1# Danak dak “Sambai Tết Trung thu 2017” hu rah tabiak meng harei 28/9 tal harei 4/10 tal, di Hoàng thành Thăng Long- Hà Nội. Danak dak hu rilo bruk yau: Brei mboh veik labik parang iek pandap me-in Trung thu akaok abap 20 tapa rup cih di Henri Oger saong dom blah thaot tư liệu quý d Miuyim Albert Kahn – Prang, ngan saong dom labik pablei pandap me-in Trung thu ndung bak ilamu meng kan. 

         2/# Meng ni tal thun 2018, ban  Đà Nẵng buh tabiak jiak 720 tỷ đồng padang ngak labik pataok radeih glaong rilo tal di pasak ban song labik tapen tasik, dalam nan sangka ngak iek dahlau labik pataok radeih glaong rilo tal di angaok jalan Phan Châu Trinh, labik pasak di ban. Ban ni urak ni hu 17 labik pataok radeih praong, dalam nan hu 14 labik kayua ban buh jien tabiak ngak. 

         3# Rilo jalan roya, jalan tỉnh di Đắk Nông daok khut trak oh siam mekre ka bruk nao mai saong ngak kan kandah tal bruk patagok kinh tế - xã hội di tỉnh. . Makna lac kayua dom jalan ini  hu ngak meng livik mai, abih tukvak pandar min min kurang jien piah ngak pasiam veik. Lingiu di nan, radaih nao mai dak harei dak rilo jeng ngak ka dom jalan nan samar khut. 

4/# Urak ni,  piah klah pagam pambak tame darak pasa meng kan, rilo urang urang nong  di tỉnh Bình Thuận khang hatai pala thanh long tui tanut hacih saat GlobalGAP (Tui jalan ngak nong siam di dunya). Gah ngak nong Bình Thuận thau ni lac jalan nao piah paglong chất lượng song yaom kaom di janih kaya nong praong di tỉnh.

5# Dom urang pan akaok tỉnh An Giang saong dom kapul, nyaom dalam tỉnh hu padang 9 kapul mai rivang, tadhau ayuh Sen Dolta di mikva bangsa Khmer di 30 baoh baha Khmer dalam tỉnh. Ông Trần Quốc Thanh, urang pan akaok mban bangsa tỉnh An Giang brei thau, Sen Dolta di mikva Khmer thun 2017 dalam tỉnh rah tabiak dalam 3 harei (meng harei 19/9 tal abih harei 21/9), hu rilo bruk ngak bui, me-in sambai di dom huyện, thị, abik hu rilo bhap bini Khmer daok.

6/ # Ong Nguyễn Hữu Lập, Phó Chủ tịch Ủy ban bhap bini tỉnh Bến Tre brei thau, tỉnh dok peih bruk ngak iek dom mô hình hợp tác xã ngak nong kein laba,  pambuak pala drak haong pablei salih tui jalan glaong yaom kaya nong, song meda pambak prong di dom gah yau padai brah, boh kayau song kaya ikan. Tỉnh jeng hu sarak pachreih dui urang bac tamat đại học gah ilamu kỹ thuật mai ngak bruk suai lavik di hợp tác xã. Urang jakar ngak nong di cơ sở hu ilamu chuyên môn gam ngak  kỹ thuật di  hợp tác xã ngak iek. 

7# Daok meteh bilan tra tal harei Tết Trung thu. Yaok thun, har trung thu di ban raya Thành phố  Hồ Chí Minh tuk ini daok chreih chrai tagok. Min thun ini, bruk pablei salih ahar ini tok rah tabiak dalam dom cửa hàng di dom hãng ahar praong hu angan je. Daok lingiu jalan, dom labik hu padang tagok piah pablei ahar trung thu jeng hu akik menuac blei.

Patui di ni dom khau tin dunya:

 8/   # Thun ni,tuk padeih lễ Trung Thu njauk song harei lễ Quốc khánh (1/10) yau nan ye urang Trung Quốc hu padeih 8 harei meng harei 1-8/10. Tui pathau khan bo Viện roh duah du lịch Trung Quốc ba tabiak jiak di ni brei thau, dalam mbang padeih anak tal, tui kuhira darka pasa du lịch negar ni meda taduan hu labaih  700 triệu tuia song jien mek tame  labaih 590 tỷ Nhân dân tệ (labaih 87 tỷ đô la Mỹ).

9# Mintri Pablei salih Thái Lan bahrau hu var ngak brukhaong Lambaok Pablei salih Mỹ (USTR), piah taong yaom dom kham merat di Thái Lan dalam pacang caga dom bruk ngak suan gah quyền sở hữu trí tuệ.

 10/ # Dom urang ilamu gah y tế Mỹ bahrau tabiak panuac lac, hu takik di abih 16 urang metai kayua  virus viêm gan A tamuh khang di negar ni. Tui gah y tế Mỹ, virut viêm gan A njom mbak khang di hạt Xan Đi-ê-gô (San Diego) dalam bang Ca-li-phoóc-ni-a (California) ngak ka yaok rituh urang njom jit ruak./.