# Urak ni di dom tỉnh Tây Nguyên hu hajan khang, taneh ginup pasah. Dom boh sang, doanh nghiệp pala cà phê hu blei  pandap panda khak drak tabiak mblang  iek glang cà phê piah kham merat bilan cà phê thun ni mek hu meng 1,3 triệu tấn cà phê asar.

# Bilan hajan 2017, tỉnh Gia Lai hu tabiak bruk pala 7.500 ha glai tập trung meng dom janih pajaih chủ lực muồng đen, keo lá tràm saong thông 3 lá. Taneh pala ini hu parabha grauk dom huyện, ban sit dalam tỉnh. Thun ini, tỉnh Gia Lai peih ngak jalan xã hội hoá bruk pala glai, jak ba saong daong ka dom doanh nghiệp chủ động pajaih, rik taneh puh di dom sang bhum bhapbini bangsa takik piah pala glai khik caga bruk ba tabiak, njauk tukvak saong chất lượng. 

# Tui  ong Trần Châu - Phó chủ tịch Ủy ban bhap bini tỉnh Bình Định, tỉnh ni hu palih ruah ikan ngừ đại dương kakah kanyik lac  kaya nong khang piah yam tal bruk padang  hợp tác xã pambuak saong dom yaom pandap tui cụm liên kết ngành. Hu 7 xã di huyện Hoài Nhơn hu mbaok tame danak dak ni, song hu   1.000 boh kapan công suất  prong tong chap ikan ngừ đại dương tui jalan vah tangin, hu labaih 8.000 - 9.000 tấn/thun, yaom jaik  723 tỉ đồng/thun mek hu tanut pandap mbang hacih saat

# Mintri pato megru barau khan lac tỉnh Bình Phước hu chuẩn pakat negar ka phổ cập pato megru mầm non ka uranaih umo 5 thun di tukvak 2011-2016. Tapa 5 thun peih ngak gah pato megru mầm non hu patagok drak samal ka  sang bac,  uranaih nao bac. Urak ini, Bình Phước hu taong abih 111 xã, phường, thị trấn saong 11/11 huyện, ban sit jeng hu cơ sở pato megru saong sang bac mầm non, pabak caong khin ka uranaih nao bac di urang bhapbini.

# Ủy ban bhpa bini tỉnh Bình Dương brei thau, dalam thun ni tanut palih ruah tame  dom sang bac đại học, cao đẳng dalam tỉnh lac 30.000 học viên, tagok labaih 5.000 học viên dut song thu dahlau. Bru kpalih ruah, ilamu sơ cấp song trung cấp tui jalan xét tuyển; ilamu cao đẳng tui jalan xét tuyển, thi tuyển atau pambuak dua jalan nan veik. 

# Tỉnh Tiền Giang urak ini pataom tabiak ngak thủy lợi nội đồng piah khik caga ia pruh duh ka labaih 38.400 ha padai bilan Xuân Hè 2017. Tui nan, tỉnh peih bruk kuac 116 tuyến kênh mương nội đồng thu ia atah labaih 192.000 saong khối lượng caoh haluk kadar tagok tal labaih 1,8 triệu m3, saong jien buh tame labaih 35,5 tỷ đồng. 

# Long An kham merat dalam thun 2017 hu 8 xã mek hu tanut palei pala bahrau tagok 65 xã,  samu 40%; dom tanut mek hu dalam tỉnh  lac 16 tiêu chí/xã. Piah ngak hu bruk nan, tỉnh  daok patoam pren yava tame patagok sở hạ tầng di  xã, palei piah ba mbuan lagaih ka bruk patagok kinh tế - xã hội di bhum palei pala song tagok bruk hu mbang tui tapak ka bhap bini palei pala.

Patui di ni dom khau tin dunya:   

          # Tui pathau khan bahrau abih di dom taneh ia pablei menyek, ieu lac (OPEC) di harei 22/5,  brei thau, yaom menyek tamo meda  tagok biak rilo meng cakak trun  bruk ngak menyek di dom taneh ia dalam OPEC; saong tui kuhria mboh dahlau, yaom menyek daok tagok dalam tukvak tal. Tui nan, yaom menyek Brent tagok 32 xen (cent)/1 thùng, samu 0.6%, meng yaom di tuk kreik pabah mbang bahrau di abih lac53,93 đôla. Yaom menyek WTI di Mỹ tagok labaih 50 đôla/thùng, tagok 32 xen, samu 0.6%, di tanut 50,65 đôla. Taong abih dua tanut ini tagok labaih 10% dut saong yaom biar di akaok bilan 5 meng bloh.

# Gah pasang iek chất lượng di  Trung Quốc brei thau, liên doanh ngak ô tô FAW-Volkswagen (FAW-VW) mek veik 577.590 sruh radaih piah pasiam bruk khut gom tín hiệu gah langiu radeih kayua khut cầu chì. Mbang mek veik ni meng harei 17/5, dalam nan hu   410.000 radeih Golf A6 hu ngak meng bilan 9/2009 tal bilan 5/2014 song labaih 160.000 radeih  Sagitar hu ngak meng bilan 7/2010 tal bilan  3/2012. 

# Israel brei thau, taneh ia ini mek hu sa thỏa thuận yaom 630 triệu USD haong New Delhi. Tui nan Israel pabak dom janih pacang caga tên lửa ka Hải quân Ấn Độ./.