1 # Thủ tướng Nguyễn Xuân Phúc bahrau hu panuac tacei pato ka bruk langyah pandap kaya ikan daok kandaong labaih saong dom janih kandaong labaih karei di 4 tỉnh gaok bruk nerak tasik. Tui nan, Thủ tướng Nguyễn Xuân Phúc njauk hatai brei daong urang pô dom labik hu pandap kaya ikan daok kandaong labaih saong janih kandaong labaih karei di 4 tỉnh gaok bruk nerak tasik. Tui nan, yaom daong ka sứa, daong taong abih yaom pandap, daok dom janih kaya ikan karei daok kandaong labaih, daong 30% yaom pandap.

        2  # Dom thun jiak di ni, rilo palei ngak di  tỉnh Vĩnh Phúc peih prong bruk ngak mbang pablei salih  ba mai rai duik trei sil ka urang palei ngak. Meng nan, raik duik di bhap bini dak harei dak salih bahrau, hu labaih  70% boh sang ginup, meda . Dom nghệ nhân, dom urang ngak gheih tangin , di dom palei ngak karei karei di Vĩnh Phúc yau lan ar Hương Canh (Bình Xuyên); rèn Lý Nhân (Vĩnh Tường)... duah hu yaok pluh triệu đồng/sa urang/sa bilan 

           3 # MBan Thường vụ Tỉnh đoàn Bình Định, Sở Pato megru tỉnh Bình Định pambuak bruk haong Jabat lambaok gah Meraong Kadung jien bac Vừ A Dính peih bruk jao jien bac Vừ A Dính saong jien bac di kalup kapul “Kayua Hoàng Sa - Trường Sa anit ranam” brei ka dom anek saih bangsa takik, amek di urang lin tasik saong urang ngak ikan gaok kan kandah trak kayua ribuk 12. Tui nan, hu 50 adei hu taduan jien bac Vừ A Dính,  90 adei hu taduan jien bac di kalup kapul “Kayua Hoàng Sa – Trường Sa anit ranam”, yaok pok yaom 1 triệu đồng. 

          4  # Sang uranaih  huyện Xuân Lộc, tỉnh Đồng Nai hu peih pakak Duk Gilang tapuk . Duk gilang tapuk nan  yaom labaih 400 triệu đồng,  kayua Tập đoàn Phong Thái dong, hu peih tabiak pak  dalam mblang bein di sang uranaih huyện Xuân Lộc, hug 2 labik lac: balik puac tapuk song balik truy cập internet. Tapa nan, nhà văn Nguyễn Thái Hải hu alin hadiah ka sang uranaih huyện Xuân Lộc 70 baoh tapuk uranaih  di ong, piah pabak tame  ka gilang tapuk.

   5 # Ủy ban Nhân dân tỉnh Tây Ninh bahrau tabiak harak brei adat ka dự án padang ngak jalan pruh ia bhum gah pai kraong Vàm Cỏ Đông. Bruk nan hu ba ia meng danao Dầu Tiếng mai pruh ka jaik 17.000 ha taneh ngak nong; pabak ia ka bruk ngak kong, ia pandar saong ia raong glang ka bhap bini 2 huyện biên giới lac Châu Thành saong Bến Cầu di tỉnh. Abih tih yaom jien buh ngak bruk nan lac 1.000 tỷ đồng.

        6   # Thun bac  2017-2018, Công đoàn gah pato megru  tỉnh Vĩnh Long hu daok pakhang dom bruk ngak pamaong tal cơ sở, ngak bruk kayua kein lagaih di urang  đoàn, urang jakar , gru pato, nhân viên; sangka bruk iek glang rai duik urang jakar, gru pato. Langiu di nan, dom công đoàn cơ sở dok peih bruk patom phun jien piah dong patagok kinh tế boh sang; brei mesraiy ka  521 urang jakar, gru pato  , urang ngak mesraiy jien di gilang pariak,  ngak siam dom sarak ruak kik, urang kamei metain, sarak jien bilan, dom janih dong karei  karei ka urang jakar, gru pato, urang ngak. 

     7# Tapa jaik 2 thun peih ngak, bruk camera an ninh di tỉnh Long An daok mboh hu siam lagaih dalam bruk khik caga an ninh trật tự, an toàn giao thông saong pacang caga kol tội phạm. Tal urak ini, bruk nan daok hu peih ngak grauk dom xã, phường, ban sit dalam tỉnh.  Di dom jalan hu camera an ninh, bruk bhap bini vi phạm giao thông, klaak hareik tabiak jalan atau pataom gauk rilo menuac…mboh takik hu. 

 Patui di ni dom khau tin dunya:

            8 # Urang brei panuac di Hải quân Argentina En-rích-kê Ban-bi khan lac brei padeih bruk dong duah 44 thủy thủ kapan  ngầm ARA San Juan lihik di angaok bhum tasik Nam Đại Tây Dương meng harei  15/11, min dok patui bruk dong duah baoh kapan hu mong lac patuh bloh

  9 # Dom urang ilamu Mê-hi-cô (Mexico), Ca-na-đa saong Mỹ brei thau, bahrau ini, urang dauh mboh dom inem mek di sa drei kara kanduh hóa thạch, hu meng labaih 65 triệu thun dahlau di bhum hoang mạc Cô-a-hui-la (Coahuila), gah barak Mê-hi-cô, brei mboh bruk hu mbaok di rilo janih athur di bhum taneh thu lagu ini.

    10   # Liên hợp quốc bahrau tabiak sa harak pathau khan brei thau lac labaih  3,3 triệu urang di  Xômali daok caong dongngak pahala chip dalam thun anak tal, kayua gaok kan kandah meng bhang pandiak trak song bruk mesruh gauk meng livik mai, ngak ka urang oh daok hu dom  dịch vụ cơ bản. Liên hợp quốc hu panuac ieu dom kham merat di rajaei Xômali song bhap bini dunya ka bruk ngak pahla hu peih tabiak di akaok thun anak tal ./.