#/ Tổng cục Du lịch bahrau hu Harak payua Sở Du lịch, Sở ilamu Thể thao song Du lịch, Hiệp hội Du lịch Việt Nam, dom doanh nghiệp lữ hành quốc tế, dom khách sạn 3-5 patuk brei thau ka bruk jit ruak cúm menuk ada (H7N9).  Harak nan  ndom lac, tui panuac khan di  Cục Y tế dự phòng mintri Y tế, jit cúm A(H7N9) dok tagok khang, pambak samar ngak jeng jit mbang ka 5 ngan song 460 urang ruak di 14 tỉnh ban di TQ

#/ Tui ong Huỳnh Thanh Tạo - Phaok Bí thư thường trực Tỉnh Hậu Giang, tỉnh hu pataom tame dom kadha praong dalam bruk pacang cakak pandiak bhang saong njom mbak. Tỉnh tacei pato dom puk palei pasang iek dom ar pacang, kraong ribaong nội đồng, cống bọng, dom blai bơm điện, bơm menyek saong hu jalan pasiam veik piah khik ia taba angaok hamu; pacang ia mbak saong khik caga siam padai hè thu 2017.

#/ Harei 16/3, di Khu công nghiệp Sóng Thần 3, ban sit Thủ Dầu Một, tỉnh Bình Dương, Công ty Trách nhiệm hữu hạn Bel Việt peih pakak sang máy ngak phô mai hu công suất 10.000 tấn sa thun. Sang mac hu  công nghệ ngak bahrau song yaom phun jien jaik 13 triệu Euro. Meng bruk ba tame pandar sang mac bahtau, Công ty Trách nhiệm hữu hạn Bel Việt Nam pamong tal bruk ba mai dom pandap ngak meng ia tasau hu dinh dưỡng glong ka urang pandar di darak pasa VN song dom negar dalam bhum.

#/ Meng akaok bilan 3 tal ini, yaom hadang nguyên liệu di Bạc Liêu daok tagok khang. Urak ini yaom dom janih hadang thương phẩm hu urang mai blei glaong jang jaik 20.000 đồng sa kg duk saong puac bilan 2.

#/ dalam rilo thun tapa, tỉnh NT biak sangka tal bruk dui pachreih urang buh jien tame patagok năng lượng tái tạo, patagok kein lagaih gah pandiak song hangin piah padang ngak NT jeng sa pasak năng lượng hacih di negar ni. Min, dom dự án dalam lgah ni, yaom lac hu mbaoh tangin tame ngak, min dok rilo kan kandah song daok ngak suai damuai.

#/ Meng akaok thun 2017 tal urak ini, di ban raya HCM hu 3 urang metai kayua pandiak tabiak drah di quận 5 saong 2 urang daok di quận 12. Tui panuac ba tabiak dalam var pasang iek di sở y tế ban raya ka bruk pacang cakak jit ruak di quận 12. Bác sĩ Nguyễn Hữu Hưng, Phaok Giám đốc Sở Y tế ban raya Hồ Chí Minh ndom lac: Pandiak tabiak drah lac sa janih ruak njom mbak nguy hiểm, oh hu jru đặc trị min bhap bini daok takik caik hatai sangka.

#/ Di xã Phước Đông, huyện Gò Dầu, tỉnh Tây Ninh, hội viên urang nong ngak mbang naih joi Đặng Văn Toàn lac sa urang hu rilo thun pambuak bruk đồng pala tangei pablei abih phun ka công ty ngak pandap mbang athur rong.Tui saai Toàn, tapa rilo thun pambuak bruk pala tangei pablei phun ka công ty, saai mboh kein liba glong jang dut song dom phun pala karei karei. Abih di nyu nan lac, dom mblang hamu bahrau paik meriak bloh pala tangei, hu siam jang dut song dom mblang hamu pala dom janih phun karei karei .

Patui di ini dom khau tin dunya:

#/ Rajaei Sudan barau brei peih dom pabah mbang negar di bhum gah brak taneh ia ini piah dom kapul pahala dunya pabak pandap mbang menyum ka dom urang daok eik lipa di taneh ia jaik taphia lac Nam Sudan. Akaok mintri  Y tế Nam Sudan Riek Gai Kok brei thau rajaei taneh ia ini taong yaom glaong bruk peih pabah mbang negar di rajaei Sudan.

#/ Harei 16/3 Gilang pariak Trung ương Châu Âu hu tabiak mbaok blah jien baar yaom  50 euro bahrau. Ni hu mong lac bruk kham merat di  Liên minh châu Âu dalam bruk pacang cakak jien ja song brei mboh hatai pachreih tui  bruk pandar jien mbaok.

# / UB y tế saong kế hoạch hóa gia đình tỉnh Quý Châu, TQ brei thau ka urang njom virus cúm menuk ada H7N9 barau di menuac. Urang ruak lac sa urang likei umo 61 thun, daok di huyện Dư Khánh, hu ba tal khoa hồi sức tích cực di sang iek ruak di ban Tuân Nghĩa piah iek ruak./.