#/ Oh lac bruk bahrau, min meda lac bruk tảo hôn, tok gauk dalam rilaow darah ngan saong dom kadha oh siam daok gam tui rai duik bhap bini dok di bhum atah bayah di tỉnh Cao Bằng. Amuk Cam Thị Nhung, Phó trưởng mban bangsa tỉnh Cao Bằng ndom lac, makna di bruk tảo hôn mai meng jalan sahaeng, bhain randap di bhap bini bangsa takik .

#/ Công ty Thủy điện Sông Tranh saong  Uỷ ban bhap bini huyện Bắc Trà My, tỉnh Quảng Nam barau palao 50 ribau drei ikan pajaih trun lòng hồ thủy điện Sông Tranh 2. Dom janih ikan pajaih hu palao lac ikan trắm, cá mè… lagaih saong  labik ia lòng hồ. Bruk palao ikan pajaih nan lac piah pabak veik kaya ikan di labik lòng hồ thủy điện Sông Tranh 2.

#/ Di Khu công nghiệp Nhơn Hòa, ban sit An Nhơn, tỉnh Bình Định, Công ty Trách nhiệm hữu hạn CJ Vina Agri (thành viên  di Tập đoàn CJ Hàn Quốc di Việt Nam) peih bruk padang ngak sang mac ngak pandap mbang rong glang  CJ Vina Agri - Bình Định Plant. Ni lac sang mac ngak pandap mbang rong glang ka 6 di CJ daok di Việt Nam.

#/ Mbang akaok meti, dom puk palei tapen tasik bhum kreih negar, yau Khánh Hòa, Đà Nẵng, Huế, Hội An hu palih ruah peih nyaom meyai APEC. Ini lac jalan peih tabiak siam piah yaih khan saong duah jalan patagok kinh tế jeng yau DL.

#/ Yaom lac urang ruak hu trun takik, min dalam thun ni, ruak kayua vi rút Zika dok rah tabiak, meda tamuh prong meyah oh hu bruk tui iek song pacang cakak jip meng di akaok thun. Phó Giáo sư, Tiến sỹ Phan Trọng Lân, Viện trưởng Viện Pasteur ban raya Hồ Chí Minh hu panuac khan yau nan  di mbang nyaom peih bruk pacang caga jit gah merong negar thun ni, rah tabiak di ban raya HCM harei 16/2

# Rilo bilan ini mai, urang pala li-u di tỉnh Trà Vinh biak chreih chrai kayua yaom li-u tasak tani tanat, meng 85.000 tal 90.000 đồng sa pluh (12 baoh); tagok jaik dua mbang duk saong 6 bilan dahlau. Tui dom urang ngak bein, yaom li-u tasak tagok kayua sản lượng li-u dalam tỉnh trun khang hadei di mbang pandiak bhang, mbak thun 2016.

#/ UB bhap bini tỉnh AG bahrau brei angan xã tapen negar Khánh An, huyện An Phú, tỉnh An Giang mek hu tanut xã palei pala bahrau. Hadei di 5 thun padang ngak, xã An Khánh peih ngak salah bloh 19/19 tanut, song 50/50 kadha. Tỉnh AG hu alin pok jien 1 tỷ đồng ka Đảng bộ  song bhap bini xã Khánh An kayua kham merat piah ngak salah bloh bruk padang ngak xã palei pala bahrau di bhum taneh tapen negar

Patui di ini dom khau tin dunya:

#/ Quỹ Nhi đồng Liên Hợp quốc (UNICEF) hu peih bruk ieu daong 110 triệu USD piah daong 2 triệu uranaih Sudan njauk lavang lavaih, dalam nan hu yaok rituh ribau uranaih daok diuk rai di dom labik mesruh gauk. 

#/ Cảnh sát Iraq brei thau sa mbang tong bom radeih rah tabiak di gah tÂy Nam ban ine Baghdad, ngak brei 45 urang metai song labaih 60 urang karei njauk rambuac. Mbang tong bom rah tabiak tuk sa sruh radeih pajeng bak thuốc nổ hu kích hoạt di sa labik pablei radeih ô tô hu, rilo menuac di bhum Baiyaa (Bai-ya) jiak taphia. Mbang patuh palai pajoa rilo radeih di bhap bini, ngak khut khat rilo cửa hàng song sang glong.

#/ Harei 16/2, 3 taneh ia Mỹ, Hàn Quốc saong Nhật Bản hu ba tabiak sa tuyên bố chung dalam nan lên án bruk cuh tên lửa đạn đạo di TT, taphia di nan ndom lac Bình Nhưỡng njauk taduan dom jalan đáp trả khang meng bhap bini dunya kayua ngak suan dom sarak di LHQ./.