1 # Pathau khan di mintri NN&TPNN di nyaom biai ka bruk dong chip sang dok ka dom boh sang njauk ribuk ia sua, glut jaleih taneh dalam negar peih ngak di  Hà Nội harei  23-8 brei thau: Tal tuk vak ni , dalam negar dok hu jiak 5.600 sang oh hu sang dok atau dok di sang taik tahah, labaih 42.000 sang njauk panduan nao piah khik hu siam mekre. Di nyaom biai, dom tỉnh hu panuac likau Thủ tướng Nguyễn Xuân Phúc pasang iek, brei dong chip 839 tỷ đồng, dalam nan hu jiak  400 tỷ đồng hu dong tapak ka urang padang sang dok. Tamat var ngak bruk, Thủ tướng ndom lac bruk dong mik va di bhum ia sua padang veik sang lac bruk njauk ngak.  Trung ương song dom tỉnh njauk panduan ba, dong ka urang lahik sang. Njauk ieu pataom rilo pren khang karei karei piah ba gauk dong ka bhap bini.

2# Công an tỉnh Bình Thuận birau chap kreik gac 4 urang dalam bruk ngak sraw kadauk, cagar veik urang jakar saong palai pajoat drap ar di UBND tỉnh Bình Thuận melam 10/6. Dom urang nan lac: Phạm Văn Trung (27 tuổi), Tăng Thanh Thuận (27 tuổi), Lê Nhựt Bản (25 tuổi) saong  Trần Minh Thiện (18 tuổi, daok di ban Phan Thiết). Pagam pambak tame bruk urang pataom gauk trun jalan phản đối dự luật hành chính kinh tế đặc biệt, daok ieu lac Luật đặc khu dalam melam rah tabiak bruk nan, dom urang nan pataom mbaok tame, glum patau tame cảnh sát cơ động, ngak srau kadau puk palei. Mbih tal urak ini, Gah Cảnh sát Điều tra Công an tỉnh Bình Thuận hu khởi tố 32 urang, dalam nan brei cap kareik 19 urang piah duh ka bruk pasang iek, duah thau, ba tabiak kaoh tui adat hukum. 

3 # Piah dong ka dom adei anek saih, abih di nyu nan lac anek kamuan urang bangsa takik dok di bhum kan kandah dalam tỉnh hu harak tapuk yam tame thun bac bahrau, kadung jien Khik ramik song patagok glai  tỉnh Kon Tum dok peih ngak danak dak pathau khan “Pabak pren ka dom adei tal sang bac” peih bruk brei harak, siphau, but, kalam ka anek saih  180 sang bac dalam tỉnh. Hu thau, danak dak ni hu ngak meng 3 thun ni mai. Dalam thun bac bahrau 2018-2019, danak dak hu peih ngak di  180 sang bac Tiểu học song Trung học cơ sở di dom  xã, ban sit  dok dalam bhum  taneh  glai.

4# Hadei di tuk Olympic Việt Nam yam tapa Bahrain, harei 24/8, tal dom urang kumei di đội tuyển kumei Viet Nam jia lac meda janeh Đài Loan, Trung Quốc piah hu mbaok tame  ban kết. Jeng dalam harei 24/8, kapol the thao Viet Nam daok pakacah 16 môn. Naong trak daok caik tagok bara Lê Thanh Tùng môn thể dục dụng cụ saong Ánh Viên pakacah caluai ia 200 met hổn hợp. Ini lac harei pakacah Puac abih di Ánh Viên pak ASIAD, yau nan ye, anai Ánh biak kham merat piah mek hu jak jek glaong di abih

5 # 6 tuk mesup Harei 24/8, sa mbang khuak rah tabiak di  quán beer club Xpedition angaok jalan Nguyễn Chí Thanh, phường 1, ban  Đà Lạt, tỉnh Lâm Đồng. Hadei di tuk taduan hu panuac khan, gah Cảnh sát pacang khuah padam khuah Lâm Đồng ba 10 radeih  padam pui, dalam nan hu  2 sruh radeih kanyan song yaok pluh urang jakar  , urang lin nao tal labik piah padam pui. Tal Jiak 8 tuk  mesup harei 24/8, mbang khuak hu pandam. Yaom lac oh hu urang halei metai min mbang khauh nan ngak ka  rilo tuai damuai nduac srau kadau..

Patui di ni dom khau tin dunya:

6# Kinh tế Venezuela daok laik tame kan kandah biak khang hadei di bruk salih jien praong di Rajaei dom harei dahlau. Yaok ribau labik pablei salih kareik pabah mbang piah hu tukvak ngak randap ngan saong “jien Bolivar chủ quyền". Rajaei trun 5 angka 0 angaok blah jien dut saong jien Bolivar klak saong brei thau,  ini lac jalan ngak piah pacang bruk lạm phát, min tapa nan mboh nyu dak kan kandah jang. Darak “chợ đen”  USD di Venezuela jeng "đóng băng" kayua dom labik salih jien saong tuai damuai haduh hatai ka bruk salih jien saong bruk kan kandah praong di kinh tế taneh ia.

       7 # Oh caik hatai tal dom kham merat ginum biai ka bruk pablei salih  , Mỹ bahrau ba tabiak bruk kak je nhập khẩu pabak  25% ngan song  279 pandap blei meng Trung Quốc tui  harak angan hu khan dahlau di nan. Dom pandap njauk kak je mbang ni hu: thiết bị bán dẫn, hóa chất, nhựa, radeih  máy song xe đạp điện. Hadei di tuk Mỹ peih ngak bruk ini, Trung Quốc hu panuac phản đối khang saong brei thau lac đáp trả tương xứng.

   8 # Tổng thống Mỹ Đô nan Trăm (Donald Trump) tabiak panuac lac meyeh ong njauk luận tội ye darak chứng khoán meda jaleih tayah saong menuac sia  biak kathaot jang. Panuac nan di ông Trăm hu ba tabiak dalam mbang javap jalei sua tangi di rayo papar binguk Phócx-Niu harei 23/08. Bruk luận tội tổng thống Trăm hu ba tame meyai di QH Mỹ hadei tuk dua urang phụ tá dahlau diah di ong Trăm taduan lac ngak suan gah jien padai./.