1/ Mintri Công Thương bahrau hu panuac javap jalei ka bruk dom jabat mbao chí brei thau ka đề án tauk tem bia ngak brei tagok jang naong trak jien ndua ka doanh nghiệp, ba tal bruk mbuan Jhul yaom pandap tagok tui.

2/ Mintri pato megru barau hu harak payua Giám đốc Sở pato megru dom tỉnh, ban ka bruk taduan mek, langyah panuac brei thau pambuak tal bruk pato megru. Tui nan, dom puk palei brei thau cambaih lait phon jalan talei pandiak saong địa chỉ thư điện tử piah taduan panuac brei thau di bhap bini pambuak tal bruk pato megru di puk palei.

3/  Pambah lamnge  Đà Nẵng ngak hu bloh bruk ba sàn nâng bahrau tame pandar piah pabak ka dom kapan pajeng pandap kayau. Tapa nan, urak ni pambah lamnge Đà Nẵng pandar 2 hệ thống piah pajeng kayau tagok kapan. Bruk pandar  2 băng chuyền, 2 sàn nâng, bruk ba kayau tagok kapal hu biak rilo jang, labaih 11.000 tấn/ sa harei, tuk vak kapan mek pandap di pambah lamnge trun dok 3 tal 4 harei, takik jang 2 harei dut song dahlau deih.

4/Piah paglaong bruk merak gauk, jhul pakhang bruk pala drak saong pabak njam hacih, Chi cục khik iek chất lượng kaya nông kaya glai kaya ikan tỉnh Bình Thuận hu pambuak saong pasak pachreih nông tỉnh hu peih bruk pambuak chuỗi hacih meng tuk pala tal ngak caik paok di palei Phú Trường, ban sit Phú Long.  Ngan saong taneh 6 ha, dom baoh sang salih gauk pala 10 janih njam mbang hala yau: njam húng lủi, xà lách, dom janih sabei diếp cá... 

5/  dalam dom bruk di danak dak “ Harei patom ilamu Thể thao song Du lịch mbang ka sa, thun 2017 ngan saong kadha  "Lai Châu pataom mai song pambak prong ", meng harei 13 tal  15/10 tỉnh Lai Châu hu peih padong par, piah peih tabiak bruk patagok du lịch mạo hiểm yaok thun di Lai Châu. Bruk main padong par mbang ni hu meng 40  tal 50 phi công dok dalam song langiu negar mai meng kapul  padong par  Việt Nam.

6/ Meng ini tal thun 2020, tỉnh Kiên Giang pataom tame patagok công nghiệp hỗ trợ duh ka bruk ngak di gah công nghiệp dalam tỉnh saong pabak ka darak pasar dalam taneh ia. Tui kuhria abih tih phun jien peih ngak bruk ini labaih 19 tỷ đồng meng kadung jien karja tỉnh saong dom phun jien karei.

7/ Jabat  ngak nong song patagok palei pala huyện Cầu Ngang, tỉnh Bến Tre bahrau pataom iek veik 2 mô hình rong hadang thẻ takai  patih  dalam danao hu tauk bạt di sang ong Phan Văn Hận song  Lê Minh Kha daok di xã Mỹ Long Nam, mek hu kein liba labaihn 2 tỷ đồng/sa ha/sa vụ. 

Patui di ini dom khau tin dunya:

8/ Myanmar hu brei adat dom urang dang akaok dom jabat LHQ nao tal bang Rakhine (Ra-khin), gah brak taneh ia ini dalam harei 28/9. Brei panuac saong báo giới, ong Xtê-phan Đu-gia-rích), urang brei panuac di Tổng thư ký LHQ brei thau rajaei Myanmar hu peih mbang nao ini ka dom urang dang akaok dom jabat LHQ.

9/  Ma-lai-xi-a harei 28/09 tabiak adat oh brei tong abih dom menuac urang di negar ni tal Triều Tiên dalam tuk dom bruk dok catang   tagok di palao kaoh Triều Tiên  pagam tal dom danak dak tên lửa song hạt nhân di negar ni .

10/ Thị trưởng London (Anh) Sadiq Khan (Xa-đích Khan)  hu tabiak cảnh báo ô nhiễm không khí khang hadei tuk tanut ô nhiễm di labik ban ine kapal jang kayua khí thải jhak bak châu Âu./.