1/ Ngak tui panuac tacei pato di rajaei, akaok mintri Công Thương patabiak dom Quyết định pasang iek di 3  danak dak yếu kém di gah Công thương.  Nan lac  : Sang mac ngak khak drak DAP 2 Lào Cai; Sang mac tabung ba ar  Phương Nam; Danak dak sang mac ngak kapan Dung Quất. Ngak tui hukum pasang iek thun 2010, Mintri Công Thương hu ba tabiak brei thau dom quyết định pasang iek di dom danak dak nan song peih bruk pasang iek tui njauk adat hukum.

2/ Pambuak tal bruk đóng BHXH bắt buộc, ong Nguyễn Duy Cường - Phaok akaok Vụ Bảo hiểm xã hội (mintri Lao động Thương binh saong Xã hội) brei thau: Urak ini, jien bilan njauk đóng BHXH bắt buộc hu tacei tabiak dalam hukum BHXH thun 2014. Tui nan, jien bilan đóng BHXH bắt buộc meng harei 1/1/2016 saong abih thun 2017 hu đóng tui yaom jien bilan saong PHỤ cấp jien bilan. Meng harei 1/1/2018, bảo hiểm xã hội bắt buộc đóng tui yaom jien bilan, phụ cấp jien bilan saong dom khoản pabak karei. Yau nan, bruk đóng BHXH tui abih tih jien mek tame meng harei  1/1/2018 lac oh ka njauk.   

       3/   # Pahadar harei dunya urang umo prong 1/10 song piah paglong akaok sahaneng ka bruk iek glang pren yava urang umo prong Việt Nam, Sang iek ruak Đại học Y Dược ban raya .HCM peih harei iek glang pren yava urang umo prong, iek ruak brei saoh song  tầm soát ka labaih 300 urang umo meng  60 thun tagok.

          4/ Urak ini di bhum taneran kraong Cửu Long bruk phun mbang baoh njauk bruk gha, kanyik hala ba tal năng suất biar saong metai biak ralo. khang di abih nan lac di dom janih phun yau: durieng, karuoc bung , chôm chôm, cam, baoh ia tasau… Di Tiền Giang hu yaok rituh ha phun baoh ia tasau, urang pala njauk klaak kayua njom ruak ini. Piah pacang cakak ruak bruk gha, kanyik hala, urang pala tuk pala brei ngak bein njauk kỹ thuật, buh ralo khak hữu cơ.

5/ # Bhum Đồng Tháp Mười - labik  huyện Tân Phước, tỉnh Tiền Giang  hu jiak 20.000 ha menaih thanh long, khoai mỡ song  6.000 ha padai oh ka yuak . Piah pacang caga ia ndik, urak ni huyện Tân Phước hu padang ngak  129 ar pacang, atah labaih 700 km, caik 144 bilai jnuk ia  song  113 kapul jnuk tathuak  . Dalam bilan ia ndik thun ni, huyện hu buh Brei labaih 16 tỷ đồng pasiam  dom ar pacang, dom krong ribong,  khik caga siam ka labaih 100 ha menaih dok di langiu ar pacang.

6/ Harei 25/9, di ban sit Kon Tum, kapul dam dara CS Hồ Chí Minh tỉnh Kon Tum peih nyaom roya mbang ka XIV, tukvak 2017- 2022. 5 thun tapa, dam dara Kon Tum hu ralo bruk ngak hu makna yau: pasiam veik, ngak barau jaik 500 km jalan mbak palei pala; pasiam veik, alin brei labaih 300 baoh sang anit ranam, sang nhân ái ka baoh sang sarak karja.

7/ #  6 tuk mesup  24-9, angaok jalan nao tal palao kaoh Sơn Trà – Đà Nẵng rah tabiak sa bruk radeih paoh gauk ngak sa sinh viên njauk rambuac trak. Urang gaok bala lac Nguyễn Hữu Tuyền, umo 19 thun, dok di tỉnh Gia Lai, sinh viên thun ka sa  sang   bac Cao đẳng Giao thông Vận tải. Kayua ia kakua, jalan dốc song mbaok jalan hu patau randaih sit, radeih máy di  Tuyền dok peih paoh tame taluy pacang tapen jalan. Tuyền njauk rambuac trak hu ba tame sang iek ruak  Đà Nẵng cấp cứu.

Patui di ini dom khau tin dunya:

8/ Cử tri Thụy Sỹ harei 24/9 taih klak đề xuất patagok umo padeih hưu di urang kamei tal 65 thun dalam bruk trưng cầu ý dân ka salih barau bruk padeih hưu di taneh ia ini. Taphia di nan, urang jeng phản đối bruk tagok yaom je giá trị gia tăng  (VAT) hu ba tabiak dalam đề xuất ini. Tui bruk ba tabiak, je VAT tagok 8,3%  meng thun 2021 piah daong bruk padeih hưu.

     9/   #  Thủ tướng Ai Cập Sê-ríp I-xma-in (Sherif Ismail) brei thau, dom jabat karja meda salih nao tal ban ine hành chính bahrau di puac thun  2018. Ban ine hành chính bahrau lac sa binah dalam bruk ba tabiak di  Tổng thống Áp-đen Pha-ta en Si-si (Abdel-Fattah El-Sisi) piah jhulpatagok kinh tế tapa  rilo danka dak prong, tui kuhria hu labaih  45 tỷ đôla Mỹ (USD). Ban ine hành chính bahrau atah di ban ine Cairô 45 km nao gah timum rah tui jalan meng Cairô song Biển Đỏ, pambuak pagam song dom jalan pajeng ba prong

10/ Tổng thư kí Liên hợp quốc An-tô-ni-ô Gu-tơ-rét hu panuac ieu dunya ngak ralo jang gac piah abih bruk srau kadau, pacang cakak bruk eik lipa di 4 taneh ia  châu Phi. Urak ini, dom bruk kham merat daong DI dunya bahrau pacang cakak hu bruk eik lipa, ralo taneh ia jeng daok pasang mbaok saong bruk kurang mbang, kurang pandap mbang menyum./.