1/ # Parang iek thaot binguk “taneh ia, anek menuac ASEAN” meng harei 5-11/8, di  mblang bein rup patau Lý Thái Tổ, Hà Nội. Ni lac bruk ngak kayua  mintri ilamu Thể thao song  Du lịch pambuak bruk hong mintri Ngoại giao song Uỷ ban bhap bini ban Hà Nội peih ngak di tuk pahadar 50 Thun harei padang ASEAN.  

2/ Meng harei 1/1/2018, tỉnh Quảng Ninh peih bruk daong taong abih jien blei BHYT ka dom urang daok dalam baoh sang kan kathaot kurang dom bruk XH cơ bản (oh kurang BHYT) yau dom baoh sang kan kathaot karei meng phun jien di tỉnh. Dom urang hu mbang tui quy định ralo meng lac urang bangsa takik, urang bảo trợ xã hội, gauk gar tapon nyom bol pan phao kraong, bhap bini daok di dom xã pulao.

3/ # Palei  Hẹ, xã Xá Nhè, huyện Tủa Chùa, tỉnh Điện Biên hu labaih 80 boh sang lac urang bangsa Mông, taong abih dom boh sang nan jeng lac sang kan song jiak si kan. Jiak 10 thun tapa dalam palei tok hu sa sang bac  mầm non hu ngak meng kapan kayau, tabung tauk ton, ngak kan kandah tal bruk bac daa di anai gru song anek saih labik ni.  Anak bruk kan kandah nan, Hội Canh thân 1980 Việt Nam hu dong brei  350 triệu đồng piah padang ngak sang bac mầm non khang kajap piah dong anai gru song anek saih sang bac  Mầm non bản Hẹ hu lagaih dalam bruk pato saong bac, yam tagok dalam bruk pala menuac.

4/ Kapul urang njauk jru mek klik karuoc Dioxin tỉnh Quảng Nam hu peih danak dak nghệ thuật “ba tangin tame daong cadu pandik harao”. Di var peih bruk, lambaok urang dang akaok Quân khu 5 saong dom urang ngak pahala hu alin jaik 750 triệu đồng brei kapul urang njauk jru mek klik kruoc Dioxin tỉnh Quảng Nam.

5/ # Huyện Đăk Hà, tỉnh Kon Tum hu 13 nghệ nhân ưu tú hu pok angan di harei patom ilamu doh tako bhpa bini Tây Nguyên gam song adit ilamu du lịch tỉnh Kon Tum. Ni lac angan kayua akaok negar pok brei dom nghệ nhân dalam gah ilamu phi vật thể.

6/  Dom uang dang akaok Hợp tác xã Thủy sản Đồng Tâm di xã Thừa Đức, huyện Bình Đại, tỉnh Bến Tre brei thau, barau ini, mblang nghêu di  drei metai ralo, ngak khat lahik praong ka kinh tế saong rai diuk di xã viên.

7/ # Uỷ ban bhap bini xã Đức Liễu, huyện Bù Đăng, tỉnh Bình Phước song dom ban, dom gah , kapul nyaom xã hupeih bruk alin hadiah sang anit ranam ka amuk Thị Dôn, dok di palei  4. Amuk Thị Dôn lac boh sang bangsa  S’tiêng, raidiuk kan kandah, oh hu sang danaok siam mekre. Hadei di labaih sa bialn padang ngak, boh sang hu tame daok, sang prong  57m², ngak meng bê tông cốt thép, , tabung ton, nền tauk men. Jien padang ngak abih 65 triệu đồng.

Patui di ini dom khau tin dunya:

8/ Harei 3/8, dom nghị sĩ di Mi-an-ma hu ba tabiak sa bản kiến nghị piah ieu rajaei taneh ia ini jhul pakhang bruk ngak paglaong akaok saneng ka bruk njom mbak di cúm A/H1N1 (daok ieu lac cúm pabui) daok mbuan tamuh jeng jit di taneh ia Đông Nam Á ini.

9/ # Anh daok kuhria padang cơ quan bahrau piah duah thau saong langyah dom bruk  bất bình đẳng dalam pablei salih, yau pablei khut yaom tuk negar ni tabiak tRuh Liên minh châu Âu. Tui nan, Anh padang ngak “Tổ chức Điều chỉnh Thương mại” hu 130 urang, ala bruk khik ramik di mintri pablei salih dunya Anh song hu tame bruk ngak di bilan 10 thun 2018. 

10/  Akaok mintri pablei salih Campuchia Pan Xô-ra-xắc brei thau hadei di tuk mbaoh tangin tame harak hadar kanal saong akaok mintri lương thực Bangladesh Cam-run I-xlam di Phnom Penh. Tui nan, Bangladesh hu blei 200.000 tấn brah patih saong 50.000 tấn brah đồ dalam thun  2017.  Ong Xô-ra-xắc brei thau Campuchia meda pablei brah ka Bangladesh di bilan 10 tal hadei di tuk mbaoh tangin tame harak sanya ini./.