1#Mintri Ilamu, Thể thao saong Du lịch bahrau tabiak harak ka bruk hu mbaok tame Festival ilamu bhap bini di Pháp, Ý, Rumani, Hy Lạp saong Séc. Harei pataom kayua Liên đoàn ilamu bhap bini dunya IGF peih tabiak ngak meng harei 5/7 tal abih harei 16/8.

2/ # Adit ilamu tasik palao Quảng Ngãi thun 2017 hu rah tabiak di puac bilan 8/2017 di  Quảng Ngãi song dom huyện tapen tasik dalam tỉnh kayua Uỷ ban bhap bini tỉnh Quảng Ngãi peih ngak. Dalam luac tuk vak rah tabiak adit ilamu tasik palao tỉnh Quảng Ngãi hu dom bruk ngak pambuak tal yau: Parang iek “Inem krung ilamu tasik palao tỉnh Quảng Ngãi”; parang iek tapuk ka palao tasik, song taduan mek angan inem krung labik mekre iek pakat negar ka ceik Giếng Tiền.

3#Gah Kỷ lục Việt Nam bahrau hu harak Quyết định ka 052 pok angan bánh canh saong tapei racam cambu ia kakua Trảng Bàng (Tây Ninh) tame Top 100 janih pandap mbang gheih di Việt Nam tukvak 2011-2016, tui tanut ba tabiak ka pandap mbang menyum Việt Nam. Ini lac dua janih pandap gam mbang trei gam mbang me-in , lagaih ka tuk taom gaok gauk gar daam sang saong taom gaok ayut sahabat.

   4/ # Harei pataom guitar fingerstyle dunya – lac angan ieu di harei pataom mbang ka 3 di Việt Nam rah tabiak harei 18/7 di Nhà hát Tuổi Trẻ (Hà Nội), harei 19/7 di Nhạc viện ban raya Hồ Chí Minh. Danak dak hu mbaok di  5 nghệ sĩ mai meng châu Âu, châu Mỹ song  châu Á: Justin King (Mỹ), Jacques Stotzem (Bỉ), Agustin Amigo (Tây Ban Nha), Akihiro Tanaka (Nhật Bản) song Duy Phong (Việt Nam).

         5#  Tỉnh Long An daok kuhria bruk padang ngak sang mac điện meng ia.

 harei hu công suất 100MW, saong yaom jien buh tame ngak jaik 100 triệu USD. Sang mac điện harei ini hu ngak meng talei pambuak bruk di liên doanh BCG Băng Dương saong Tập đoàn Hanwha Hàn Quốc, padang ngak di labik praong 125ha di xã Thạnh An, huyện Thạnh Hóa. Tui kuhria mboh dahlaau, sang mac hu peih bruk padang ngak dalam quý 1/2018, saong ba tame pandar meng thun 2019.   

6/ # Urak ni 2 mintri Công thương song mintri ngak nong song patagok palei pala dok samar ngak ka nyu  salah dom harak gar adat cambat, piah peih pabah mbang ka boh  thanh long Việt Nam tame darak pasa Australia dalam thun ni. Urak ni  Bình Thuận lac “labik pala thanh long rilo abih di Việt Nam, hu yaok ribau hecta thanh long mek hu chuẩn  VietGAP song GLOBAL GAP. Bruk ba boh thanh long tame darka pasa Australia lac sa bruk bui sambai ka doanh nghiệp song urang nong Bình Thuận.

 7 # Nhà xuất bản Trẻ bahrau alin hadiah 16 tu tapuk ini ka bhap bini urang Việt daok di Đài Loan tapa jalan Hiệp hội Kế thừa ilamu saong nghệ thuật Việt Nam di Đài Loan saong Hiệp hội Sáng tạo ilamu nghệ thuật ban sit Cao Hùng. Bruk alin hadiah ini piah rik daong tame bruk khik ramik ilamu halau gha dalam dom rai rah anek taco urang Việt daok atah palei negar.

Patui di ni dom khau tin dunya

8/ #  Tổng thống Mỹ Đô-nan Trăm bahrau ba tabiak dom jalan ngak piah peih tabiak “tuk vak hadah tanyak” di sarak năng lượng, dong pasiam gah năng lượng hạt nhân di Mỹ jang yau patrun dom tavak tavaiy ka bruk  xuất khẩu năng lượng di negar Mỹ.

9 # Sa dalam dom kapal hu mblang kapal haoh praong abih saong livik rai  abih di Mỹ USS Dwight D. Eisenhower  daok nao rivang Canada 1 adit, saong labik pataok camereip di abih lac cảng Halifax di tỉnh takai tasik gah Đông Nova Scotia.Kapal hu labaih 20 boong, dalam nan  boong piah mesruh caik hu 60 sruh kapal haoh, yaok sruh tok abih 1 minit par tagok atau par trun. Angoak kapal hu tal  6.200 menuac, min dalam mbang nao ivang ini, hu meteh dom mnuac nan min.

10 # Rilo bhap bini mbuan njauk tổn thương abih di dunya jeng dok dalam dom negar nhiệt đới, song meda njauk ảnh hưởng rilo abih kayua dom bruk meng môi trường. Nan lac panuac di Liên hợp quốc tuk harei dunya dom negar Nhiệt đới. Liên hợp quốc  kuhria mboh lac tal thun 2050, bhum taneh ni  hu rilo menuac sia di abih dalam dunya, song hu 2/3 dom uranaih di dunya./.