#Adit “ Jum pataom dom bangsa- inem krung ilam VN thun 2016” dok rah tabiak di palei ilamu du lịch dom bangsa VN, Đồng Mô, Sơn Tây, Hà Nội gam soong rilo bruk pok meyaom ilamu bhap bini dom bangsa VN. Di harei patom ilamu di dom bangsa, 120 urang hata, akaok palei, nghệ nhân, mik va lambaok dom bangsa yaik khan tal bhap bini dom ilamu siam gheih di drei dalam rai duik yaok harei yau parang iek bruk ngak thủ công meng kan, menyim khan bai, ngak alat ragam, daoh tamia dom ragu bhap bini.

#/ Tỉnh Bình Định bahrau hu gac 10 xã mek hu chuẩn palei pala barau thun 2016, patagok abih tih dom xã mek hu chuẩn palei pala barau kuhria tal tukvak ini lac 38 dalam abih tih 122 xã. Tỉnh Bình Định kham merat tal thun 2020 hu 76 xã mek hu chuẩn palei pala barau, meblah labaih 62% dom xã bhum palei pala.

#/ Buôn Đrang Phôk, xã Krông Na, huyện Buôn Đôn, tỉnh Đắk Lắk urak ni hu 141 boh sang, labaih 500 urang, song rilo bangsa karei di gauk yau Êđê, M’nông, Jarai, Mông, Mường, Lào song bangsa Kinh. Labaih meteh dom boh sang di labik ni dalam sarak kan kathaot, yau nan ye bruk iek glang bac megru ka anek bhik gaok rilo kan kandah. Dom thun tapa, đồn Biên phòng Sêrêpôk hu brei rilo urang jakar, urang lin mai ngak bruk di palei Drang Phôk, dong mik va patagok KT, iek glang pren yava, song paglong akaok sahaneng, peih dom tal xóa mù chữ ka anek saih song mik va. Urak ni dom adei jeng thau akhar haroh

#/ Tui panuac khan di sang iek ruak phổi Đồng Nai, sang iek ruak hu peih bruk khám sàng lọc brei saoh ka urang ruak hen phế quản saong phổi tắc nghẽn mạn tính (CODP). Dom urang ruak COPD saong hen phế quản hu thaot phim brei saoh saong hu brei jru saoh piah iek ruak mbang camereip. Dom urang ruak hadei di tuk iek ruak, thau lac ruak hu dom bác sĩ chuyên khoa tacei pato jalan iek ruak chip, patakik tagok ruak trak, ngak kan kandah tal rai diuk, abih jien iek ruak.    

#/ Đoàn khối dom jabat  2 tỉnh Tây Ninh song  Bình Dương peih mbang iek ruak ka urang kan kathaot di xã tapen negar (Châu Thành, Tây Ninh). Dalam mbang ni, đoàn khối jabat dom tỉnh Tây Ninh song Bình Dương hu peih bruk iek ruak brei jru saoh ka 110 urang ruak kathaot. Yaok pok jru yaom 100 ribau đồng. Langiu di nan, yaok urang hu iek ruak dok hu brei sa pok pandap 200 ribau đồng, dalam nan hu ia tasau, saradang, menyek mbang, ia tương, ia mesi, mì gói.

#/ Lambaok urang dang akaok Liên đoàn Lao động tỉnh Bình Phước barau nao rivang, pachreih ba saong alin hadiah pandap yaom 3 triệu meteh ka saai Trần Biên Thùy, urang ngak di Công ty Phương Hậu, daok di xã Lộc Phú, huyện Lộc Ninh gaok bala trak tuk ngak bruk. Saai Thùy lahik sa takai, sa takai daok veik njauk rambuah tuk daok bảo trì jamriah ép katak. Bruk gam gam nao rivang, alin hadiah pandap saong pachreih urang ngak gaok bala tuk ngak bruk di dom pakat công đoàn tỉnh Bình Phước hu rik daong pachreih ba urang ngak yam tapa kan kandah, yam tagok dalam rai diuk.

#/ Pasak pachreih nong pachreih ngư  tỉnh  Cà Mau brei thau, dalam sa tuk vak katut, taneh rong hadang tui jalan thâm canh di tỉnh Cà Mau tagok samar, jeng sa jalan rong mek hu kein liba glong, khang kajap. Tui pasak pachreih nong, pachreih ngư, ni lac jalan ngak ba mai kein liba KT glong, lagaih song bruk biến đổi khí hậu urak ni, nan ye hu rilo jalan ngak pataogk di anak tal.

Patui di ini dom khau tin dunya:

#/ Yaok pluh ribau bhap bini Ba Lan, dalam nan hu ralo gru pato ba gauk trun jalan di Vác-xa-va, phản đối bruk daok kuhria ngak di rajaei cánh hữu piah salih barau bruk pato megru di taneh ia ini, ndom lac jalan ngak ini nyu ngak ka yaok ribau gru pato lahik bruk ngak saong patrun chất lượng pato megru.

 #/ Đại sứ quán VN pambuak bruk song kapul urang VN di Cộng hòa Séc peih bruk pok meyaom SV, anek saih joi, naih gheih dalam rilo bruk di bhap bini urang Việt Nam daok di Cộng hòa Séc piah pachreih ba saong jhul patagok bruk pakacah gauk bac megru siam dalam dam darah, dong paglaong labik dang di bhap bini./.

#/ Cảnh sát taneh ia Indonesia daok peih chiến dịch hu angan“Indonesia pacang cakak” piah pacang caga dom bruk tấn công khủng bố meda rah tabiak tuk lễ giáng sinh saong thun barau 2017 jaik tal. Chiến dịch piah tah klak dom bruk mbuan ba tal khủng bố. Sa dalam dom jalan pacang cakak hu peih tabiak nan lac tui iek saong cap kreik dom nghi can./.