Khau tin page mesup 5/10

1# Anak bruk  anek saih dak harei dak takik, dok rilo labik sang bac sit, rilo  sang bac tiểu học, Trung học cơ sở sit sot, Tỉnh Nghệ An tacei gah pato megru song dom puk palei peih bruk rami ramik veik sang bac Bruk ngak ni piah pasang iek, dak padang veik dom sang bac ka nyu lagaih tui jalan pandar siam menuac urang gah pato megru, paglong chất lượng pato song bac di dom labik pato megru. 

2# Trung thu thun ini pak tỉnh Kon Tum dak hu makna tuk rilo bruk hu peih ngak ka uranaih bhum atah bayah, bhum bapbini bangsa takik saong dom uranaih sang kan knadah. Anih di nyu nan lac danakdak daoh tamia “ melam pataom ia bilan bak baoh” brei ka labaih 2.000 adei uraniah daok di dom cơ sở bảo trợ xã hội, kayua pasak ilimo Thể thao Thanh thiếu nhi pambuak bruk saong Quỹ Bảo trợ uranaih Thành Đoàn peih ngak.

3# Kuhria dalam 9 bilan akaok thun ni, tỉnh Đắk Lắk rah tabiak 1.093 mbang ngak suan hukum khik caga song patagok glai, trun 13,5% (samu 170 mbang) dut song  9 bilan akaok thun 2016; dalam nan, kaoh tui hình sự 13 bruk, chap mek 2.055 mét khối kayau dom janih, 21 sruh ô tô, jamriak liua song yaok rituh radeih mac, jam riak dom janih.

4# Pagaiy harei 4/10, bruk srau kadau, gar jalan hu mboh veik di Trạm thu phí BOT canah plaih Biên Hòa tuk tài xế  bayan jien lẻ piah phản đối. Trạm thu phí khang hatai oh xả trạm, daok tài xế brei thau, urang jeng khang hatai oh nhượng bộ ka tal tuk bruk phản đối hu jeng. Ndom biai haong urang vak di rayo sap ndom VN, Sở Giao thông vận tải Đồng Nai brei thau, yaom lac hu văn bản kiến nghị di mintri Giao thông vận tải ka bruk oh mek jien, trun takik jien ka dom radaih di bhapnini daok dalam bhum nan, kuhria gam radaih buýt, radaih raok công nhân... min jeng oh ka taduan hu bruk langyah cambaih di mintri .

5# Akaok  Ủy ban bhpa bini tỉnh Bạc Liêu tacei gah pato megru, dom puk palei samar pasang iek, pasiam veik bruk  lạm thu akaok thun bac 2017-2018. Labik halei, sang bac halei caik rah tabiak bruk lạm thu atau jak ba patom mek jien suan hukum meda  langyah catang bruk di urang, kapul nyaom  pak nan tui adat hukum. 

6#  Tui kuhria mboh di Cục Thống kê tỉnh An Giang, abih tih sản lượng dom janih phun mbang baoh dalam 9 bilan di thun 2017 dalam tỉnh tagok glaong hu 149.000 tấn sumu yaom jien labaih 776 tỷ đồng, tagok 18,8% duk saong dom bilan ini thun dahlau. Dua janih phun mbang baoh hu pala praong di tỉnh An Giang lac phun pa ok saong patei hu yaom glaong. 

7# Rija  Oóc Om Bóc – pakacah gaiy Ngo Sóc Trăng mbang ka III, bhum taneran krong  Cửu Long thun 2017 hu rah tabiak dalam 7 harei, meng harei 28/10 tal 3/11 di ban Sóc Trăng, tỉnh Sóc Trăng. Karei jang yaok thun, urang pakacah gaiy Ngo thun ni, lac urang bangsa  Khmer. Hu mbaok meng 50 - 70 urang yaok gaiy, dalam nan hu  50 urang pakacah chính thức.

Patui di ni dom khaw tin dunya

8# Lễ hội bia danei angan dunya saong praong abih taneh ia Đức Ốc-tô-bơ-phét (Oktoberfest) thun ini barau tamat di harei 3/10. Dom urang peih ngak saong gah an ninh jeng taong yaom glaong bruk an ninh hu ba mai jak jeng ka lễ hội mbang ini. Jaik 6,2 triệu mbang tuai mai tal lễ hội, tagok hasit duk saong 5,6 triệu mbang tuai thun 2016

9# Dom urang dang akaok gah y tế di Ô-xtrây-li-a (Australia) harei 4/10 brei mboh hatai suh sah saong hu ba tabiak panuac lac mbuan tamuh tabiak sa mbang jit ruak sởi bahrau, hadei di tuk hu 2 urang njom ruak hu nao mai di dom labik hu rilo menuac daok di adit dahlau  di ban Xít-ni (Sydney), Ô-xtrây-li-a.

10# Ngak tui panuac ieu di Liên hợp quốc (LHQ) saong dom kapul lingiu rajaei daong ka urang tị nạn Rohingya di Myanmar nduac tapa Bangladesh plaih bala, dom Tiểu vương quốc Arab thống nhất (UAE) hu padang jalan par piah ba pandap daong chip. Tui kuhria, dalam dom harei 11, 13 saong 15/10 tal meda hu dom mbang pajeng veik, ba  yaok ratuh tấn pandap  daong, hu: lều bạt, pandap mbang saong ia menyum brei ka labaih 8.000 urang tị nạn.