#/ Harei 22/1 Kapul ngak bruk di mban tacei jalan Tây Bắc hu nao rivang song brei pandap tuk tết Nguyên đán di huyện Sa Pa, tỉnh Lào Cai. Tapa nan, Mban tacei jalan Tây Bắc pambuak bruk song  Công ty Cổ phần Xuất nhập khẩu dịch vụ - thương mại Nụ cười hồng, Hiệp hội du lịch huyện Sa Pa jao 675 pok pandap, yaok pok yaom 400 ribau đồng ka dom boh sang kakathaot di huyện Sa Pa.

#/ Harei 22/1, Ủy viên mintri chính trị, Bí Thư Thành Uỷ ban raya Hồ Chí Minh Đinh La Thăng saong kapul ngak bruk di ban raya hu nao rivang saong tadhau yuh tết Bộ đội biên phòng Tân Ninh saong sư đoàn  5 quân khu 7 ngak bruk khik caga taphia negar. Mesup harei nan, ong Đinh La Thăng hu pok gilau di bia tưởng niệm rayo papar sap peih paha – sap ndom di MT bangsa peih paha gah meraong VN di tuk pahadar 55 thun harei padang tagok, di chiến khu D – glai Lò Gò, Tây Ninh saong hu mbaok peih pakak hệ thống truyền thanh xã Hòa Hiệp (huyện Tân Biên, tỉnh Tây Ninh). 

          #/ Rayo papar  sap, papar binguk Đà Nẵng, pambuak bruk haong Hội Doanh nhân ranaih umo bahrau jao labaih 200 pok pandap tal boh sang urang njauk jru klik kruac di quận Hải Châu  song Sơn Trà ban  Đà Nẵng, yaok pok  yaom 300 ribau đồng, dalam nan hu jien, har kẹo, saradang, ia tasau, menyek mbang, ia mesin. Jeng di tuk tết ni, Kapul urang njauk jru klik kruac ban ĐN hu jak ba rilo DN, dom urang ngak pahla rik dong labaih 1.500 pok pandap ka boh sang urang njauk  jru klik kruac, dong ka urang bui sambai uan raok tết.

#/ Piah pabak kaya nông hijao – hacih ka bhap bini blei tết, di ban raya HCM daok rah tabiak 5 harei darak pasar tết hijao ngan saong kadha “pandap xuân – tết Việt”. Nyaom darak pasar đặc biệt ini pachreih hu labaih 1000 urang mai blei yaok harei. Nyaom darak pasar “pandap xuân – tết Việt” ndung bak tết Nam bộ, ngan saong labaih 80 đơn vị hu mbaok tame pablei pandap, dalam nan hu 20 dự án khởi nghiệp di dom dam dara urang ranaih umo.

# Di ban sit Cao Lãnh, sở pato megru tỉnh ĐT peih bruk pataom iek veik mbang pakacah KHKT pakat tỉnh thun bac 2016-2017. Hu mbaok di mbang pakacah hu 129 anek saih song 83 dự án di 12 lĩnh vực di 19 sang bac Trung học phổ thông song 9 Jabat pato pakai di dom huyện, thị, ban sit. Tapa mbang pakacah, Mban peih bruk palih hu 6 dự án gheih di abih mek hu giải nhất, nhì piah hu mbaok tame mbang pakacah KHKT pakat negar.

#/ Tiền Giang oh sambai kayua baoh kayau hu yaom min takik baoh. Gah ngak nông tỉnh Tiền Giang brei thau, urak ini, hu jaik meteh dom mblang taneh phun ia tasau di tỉnh ini tabiak bingu te vụ, brei baoh hadei tết. Dom taneh daok brei baoh oh hu chất lượng, trun năng suất jang dom thun dahlau jaik 30%. Tukvak ini, yaom lac baoh ia tasau Lò rèn yaom meng 15 tal 20 ribau đồng sa kg min bein oh hu ginup piah pablei ka urang mai blei.

#/ Tui pasak dự báo Khí tượng Thuỷ văn Trung ương, kayua langik liar tagok nan ye, harei ni 23/1 di bhum tasik  dom tỉnh Trung bộ hu hangin đông Bắc khang pakat , hu tuk pakat 6, handoh pakat 7-8. Labik langiu tasik dom tỉnh Nam Bộ song Bắc biển đông ( dalam nan hu bhum tasik palao Trường Sa) hu hajan song hangin khang. Dalam hangin meda hu ribuk song hangin khang. Pakat rủi ro bala pakat 1.

Patui di ni dom khau tin dunya:

#/ Di ban ine Viêng-chăn, Đại sứ quán Việt Nam di CHDC bhap bini Lào hu peih danak dak tết cộng đồng salam uan thun barau anek sak menuk 2017. Hu mbaok dalam tiệc, hu ralo mikva Việt Kiều daok di Lào saong lambaok kiều bào drei di dom tỉnh dalam bhum ia –san TL; lưu học sinh daok bac daa di ban ine Viêng Chăn. Ini lac tuk piah yaok urang ba gauk hadar veik dom jak jeng mek hu dalam thun bloh, saong tapa nan piah kak kajap talei jum pataom ba gauk pamaong mai puk paga palei negar.

#/ Harei 22/1 ong Ru-men Ra-đép hu tagok ngak Tổng thống Bun-ga-ri hadei di lễ nhậm chức hu rah tabiak anak Nhà thờ prong hu angan A-lếch-xan-đơ Nép di ban ine Sô-phi-a. Brei panuac anak dom urang ngak prong pakat glong song dom urang pachreih tui, Tổng thống bahrau Ru-men Ra-đép hu panuac sinya meda pambuak pakajap song QH, rajaei, dom đảng phái chính trị song bhap bini piah duah tabiak dom jalan ngak brei taneh ia nao tagok.

#/ Akaok mintri năng lượng dom taneh ia Kapul ngak menyek pablei tabiak negar lingiu (OPEC) saong dom taneh ia oh daok dalam Kapul ini, harei 22/1 hu var ginum meyai di Viện (Áo). Dom urang hu mbaok tame var ginum meyai jeng brei mboh hatai chreih chrai ka thỏa thuận puac thun bloh di dom taneh ia brei cakak trun sản lượng menyek, meda daong tani tanat darak pasar menyek, jeng yau bruk padang UB piah pasang iek bruk ngak di dom taneh ia ngak tui thỏa thuận./.