1/ # Dalam tuk nao rivang Hoa Kỳ, Thủ tướng Nguyễn Xuân Phúc hu ginum biai song Tổng thống Hoa Kỳ Donald Trump. Thủ tướng Nguyễn Xuân Phúc ndom lac Việt Nam iek prong bruk patagok talei pambuak bruk tong abih gah song Hoa Kỳ; tong yaom glong dom jalan peih ngak sarak di karja Tổng thống Donald  Trump ngan song bhum Châu Á – Thái Bình Dương tuk vak tapa. 

2/ Meng harei 15/6, yaom brei mesraiy rilo di abih ngan saong anek saih, sinh viên hu patagok, meng 1.250.000 đồng/sa bilan tagok 1.500.000 đồng/sa bilan. Yau nan, duk saong yaom klak hu pandar, yaom brei mesraiy rilo di abih ngan saong anek saih, sinh viên tagok jang 250.000 đồng/sa bilan. Thủ tướng rajaei pandar gilang pariak sarak karja XH hu trách nhiệm peih bruk brei mesraiy, tui iek, pataom mek sraiy tui quy định di hukum urak ini.      

3/ # 20 jang ranaih naih gheih  hu  Tỉnh Đoàn Hưng Yên pok angan di harei pok meyaom “Urang jang ranaih naih gheih” tỉnh Hưng Yên thun 2017. Ni lac dom urang ngak di dom sang máy, doanh nghiệp dalam tỉnh, lac urang daok bac di dom sang bac pato pakai bruk ngak,  thợ thủ công  hu tangin gheih. Bruk pok meyaom piah tapa nan pachreih ba dom dam dara Hưng Yên bac megru paglong ilamu, pasram kỹ năng bruk ngak; rik dong ka bruk patagok di  đơn vị.  

4/ Meng harei 1/6 tal harei 8/6, di tỉnh Cà Mau, mintri Tài nguyên saong môi trường pambuak bruk saong UB bhap bini tỉnh peih adit tasik saong pulao VN ngan saong kadha “Kayua harei hadei di kol drei”. Adit nan hu dom bruk ngak yau: danak dak mít tinh pachreih tui adit tasik saong pulao VN thun 2017; bruk tabiak mbaok di dam dara halan hatian ngak hacih môi trường mblang tasik, alin pandap, brei jru iek ruak ka urang lin saong bhap bini pulao Hòn Chuối.     

5/ # Dom harei jiak di ni, hajan khang gam song ia ndik glaong ngak ka bruk glut jaleih tapen krong ribong di  tỉnh Tiền Giang daok rah tabiak. Di krong Ba Rài, krong Trà Tân, (huyện Cai Lậy) bahrau hu yaok pluh labik glut jaleih bahrau. Trak di abih lac di labik palei 12, xã Long Trung, huyện Cai Lậy hu sa jalan atah 30 mét  glut jaleih dalam tame mblang bein di sang bhap bini, ngak glut sa jalan palei, ngak ka bruk nao mai, pajeng ba pandap panda di bhap bini labik ni gaok kan kandah.

6/ Tukvak ini, urang nông tỉnh hậu Giang daok yuak padai hè thu. Min năng suất padai saong yaom pablei jeng trun ngak ka mikva gaok ralo kan kandah. Tui pasang iek, hu jaik 25.000 ha daok dalam tukvak sraoh – tasak hu urang nông yuak ralo dalam dom harei tal. Taphia bruk năng suất padai tok hu labaih 6 tấn sa ha, biar jang thun bloh jaik meteh tấn sa ha, urak ini yaom blei padai jeng trun ngak kan kandah ka mikva. 

7/ # Di ban raya Hồ Chí Minh, Hội Liên hiệp dam dara Việt Nam bahrau peih bruk yaih khan danak dak "dong ka boh sang rong glang – dong yaom ka urang blei” . Danak dak ngak pachreih, dong yaom ka urang blei  rilaow pabui song tacei ka urang rong pabui jalan tagok bruk rong glang khang kajap dalam abih chuỗi. Padang quy chuẩn rilawo pabui khik hu chất lượng, pamong tal bruk rong glang pabak ka xuất khẩu, dong patruh eik patrun kathaot.   

Patui di ini dom khau tin dunya:

8/ Rajaei Thái Lan daok tagok kế hoạch, tal bilan 9 thun ini hu pablei taong abih 4,32 triệu tấn brah daok khik dalam kho negar. Dalam dom brah ini hu 2,5 triệu tấn brah chất lượng biar, tok lagaih piah chế biến dalam công nghiệp. Tui kuhria bruk pablei taong abih brah nan oh ngak kan kandah tal brah vụ mùa barau yuak.

9/ # Rajaei Nhật Bản brei thau: gah khik caga tasik negar ni dok kuhria caga sa mbang  tập trận song kapan mbalng kapan haoh peih meng năng lượng hạt nhân Ronald Reagan di Mỹ. Bruk nan rah tabiak dalam tuk bruk daok catang tagok hadei di dom mbang thử tên lửa bahrau ni di Triều Tiên song dom dấu hiệu brei mboh Bình Nhưỡng meda peih bruk thử hạt nhân ka 6.    

10/ Meng harei 31/5, bhap bini Séc oh daok hu njuk pakao dalam dom quan alak, nhà hàng, uan cà phê, saong dom labik công cộng, tuk hukum oh brei njuk pakao hu ba tame ngak. Urang vi phạm, lac urang njuk pakao saong po quan, jeng njauk phạt jien./.