1/ Mesup harei 27/9, Thủ tướng rajaei Nguyễn Xuân Phúc dang akaok mbang ginum biai di Nyaom biai ka bruk patagok khang kajap bhum taneran krong Cửu Long Lagaih Song biến đổi khí hậu dok rah tabiak di  Cần Thơ. Ni lac nyaom biai prong di abih meng dahlau mai song cong lac meda peih tabiak dom sarak bahrau tui jalan khang kajap, lagaih song bhum taneran krong Cửu Long.

2/ Harei pataom ilamu bangsa Dao pakat negar mbang akaok meti ngan saong kadha “khik ramik, patagok ilamu bangsa Dao dalam tukvak salih barau – mbeik drei tame saong patagok khang kajap taneh ia” hu rah tabiak dalam 2 harei 29 saong 30/9 di tỉnh Tuyên Quang. Hu biak ralo bruk ngak di urang Dao hu rah tabiak, kadha praong abih lac padang veik lễ cấp sắc di urang Dao.

3/ Meng rilo thun ni mai, rilo boh sang di xã Minh Thành, huyện Yên Thành (Nghệ An) gaok rilo kan kandah tuk kurang ia pandar, abih di nyu nan lac dalam bilan pandiak. Piah langyah bruk ni, danak dak padang ngak  sang mac ia saat xã Minh Thành hu padang ngak meng thun 2012, tui kuhria hu ba tame pandar hadei di sa thun, pabak ia saat ka 70% dom boh sang di xã Minh Thành. Min mbiah tal urka ni oh ka ngak bloh, ngak ka  bhap bini  biak duh hatai.

4/ Ong Nguyễn Dung, Phaok akaok UB bhap bini tỉnh, akaok mban peih Festival Huế brei thau: Festival Huế 2018 daok lac labik taom gaok ilamu nghệ thuật di dom taneh ia, piah jhul pakhang jang talei pambuak bruk dunya, yaih khan dom yaom glaong ilamu hadah krah di VN.

5/  Salam uan harei Du lịch dunya (27/9) thun 2017, Tổng thư ký Tổ chức Du lịch dunya (UNWTO) di  Liên hợp quốc Taleb Rifai hu payua panuac tal dom urang ngak du lịch di dunya. Dalam nan, ong Taleb Rifai ndom lac Gah du lịch patagok ba mai bui sambai, ba kaya meda, hu mboh, hu thau saong bruk ngak mbang ka rilo menuac di dunya  

6/ Urak ini quỹ taneh di tỉnh oh daok nan ye biak kan pachreih doanh nghiệp buh jien tame ngak mang di Bến Tre. Tui quy hoạch tổng thể patagok dom labik công nghiệp tal thun 2015 saong pamaong tal thun 2020 hu thủ tướng rajaei mbaoh tangin brei adat, tỉnh Bến Tre hu 7 labik công nghiệp praong abih tih jaik 1.400 ha.

7/ Thun bac 2017-2018, tỉnh Vĩnh Long daok brei jhul khang bruk pato BAC tui jalan pato haroh, pato menuac song pato kỹ năng, piah dong ka anek saih patagok tong abih gah meng rup pabhap, ilamu, hatung hatian saong Akaok sahaneng.

Patui di ini dom khau tin dunya:

8/ Sa urang ngak praong Mỹ harei 26/9 brei thau, dalam thun jien padai hadei (meng harei 1/10 tal), Mỹ hu taduan ralo abih 45 ribau urang tị nạn.

9/ Trung Quốc bahrau pambuak veik bruk blei dhang meng Triều Tiên 5 bilan hadei di tuk ngak tui hukum oh brei blei ni. Tui Tổng cục Hải quan Trung Quốc ba tabiak harei  26/9 brei thau, Trung Quốc hu blei 1,6 triệu tấn dhan meng Triều Tiên dalam bilan 8. 

10/ Mintri Ngoại giao Hàn Quốc harei 27/9 tabiak panuac lac, dom jalan trừng phạt barau di Mỹ ngan saong dom gilang pariak hong menuac urang di TT hu rik daong tame bruk kham merat di dunya piah ba TT nao tui jalan oh hu hạt nhân./.