#/ Peih ngak danak dak : “ patagok pathau khan hukum ka urang jakar,bhap bini bhum tapen negar, palao kaoh”  đồn biên phòng cửa khẩu Quốc tế Lào Cai hu padang ngak 23 tu tapuk hukum di dom xã, phường tapen tasik di huyện Bảo Thắng song ban sit Lào Cai. Dalam labaih 3 thun peih ngak danak dak, đơn vị hu peih bruk pathau khan hukum tal labaih 11 ribau urang dok di dom xã, phường tapen nega. Yau nan ye, an ninh puk palei di dom xã, phường tapen negar tani tanat, bhap bini kham merat hu mbaok tame bruk khik caga bhum  palei tapen negar song chủ quyền palao tasik di taneh ia.

#/ Sở ilamu TT Du lịch tỉnh Thừa Thiên- Huế barau njauk hatai saong sở ilamu TT DL ban Đà Nẵng jao ka pasak khik ramik inem krung medil Huế padang hồ sơ caong khin mintri ilamu TT công nhận Hải Vân Quan angaok tabung đèo  Hải Vân lac inem krung pakat negar.  Ong Phan Tiến Dũng, Giám đốc Sở ilamu Thể thao Du lịch  tỉnh Thừa Thiên- Huế brei thau: “Kol dahlak hu gam saong sở ilamu  TT DL ban Đà Nẵng họp piah xác định  njauk padang bộ hồ sơ khoa học piah daong pháp lý ka Hải Vân Quan, taong yaom ginup dom yaom glaong ka sajarah dak rai”.  

#/ Dalam 2 harei 22 song 23/11, Miunyim tỉnh Thanh Hóa peih bruk parang iek chuyền đề “Hang Con Moong song dom inem krung phụ cận  - Hành trình di sản”. Ni lac sa dalam dom rilo bruk pabak ka lễ taduan harak pok meyaom inem krung dunya, abih di nyu lac hang Con Moong, di huyện Thạch Thành.Ni oh lac dong pathau khan, yaik meyaom ka yaom glong di hang Con Moong song dom inem krung phụ cận dalam tuk patagok di sajarah anek menuac bo dok jhul pakhang bruk yaik khan, paglong labik dang di inem krung hang Con Moong dalam jalan nao song inem krung ilamu dunya. 

#/ Harei 22/11, Văn miếu Trấn Biên hu mek bằng công nhận inem krung ilamu – sajarah dak rai pakat negar. Ini lac bruk bui sambai praong ngan saong Đảng bộ, karja palei saong bhap bini tỉnh Đồng Nai. Abih di nyu nan lac, meng thun 2013 tal urak ini, tuk xuân mai, pasak Văn miếu Trấn Biên bhian lac labik pachreih yaok rituh ribau mbang tuai damuai mai maong iek, thaot saong công trình jalan bingu Trấn Biên hu peih tabiak di tuk tết nguyên đán yaok thun.

#/ Hadei di 5 thun peih ngak danak dak pakat negar ka bruk padang ngak palei pala bahrau , tỉnh Lào Cai hu 21 xã hu pok brei angan mek hu tanut chuẩn palei pala bahrau song dok kham merat tal thun 2020, tagok 80 xã, meblah 43% tong abih xã dalam tỉnh

#/ Tuk 8 tuk mesup 22/11, kapal daong bala SAR 274  di pasak pambuak bruk ruah duah daong bala khu vực 2 hu ba 3 thuyền viên gam saong kapal ikan ĐNa 90796 gaok bala angaok tasik mai Đà Nẵng siam mekre. Dahlau nan, pasak pambuak bruk ruah duah daong ba hàng hải khu vực II mehik lac kapal ikan ĐNa 90796 kayua ong Lê Thanh Cường, daok di phường Thanh Khê Đông, quận Thanh Khê, ban Đà Nẵng ngak po kapal gam lac thuyền trưởng, daok gaok bala. Biar harei 22/11, pasak pambuak bruk ruah duah daong bala hàng hải VN brei kapal SAR 274 tabiak truh mblang nao daong bala saong ba dom thuyền viên tame takai siam mekre.   

#/ Peih ngak đề án pasiam veik bruk ngak nong tui jalan patagok chất lượng sản phẩm song khang kajap, thun 2016 gah ngak nong tỉnh Vĩnh Longieu pataom peih prong dom bruk ngak bahrau kein lagaih ka dom bruk yau : pala drak, rong glang gam song bruk pambuak meng dom doanh nghiệp song urang nong dalam bruk sx pablei salih pandap panda. Gah ngak nong tỉnh hu buh jien tabiak labaih 17 tỷ 600 triệu đồng piah peih ngak 16 danak dak dalam hu 7 danak dak pala drak, 6 danak dak rong glang song 3 danak dak kaya ikan, dalam nan brei ngak dahlau dom bruk sx quy mô prong tui jalan GAP song mek hu harak chứng nhận hacih saat pandap panda Viet Gap.

Patui di ini dom khau tin dunya:

#/ Liên hợp quốc brei thau, dom urang daok gar dalam dom bhum mesruh  metak di Xyri daok patagok jaik 1 triệu urang. Urang điều phối ngak bruk daong pahala di LHQ ong Xti-phần Ô-bri-en ieu hội đồng Bảo An Liên hợp quốc peih dom jalan ngak khang piah daong padeih bruk tấn công tame bhap bini, pacang bruk ngak pahala, ieu yah klak bruk bao vây di dom labik di Xyri.

#/ Takik di abih 6 uranaih metai song 23 urang karei njauk rambuac dalam sa mbang radeih buýt gaok bala rah tabiak harei 21/11 ( tui tuk vak palei pala) di bang Ten-nét-si (Tennessee) di  Mỹ. Urang dang akaok palei pala brei thau mbang gaok bala rah tabiak di labik Chát-ta-gô-ga (Chattanooga) tuk radeih buýt pajeng anek saih phaok tame phun kayau di tapen jalan. Tuk vak rah tabiak bala di angaok radeih buýt hu 35 anek saih mẫu giáo.

#/ Harei 21/11, gah Pa-le-xtin brei thau, Ai Cập hu kreik pabah mbang negar Ra pha, pabah mbang duy nhất pambuak Dải Ga-da di Pa-le-xtin saong gah langiu, hadei di 5 harei peih pabah mbang ka bruk ngak pahala. Tui thông báo, karja Ai Cập hu kreik pabah mbang negar Ra pha hadei di 5 harei gam gam peih pabah mbang dua chiều piah brei dom urang ngak pahala hu nao mai. Langiu di nan, jeng brei thau, hu 1.443 tuai damuai hu brei adat DL meng Ai Cập tal Dải Ga-da./.