# Dalam tuk pahadar 127 thun harei menek Chủ tịch Hồ Chí Minh (19/5/1890 -19/5/2017), mesup 18/5, Kapul urang Ban Chấp hành Trung ương Đảng, Akaok negar, Quốc hội, rajaei, Ủy ban Trung ương Mặt trận negar Việt Nam tame rivang sirah Chủ tịch Hồ Chí Minh song caik bingu, pok gilau pahadar dom Anh hùng liệt sĩ di Đài tưởng niệm dom Anh hùng liệt sĩ ( jalan Bắc Sơn, Ba Đình, Hà Nội). Bingu di Kapul hu haroh lac "Miet miet hadar tal  Chủ tịch Hồ Chí Minh". 

# Jeng di pagaiy harei 18/5, di kalan pahadar dom po Hùng- mblang beir sajarah ilimo bangsa , quận 9, ban raya Hồ Chí Minh, Uỷ ban bhapbini ban raya hu patabaik bruk " Tết pala phun hadar tal dhar phuan Wa Ho". Hadei di tuk tabiak bruk, dom urang dang akaok ban raya saong rilo urang bhapbini gam saong dom kapul nyoam hu pala 300 phun dalam mblang beir sajarah ilimo phường Long Bình, quận 9. Hu thau, thun ini ban raya Hồ Chí Minh khan merat pala 1 triệu phun dom janih

# Pahadar 127 thun harei menek Chủ tịch Hồ Chí Minh (19/5/1890 – 19/5/2017) song 106 thun harei Bác Hồ tabiak nao duah jalan dong ka taneh ia 5/6/1911 – 5/6/2017), mesup harei 18/5, ban Cần Thơ peih bruk pok meyaom 41 dam dara naih ghieh ngak tui panuac Wa. Lac sa dalam dom dam dara naih gheih, ayuh Phạm Thái Thu – Bí thư đoàn phường An Hòa – quận Ninh Kiều brei thau: Anak tal, daok khik jalan diukrai tui Wa, yau lac tari tareing, giản dị, khiêm tốn.  

# Pagaiy harei 18/5, di jabat rajaei, Thủ tướng Nguyễn Xuân Phúc, akaok  Ủy ban Quốc gia ka biến đổi khí hậu dang akaok mbang nyom di Ủy ban mbang yaka 8, piah taong yaom ka bruk ngak hu saong biai bruk ngak di tukvak tal. Brei panuac di tuk peih pakak, Thủ tướng ndom lac Việt Nam lac taneh ia gaok trak bruk biến đổi khí hậu, dalam nan hu hajan xua ngak khat lihik trak di rilo puk palei dalam taneh ia, cambaih abih lac bhum taneran kraong Cửu Long. Yau nan ye, meyah oh hu jalan pacang ye mbuan gaok khat lihik praong.

# Urak ni, di dom tỉnh Tây Nguyên hu hajan khang, taneh ginup pasah. Dom urang nong, doanh nghiệp ngak gah cà phê daok blei vật tư khak drak tabiak mblang hamu iek glang cà phê. Bruk ba tabiak lac kham merat dalam bilan ca phê thun ini, hu meng 1,3 triệu tấn tagok asar cà phê. 

# Dom harei jaik di ini, sang beir pala panat di Tiền Giang duh hatai kayua yaom trun bair. Labaih sa bilan dahlau, yaom labaih 30.000 đồng/sa kg, hu tukvak panat janih siam yaom tagok tal 35.000 đồng/sa kg, min, urak ini yaom trun daok ala 10.000 đồng/sa kg. Panat hu mbaih langiu kalik, atau talah…urang blei yaom dom rabau đồng sa ký. Meng yaom ini, urang pala panat khat trak. Tui dom urang blei, yaom panat trun lac kayua tame bilan paik, pablei tabiak rilo jang duk saong blei, dalam tuk nan darak pasal blei panat biak suai.

#/Meng ba tabiak ngak rilo jalan pacang caga yau nan ye jiak 3 thun tapa kuhria meng harei tabiak panuac lac hu jit di thun 2014, mblang taneh cam sành njom ruak katam hala rak hajao di tỉnh Hậu Giang trun hu labaih 6.000 ha. 

Khaw tin dunya

# Tui panuac di rajaei Nhật Bản ba tabiak harei 18/5, kinh tế Nhật Bản dalam 3 bilan akaok thun 2017 tagok 0,5%, lac quý 5 hamiet kinh tế taneh ia ini patagok saong lac tukvak patagok atah abih duk saong 10 thun tapa.

# Tui panuac di mintri Công nghiệp song Công nghệ thông tin Trung Quốc bahrau brei thau, jabat ni daok kuhria padang ngak sa pasak dữ liệu prong pakat negar song hu tính tích hợp piah patagok bruk pandar dom dữ liệu khổng lồ hu siam lagaih jang. Jalan ngak di pasak  lac patagok bruk klah rabha siam jang dom nguồn dữ liệu công cộng, brei adat peih prong jang phạm vi ứng dụng,, abih di nyu nan lac dữ liệu dalam dom gah tín dụng, pajeng ba y tế song bruk ngak. /. 

# Barau ini, di mbang đấu giá kayua hãng Christie’s peih ngak di New York , “Femme assise, robe blue” (Urang kumei cuk ao hijao) sa dalam dom blah rup cih menuac angan je abih di danh họa Tây Ban Nha Pablo Picasso hu yaom  45 triệu USD.  "Urang kumei cuk cao hijao” hu Picasso cih njauk tuk hadar harei ndih tapui mbang yaka 58 di ông di thun 1939. Blah rup cih nan, cih sa dalam dom urang meyut meyau di Picasso, nhiếp ảnh gia gam lac nghệ sĩ Dora Maar, urang hu maong lac sa dalam dom urang kumei anit abih di Picasso.