ini kram ia piah oh khuah tapa dom kapal jaik taphia. Bruk khuah nan nyu mbang abih kapal QNg-95078TS, ngak khat lahik labaih 3 tỷ đồng.

#/ Peih ngak danak dak padang ngak palei pala bahrau, dalam thun 2016, tỉnh Trà Vinh ieu pataom hu labaih 1.216 tỉ đồng. Dalam nan, buh tame ngak patagok dom cơ sở hạ tầng pabak ka bruk  ngak mbang, pala drak song rai duik , phun jien dong ka bruk ngak mbang pala drak patagok jien mek tame, patruh iek trun kathaot meng dom kadung jien dong tapak ka danak dak

Patui di ini dom khau tin dunya:

#/ Tổng thống Palextin Ma-mút Áp-bát barau ndom lac ong daok patui bruk duah sa jalan dua karja piah pamaong tal langyah bruk mesruh gauk di Ixraen saong Palextin.

# Ngoại trưởng Ấn Độ Sushma Swaraj song Ngoại trưởng Mỹ Rex Tillersonkhang hatai pambuak bruk khang kajap piah peih prong song patagok jang gac talei pambuak bruk rilo gah di 2 taneh ia. 2 ngoại trưởng njauk hatai gauk brei patagok talei pambuak bruk di rilo gah, dalam nan hu quốc phòng,  an ninh, năng lượng song  kinh tế. 

#/ Mintri QP Algeria brei thau, bol bala taneh ia ini pametai hu 5 urang khủng bố nguy hiểm dalam sa chiến dịch truy quét di bhum El-Adjiba, tỉnh Bouira atah di ban ine Alger 119km mai gah selatan. Dalam chiến dịch ini, bol bala Algeria mek hu 5 mbiak phao saong ralo asal phao saong dom pandap karei./.