#/ Uan Tết  anek sak menuk 2017, beir harei 23/1, akaok QH Nguyễn Thị Kim Ngân hu ndom nyai song y, bác sỹ sang iek ruak K, cơ sở Tân Triều, Hà Đông, Hà Nội,  rivang song brei pandap ka dom urang ruak hu rai duik kan kandah. Akaok qh cong khin labik ni jeng  sang  iek ruak camereip ka bruk iek ruak ung bướu ka bhap bini, dong ka bhap bini yam tapa kan kandah, abih ruak kik. Jeng tapa nan, kadung jien dong ka urang ruak ung thư- harei page hadah hadai hu peih ngak danak dak tết jum patom ka urang ruak, gauk gar urang ruak song y, bác sỹ di sang iek ruak K, cơ sở Tân Triều.

#/ Thủ tướng rajaei barau tacei pato mintri jien padai buh tabiak (oh mek jien) jaik 1.700 tấn brah brei ka 2 tỉnh: Quảng Bình, Sóc Trăng piah daong bhap bini dalam tuk tết nguyên đán thun 2017. Mintri lao động – thương binh saong XH taduan trách nhiệm ka số liệu ba tabiak, pathau khan; UB bhap bini dom tỉnh Quảng Bình, Sóc Trăng taduan mek saong pandar brahnan daong njauk tukvak njauk menuac urang tui quy định.

     #/ Liên đoàn Lao động tỉnh Khánh Hòa bahrau hu panuac ieu dom pakat công đoàn peih “ Tết jum pataom” dong ka urang ngak hu rai duik kan kandah. Pachreih tui danka dak “ Tết Jum patom”, tal urak ni, công đoàn dom pakat tỉnh Khánh Hòa jak ba hu labaih 1000 pok pandap Tết, yaok pok yaom meng 200 tal 500 ribau đồng brei ka urang ngak hu rai duik kan kandah, oh hu jien mai palei mbang tết. Công đoàn gah pato megru hu dong ka 62 urang jakar, gru pato njauk khat lihik dalam mbang ia sua, yaom daong meng 500 ribau tal 2 triệu đồng yaok urang.

#/ UB bhap bini huyện Vĩnh Cửu, tỉnh Đồng Nai pambuak saong Sở ngak nông saong patagok palei pala tỉnh barau peih labik pablei thực phẩm that an toàn di darak pasar Vĩnh An saong darak pasar Tân Bình. Labik pablei thực phẩm an toàn di drak pasar Vĩnh An saong darak pasar Tân Bình, huyện Vĩnh Cửu hu 16 sạp ralo saong 13 sạp njaum patam hu caik bảng công nhận mek hu chuẩn an toàn vệ sinh thực phẩm. Tui kuhria tukvak tal, sở ngak nông saong patagok palei pala Đồng Nai hu peih mô hình ini tabiak dom darak pasar dalam tỉnh.

       #/ Melam 23/1 di ban raya HCM hu peih darak bingu Xuân Bình Điền 2017 . Darak bingu Xuân Bình Điền - Tết anek sak menuk  2017 rah tabiak dalam 6 harei meng harei 22/1 tal cala pandiak 27/1 ( lac harei 25 bingun bilan mat tal jala pandiak 30 bingun tết). Darak BINGU thun ni hu 225 sang bein mai meng TỈNH Bến Tre, tỉnh Đồng Tháp, tỉnh Lâm Đồng song ban raya Hồ Chí Minh.Dom sang bein ba mai pasa bingu Xuân Bình Điền thun ni rilo janih bingu yau: cúc, thược dược,, dom janih bingu lan, mai, quất ( tắc) bingu baar, dom janih bon sai, ngan song rilo yaom karei di gauk, lagaih ka bruk blei  di bhap bini ban raya.

#/ Yaom lac pandap takik min yaom hadang thu, ikan thu di  Trà Vinh oh tagok ralo, eng hadang thu Vinh Kim tagok 1,4 triệu đồng sa kg saong abih pandap. Urak ini hadang thu janih I yaom 1,2 triệu đồng sa kg, janih dua sa triệu đồng sa kg; ikan thu cá khoai 450.000 đồng sa kg; ikan thu cá kèo 280.000 đồng sa kg; tagok oh hadom duk saong thun bloh, dalam nan hadang thu saong ikan thu cá khoai hu urang blei ralo. Tết thun ini, Trà Vinh pablei tabiak darak pasar  jaik 400 tấn hadang, ikan thu dom janih, tal tukvak ini hu jaik meteh dom pandap hu pablei, dom pandap ralo meng blei ngak pandap  alin, abih di nyu nan lac hadang thu Vinh Kim hu ngak meng tép bạc ia taba.

#/ Piah klah rah tabiak veik bruk gar jalan dalam tuk tết, gah chức năng tỉnh Bến Tre  - Tiền Giang hu pambuak bruk song công ty trách nhiệm hữu hạn BOT tatua Rạch Miễu padang jalan khik caga an toàn giao thông. Tui nan, iek prong bruk dong urang njauk bala tuk hu bala atau patuh khuah di angaok tatua Rạch Miễu, peih pambah mbang dom labik PAblei vé di bilac thu phí di công ty trách nhiệm hữu hạn BOT tatua Rạch Miễu tuk gar radeih.

Patui di ini dom khau tin dunya:

#/ Harei kabroi, Chi lê brei thau lac daok tui bruk thỏa thuận  pablei salih dua gah ngan saong dom đối tác xuyên Thái Bình Dương (TPP) karei karei hadei di tuk Tổng thống Mỹ Đô-nan Trăm mbaoh tangin tame sắc lệnh hành pháp brei tabiak truh Hiệp định đối tác xuyên Thái Bình Dương (TPP).  Brei panuac di mbang họp báo, Ngoại trưởng Chi-lê Mu-nốt brei thau, taneh ia ini hu panuac caong peih bruk ginum meyai saong dom thành viên TPP karei jeng yau TQ saong HQ saong dom taneh ia ini hu panuac pachreih tui.

#/ Gah Y tế dunya  harei 23/1  hu pachreih bruk tui iek catang jit kum menuk ada, saong hu panuac ieu dom negar payua harak pathau khan ka jit ruak. Di mbang họp báo di Giơ-ne-vơ (Thụy Sĩ) Giám đốc kapul  Y tế dunya Ma-ga-rét Chan brei thau bruk njom mbak di jit cúm urka ni, njauk samar pacang cakak song tui iek jit ruak meng di tuk tamuh tabiak. Meng ilamu di dom mbang jit Ê -bô-la, dịch Mớt rah tabiak dahlau di nan, Gah Y tế dunya khin dom negar peih ngak  njauk tuk, jui iek lap dom panuac khan tuk camereip./.

#/ Trung Quốc saong Philippin barau njauk hatai pambuak bruk dalam 30 dự án praong yaom 3,7 tỷ đô la Mỹ, pataom tame bruk patruh eik patrun kathaot. Bruk ini hu khan brei thau hadei di mbang taom gaok di lambaok dua taneh ia di ban ine Bắc Kinh di harei 23/1. Akaok mintri jien padai Philippin Các-lốt Đô-min-gu-ê ndom lac, dua gah hu mbang taom gaok biak kein lagaih, ginum meyai ka dom dự án praong di dom bhum palei pala jeng yau dom dự án sit jang./.