1# Bilan 6/2018 meda hu vắc xin laka cambuai saluah kakau kayua Việt Nam ngak tui jalan ngak kong saong hu ba tabiak pandar. Mintri ngak nong saong patagok palei pala hu jao vi rút laka cambuai saluah kakau ka 3 doanh nghiệp pandar piah piah ngak vắc xin. Ini lac mbang camereip abih Việt Nam ngak hu vắc xin laka cambuai saluah kakau . Dahlau di nan, Việt Nam njauk blei taong abih dom vắc xin, abih tih meng 40-50 triệu mbang vắc xin, abih meng 20-30 triệu USD. 

  2# Dom harei ni urang tong ikan di dom palei dalam tỉnh  Nghệ An tabiak tasik tong chap kaya ikan hu rilo, abih di nyu nan lac hadang song ruốc tasik.Urang tong ikan brei thau, bruk tong chap hadang takik biak mbuan oh cang hu rilo menuac ngak song tuk vak meng sa tal 2 harei. Di ban sit Cửa Lò song  huyện Quỳnh Lưu, rilo kapan di urang tong chap dalam sa harei  duah hu 2 triệu đồng. 

3#Di palei Rooc Mẹt, xã Đăk Nhoong huyện Đăk Glei (Kon Tum) daok hu sa drei kubao tra njauk ruak laka cambuai saluah kakau, tui nan, abih tih dom drei kubao, limo njauk ruak di huyện lac 26 con. Anak bruk nan, Chi cục hu tacei pato Bilai raong glang saongThú y huyện Đăk Glei haong huyen Ia H’Drai peih bruk langyah sruh jit,  pacang caga jit tui njauk jalan ba tabiak.

        4   # Thun 2018, tỉnh Long An patagok taneh rong kaya ikan tal jiak  9.200 ha, praong 15.000 m3, tong sản lượng abih tih jiak  43.000 tấn. Piah ngak hu bruk nan, tỉnh Long An tagok bruk khik ramik rong kaya ikan siam, yau hu panuac tacei bilan rong hadang thun  2018; brei thau  angan dom janih kaya ikan ia taba hu dong tui sarak pachreih patagok bruk rong kaya ikan di dom huyện dalam  bhum Đồng Tháp Mười di tỉnh Long An.

          5# Anak dom caong khin dak harei dak glaong gah chất lượng di darak pasar negar lingiu, tỉnh Sóc Trăng hu pachreih saong patgok bruk daong bhap bini peih ngak rilo jalan raong hadang tui tiêu chuẩn VietGAP, hadang sinh thái chất lượng glaong piah paglaong yaom hadang; dalam nan biak sangka peih praong bruk raong hadang ia taba tui tiêu chuẩn VietGAP, hacih sa-at pandap mbang menyum. Ini hu maong lac jalan siam di abih piah patagok khang kajap bruk raong hadang dalam tỉnh. 

Nhạc cắt

          Patui di ni dom khau tin dunya

        6   # Dom gah truyền thông  di Pê-ru (Peru) harei  03/01  brei thau, harei  2/1, sa bala radaih buýt  rah tabiak di labik atah di ban ine  Li-ma (Lima), Pê-ru jiak 50 km, ngak brei  36 urang metai song 7 urang karei njauk rambuac. Urak ni, urang jakar daok duah thau makna ba tal bala

          7# Iran bahrau peih veik dua pabah mbang negar haong bhum tự trị urang  Cuốc (Kurd) daok di gah brak I-rắc, hadei di tuk kreik dom pabah mbang ini piah cagar veik bruk trưng cầu ý dân ndok độc lập di urang Cuốc di thun bloh. Dom pabah mbang ini brei kreik tui panuac tacei meng rajaei I-rắc.

          8 #  Mesup harei  3/1,  di pabah krong  Ngô Tùng dalam ban  Thượng Hải (Trung Quốc) rah tabiak bruk ginuh gauk di 2 kapan pajeng pandap ngak ka sa sruh kapan karam  song 13 thuyền viên laik trun tasik .