1# Hadei tuk ba akaok kapul urang jakar BCH Trung ương Đảng Cộng sản Việt Nam tame ravang zirah urang dahlau dhiah ngak Thủ tướng Phan Văn Khải di Hội trường Thống Nhất, ban raya HCM, pagaiy harei 20/3 urang dang akaok Đảng, karja vak tame sổ brei thau hatai anit sa urang dang akaok hadah trah di Đảng, karja saong bhapbini. Tổng Bí thư Nguyễn Phú Trọng vak lac: urang dahlau dhaih ngak Thủ tướng Phan Văn Khải lihik nao lac sa khat lihik praong di Đảng, karja saong bhapbini drei, caik veik hatai pandik harao praong ka abih kok drei.

 2 # Piah  duh ka ndam metai di  urang dahlau deih ngak Thủ tướng Phan Văn Khải, Sở pajeng ba ban raya HCM bahrau tabiak panuac brei thau bruk patakik dom janih radeih nao mai tapa labik  mblang bein Thống Nhất (quận 1, ban raya HCM) meng harei 20-22/3. Tui nan meng  20/3 tal abih harei  21/3, patrun patakik radeih nao mai di angaok jalan Nam Kỳ Khởi Nghĩa (labik meng jalan  Nguyễn Thị Minh Khai tal jalan Nguyễn Du). Sở Pajeng ba ban raya hu panuac kakei urang peih radaih brei duah jalan halei lagaih piah oh nao tapa dom labik nan piah klah bruk gar jalan 

3#  Mbang akaok mereip di Đà Nẵng hu mblang darak tapuk ngan saong labaih 20 tấn tapuk duh ka urang puac rah tabiak meng harei 22-3 tal harei 25-3 di mblang beir gilang tapuk Khoa học tổng hợp saong vỉa hè takai kraong jalan Bạch Đằng. Tui mban peih ngak, bruk di mblang darak tapuk lac ngak tabiak sa libik pagun piah ginum biai, pataom tapuk, jia lac ini ibik ilimo tapuk di Đà Nẵng, rik daong patagok ilimo puac ka urang bhapbini ban sit. Mblang darak daok hu dom bruk rik daong, alin tapuk.

          4# Di tukvak 7 tuk meteh mesup 20/3, kapan SAR 413 di pasak  pambuak bruk dong duah urang gaok bala di angaok tasik bhum III (dok di ban Vũng Tàu, tỉnh Bà Rịa - Vũng Tàu) hu ba kapan tong ikan song  10 urang tong ikan tỉnh Quảng Ngãi gaok bala di angaok tasik tame boh taneh hu siam mekre.

5# Phó akaok UB bhapbini tỉnh Kiên Giang Mai Anh Nhịn brei thau: raong yến tự phát dalam đô thị ngak nerak alam môi trường, jit ruak, yau nan ye meda langyah catang dom libik, urang ngak suan. Urak ini, dalam tỉnh Kiên Giang hu jaik 700 sang raong yến tự phát, dalam nan rilo abih lac ban sit Rạch Giá, pasak hành chính di tỉnh ngan saong labaih 500 sang yến. UB bhapbini tỉnh Kiên Giang pandar dom sở, gah  chức năng njauk drah samal quy hoạch libik raong chim yến, jhui brei raong dalam dom libik rilo bhapbini daok, tabhia nan gam gam pasang iek bruk raong yến tự phát.

Patui di ni dom khau tin dunya

6 # Akaok mintri pablei salih Nhật Bản Hi-rô-shi-gê Sê-cô (Hiroshige Seko) harei  20/3 brei thau, Nhật Bản meda taduan hu  quyền miễn trừ dalam sarak  kak je bahrau di  Mỹ pamaong tame janih pandap pasei  song nhôm nhập khẩu. Ong Sê-cô brei thau, Nhật Bản song dom negar pambuak bruk di  Mỹ  dok hu panuac ieu Mỹ jao ka drei quyền miễn trừ thuế. Kayua dom pandap pasei song nhôm di  Nhật Bản rik dong tame gah công nghiệp Mỹ song oh meda salih karei hu

7# Triều Tiên saong Hàn Quốc harei 20/3 hu peih bruk taom gaok pakat chuyên viên, piah ginum biai ka bruk parang me-in di kapul nghệ thuật Hàn Quốc di Bình Nhưỡng di akaok bilan 4 tal. Tui mintri Thống nhất Hàn Quốc, urang jakar 2 taneh ia hu taom gaok gauk di tukvak 10 tuk harei 20/3 di Tôn-gi-gắc (Tongilgak) – sa tòa sang di Triều Tiên di palei đình chiến Bàn Môn Điếm (Panmunjom).

 8 # Meng harei 1-5 tal Trung Quốc ba tame pandar  hệ thống chấm điểm tín nhiệm xã hội, oh brei ka dom urang  hu  điểm tín nhiệm kanyah jhak tagok kapan haoh, radeih pui . Rayo Channel News Asia ba panuac di  phó chủ tịch Ủy ban salih bahrau song patagok negar, tui bruk nan,, labaih  9 triệu urang Trung Quốc oh blei hu harak kapan haoh  song 3 triệu urang karei oh blei hu  harak radeih pasei  hạng  thương gia kayua điểm tín nhiệm xã hội biar.