1 # Kapul pasang iek  di Trung ương kayua ong Võ Văn Phuông, Phó Trưởng Ban Tuyên giáo T.Ư pal akaok bahrau ngak bruk song urang dang akaok tỉnh Cà Mau ka bruk ngak hu dalam 5 thun  peih ngak sarak  29-NQ/TW (harei  4-11-2013) di Ban Chấp hành T.Ư Đảng (mbang XI) “Ka bru ksalih bahrau gah pato pakai, pabak ka bruk công nghiệp hóa, hiện đại hóa dalam tuk kinh tế darak pasa tui jalan xã hội chủ nghĩa song ba drei tame dunya”. Di var ngak bruk , dom urang urang di Kapul caik hatai sangka tal: Bruk salih bahrau pato pakai di tỉnh, abih di nyu nan lac pato bruk ngak, bruk pato saong bac sap anh dalam sang bac, bruk xã hội hóa dalam pato pakai; jalan pasiam veik bruk kurang labaih gru pato di tỉnh

          2#Sở Lao động – Thương binh saong xa hoi tỉnh Khánh Hòa pambuak bruk haong Cong an tỉnh saong dom gah pasang iek duah mboh 314 urang ngak lac urang negar langiu tame dulich bloh daok veik ngak bruk suan hukum. Cong an tỉnh Khánh Hòa pambuak bruk saong karja dom palei pasang iek, taong phạt vi phạm hành chính 227 urang negar langiu labaih 2, 2 tỷ đồng kayua ngak suan hukum xuất nhập cảnh. Dom bruk ngak suan rilo meng lac:  tạm trú tapa tukvak brei adat, ngak bruk tuk oh ka hu adat, khan oh njauk piah hu thị thực Việt Nam…

3 # Jabat chức năng tỉnh Bình Thuận dok hu mbaok tame langyah bruk sa sruh radeih buýt biển số 86B-009.97 peih di angaok jalan roya 1A tapa huyện Hàm Thuận Bắc di tỉnh ni pajeng biak rilo anek saih, caik ka dom adei dang tabiak pambah mbang, mbuan ba tal bala. Tapa nan, dom adei meda laik trun jalan, metai. Bruk nan dok ngak ka menuac urang duh hatai dalam dom harei tapa. Tui duah thau di urang vak di rayo sap ndom  Việt Nam, sruh radeih  buýt 86B-009.97 dalam  video clip nan lac di  Hợp tác xã vận tải Hàm Thuận Bắc, tỉnh Bình Thuận.

4# Caga tame thun bac birau 2018 -2019, Kapol Pachreih bac tỉnh An Giang birau alin brei jaik 3.000 paok jien bac yaom abih tih labaih 11 tỷ đồng brei ka dom anek saih, sinh vien kan kathaot, jaoh jo kham merat yam tapa kan knadah bac da-a naih joi. Dalam nan, paok jein bac daong ka sinh vien đại học, yaok paok yaom 28 trieu dong. Paok jien pachreih megru brei ka sinh viên đại học yaok pok yaom 16 trieu dong; sinh vien cao đẳng yaok paok yaom 9 trieu dong. Pok Jien pacheih bac brei ka sinh vien đại học yaom 8 trieu dong; sinh vien cao đẳng saong anek saih trung cấp chuyên nghiệp yaom 4,5 trieu dong.

    5 # Muinyim ban Cần Thơ pambuak bruk song Muinyim  dom  tỉnh Tây Nam Bộ bahrau peih parang iek thaot binguk “Cách mạng bilan  Tám song Nam Bộ kháng chiến” song parang iek  chuyên đề  “Drap ar khảo cổ học Tây Nam Bộ”. Parang iek hu  116 blah thaot  ka dom jayah  di bhap bini drei meng tuk hu  Đảng pal akaok, ba tal Cách mạng bilan 8 thun 1945 hu jak jeng. Parang iek “Drap ar khảo cổ học Tây Nam Bộ” yaih khan labaih  200 harak gar, thaot binguk, pandap panda ka dom janih ngak bruk, sản xuất, pandar dalam sang, tín ngưỡng, agama... brei mboh veik ilamu hadah hadai di menuac sia klak di  Tây Nam Bộ meng abhap  1 tal abhap 7; dalam nan hu rilo drap ar pakat negar yau rup patau Vishnu, khuôn ngak pandap trang sức di ilamu Óc Eo...

Patui di ni dom khau tin dunya:

6          # 7 bilan tapa, urang oh hu bruk ngak umo meng 25 tal 39 di Han Quoc tagok tal 338.000 urang, meblah 6,4%. Ini lac tanut glaong kỷ lục dalm 19 thun tapa, tok hadei ky3 lục thun 1999 lac  434.000 urang, meblah 7,2%. Rajaei Han Quoc brei thau, bruk ba tal oh hu bruk ngak ralo di umo thun yau nan mboh biak kan kandah. Bruk suai damuai dalam sarak bruk ngak saong pilih ruah urang ngak dalam dam dara  lac kayua dom tavak tavaiy daok kandaong veik meng rami ramik darak pasar urang ngak, pato pakai saong cong nghiep.  

7 # Urang jakar Nhật Bản brei thau , Bắc Kinh song  Tokyo daok ginum biai piah pambuak veik thỏa thuận hoán đổi jien ndua Tui nan, thỏa thuận meda tagok  3.000 tỷ yên (samu 30 tỷ USD), glong jang  10 mbang dut song tanut 3 tỷ USD dahlau deih. Thỏa thuận hoán đổi jien ndua dahlau deih  di Nhật Bản song Trung Quốc abih hiệu lực di bilan  9-2013. Bilan 5 meng bloh, Thủ tướng Trung Quốc Lý Khắc Cường hu panuac ieu pambuak veik thỏa thuận hoán đổi jien ndua song  Nhật Bản.

8 # Bhap bini Cu ba birau hu pandar mạng 3G oh abih jien. Ini lac sa bruk di danak dak ngak iek di công ty viễn thông negar Cuba. Tui nan, labaih 5 trieu urang pandar di động bayar jien dahlau taduan hu dữ liệu 70 Me-ga-bai oh abih jien tal kreh melam 22/8. Rajaei Cuba urak ini oh ka brei thau yaom jien pandar Internet dalam negar, atau tukvak ba tame pandar biak. Yau nan min,  Công ty viễn thông negar Cuba urak ini daok mek jien 45 đola sa bilan yaok 4gi-ga-bai ngan saong dom cong ty, dom đại sứ quán./.